პატიმრობაში მყოფი ექსპრემიერი, ირაკლი ღარიბაშვილი ახალ წერილს აანონსებს, სადაც საუბარი პოლიტიკიდან ახლახან წასულ მამუკა მდინარაძეს შეეხება. როგორც მისი ადვოკატი ამბობს, საზოგადოებას წერილებს არ მოაკლებს. მმართველ გუნდში ამას ჭორაობას უწოდებენ, ოპოზიციაში კი ამბობენ, რომ „ჩაშვების სერია დაიწყო".

ღარიბაშვილის ადვოკატის თქმით, ექსპრემიერი მდინარაძეზე საუბარს რიგით მე-5 წერილში აპირებს.

ისლანდიის რეფერენდუმის შედეგების შემდეგ საქართველოში ევროკავშირში გაწევრიანების საკითხზე შესაძლო რეფერენდუმის ჩატარების შესახებ საუბარი გააქტიურდა - ინიციატივით ხელისუფლებას უკვე პროსახელისუფლებო ალიანსმაც მიმართა, მანამდე კი მმართველი პარტიის წარმომადგენლებმა ისლანდიის მაგალითი არაერთხელ ახსენეს.

საქართველოს მთავრობის გადაწყვეტილებით, ქვეყნის მასშტაბით, მოდულური სკოლები განთავსდება. ამასთან დაკავშირებით, მუნიციპალური განვითარების ფონდმა 22 450 000 ლარის ღირებულების ტენდერი უკვე გამოაცხადა. ხელისუფლების ამ ინიციატივის მიზანია, ახალი სკოლების მშენებლობისა და არსებული სკოლების რეაბილიტაციის პერიოდში, მოსწავლეებისთვის უსაფრთხო, სრულად აღჭურვილი და სასწავლო პროცესისთვის შესაბამისი დროებითი სივრცეების დროულად შექმნა. „რეზონანსი“ დაინტერესდა, არის თუ არა მოდულური სკოლები პრობლემის გადაჭრის რეალური გზა და რა გარანტია არსებობს, რომ ტენდერით განსაზღვრული პირობები დროულად შესრულდება. 

ახლო აღმოსავლეთში მზარდი დაძაბულობისა და უკრაინაში მიმდინარე ომის ფონზე, ჩინეთისა და რუსეთის ლიდერები სტრატეგიული ალიანსის გაღრმავებაზე კიდევ ერთხელ შეთანხმდნენ. ბიშკეკში, შანხაის თანამშრომლობის ორგანიზაციის სამიტზე, სი ძინპინმა და ვლადიმერ პუტინმა ყურადღება ეკონომიკურ პარტნიორობასა და „ციმბირის ძალა-2"-ის პროექტზე ყურადღება გაამახვილეს.

პრეზიდენტის ნაცვლად, გაეროს გენერალურ ასამბლეაზე წელს პრემიერი ირაკლი კობახიძე გაემგზავრება, ეს იმ ფონზე ხდება, როცა მმართველი გუნდი შეერთებულ შტატებთან ურთიერთობის გადატვირთვაზე ღიად საუბრობს და ანალიტიკოსებიც მიიჩნევენ, რომ სრულიად ბუნებრივია ასეთი ტიპის ფორუმები გამოყენებულ იქნას ორი ქვეყნის ურთიერთობის აღსადგენად, თუმცა, "ოცნებაში"ამბობენ, რომ გაეროს ფორმატი და ვაშინგტონთან ორმხრივი ურთიერთობა ერთმანეთისგან დამოუკიდებელი საკითხებია.

მამუკა მდინარაძის პოლიტიკიდან წასვლას, მალევე მოჰყვა მთავრობის სტრუქტურაში დაგეგმილი ცვლილებების გადახედვა - რეგიონული პოლიტიკის საკითხებში ახალი სახელმწიფო მინისტრის პოზიცია აღარ შეიქმნება, ამასთან, გაუქმდება სამართალდამცავი ორგანოების კოორდინაციის მიმართულებით სახელმწიფო მინისტრის თანამდებობა, ცვლილებებზე მსჯელობა სავარაუდოდ, მომდევნო სასესიო კვირაში გაიმართება.

„შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, დაურ ბუავას გარდაცვალების ფაქტთან დაკავშირებით დაწყებული გამოძიების ფარგლებში, განსაცდელში მიტოვების ბრალდებით უცხო ქვეყნის მოქალაქე დააკავეს.

ანალიტიკოს გია აბაშიძის ფიქრობს, რომ მამუკა მდინარაძის პოლიტიკიდან წასვლა მისი პოტენციალის ამოწურვამ განაპირობა, ხოლო ამ თემაზე გავრცელებული ოპოზიციური ვერსიები მხოლოდ სპეკულაციაა. აცხადებს, რომ კობახიძის გადაყენებასა თუ პატიმართა შეწყალებაზე ოპოზიციის შეფასებები უსაფუძვლოა.

თბილისში, ნაქირავებ ბინაში, 30 წლის აფხაზი ბლოგერი და სამოქალაქო აქტივისტი დაურ ბუავა გარდაცვლილი იპოვეს. ახალგაზრდა კაცი, რომელიც საქართველოს ტერიტორიულ მთლიანობას ღიად უჭერდა მხარს და დე ფაქტო რეჟიმის მიერ „სახელმწიფო ღალატის" ბრალდებით იდევნებოდა, სავარაუდოდ, ოთხი დღის გარდაცვლილია.

მთავრობამ ადგილობრივი ბაზრის და ფერმერების დასაცავად კიდევ ერთი დადგენილება მიიღო. უფრო ზუსტად, მსხვილფეხა პირუტყვის საქართველოში იმპორტზე ახალი ვეტერინარული წესები ამოქმედდა. ცვლილება მთავრობის 21 აგვისტოს დადგენილებით უკვე დამტკიცდა და გამოქვეყნებისთანავე შევიდა ძალაში. სოფლის მეურნეობის დარგის სპეციალისტების განცხადებით, ეს ცვლილება სანაშენე მსხვილფეხა პირუტყვის უსაფრთხო შემოყვანას უკავშირდება, რაც მესაქონლეობის დარგის განვითარებას, ასევე ადგილობრივი ბაზრის დაცვას შეუწყობს ხელს. 

წელს სიმინდის ხარისხი გაუმჯობესდა, თუმცა მოსავალი შარშანდელთან შედარებით, შესაძლოა, შემცირდეს. ამის მიზეზი მოსავლის მოყვანის მაღალი თვითღირებულებაა, რაც ძირითადად დიზელის გაძვირებამ გამოიწვია. რეგიონებში ამბობენ, რომ ფაროსანასთან დაკავშირებული გამოწვევა დარგში დაძლეულია, რასაც სახელმწიფოს მიერ ჩატარებულმა ფაროსანას საწინააღმდეგო ღონისძიებებმა შეუწყო ხელი, თავის მხრივ მოსახალეობამაც შეძლებისდაგვარად მოუარა ნატეს ფართობებს, მაგრამ არსებული გამოწვევების ფონზე დიდი ფართობები ვერ დამუშავდა.

უძრავი ქონების ბაზრის წარმომადგენლები შფოთავენ. მათი ნაწილის განცხადებით, გამორიცხული არ არის, რომ რუსეთში გამოცხადებული მოსალოდნელი მობილიზაციის ფონზე, საქართველოს მიგრანტების ახალი ტალღა მოაწყდეს და შედეგად, ბინები გაძვირდეს. ექსპერტები და დარგის სპეციალისტები უძრავი ქონების ბაზრის წარმომადგენლების ამ შფოთვას უსაფუძვლოს უწოდებენ, რადგან ინფორმაცია მოსალოდნელი მობილიზაციის შესახებ არ დასტურდება. მეტიც, ექსპერტები ფიქრობენ, რომ განცხადება ბინების გაძვირების შესახებ იმ მიზანმიმართული ანტიპიარის გაგრძელებაა, რომელიც ხელისუფლების ოპონენტებმა ბოლო პერიოდში, რუსი ტურისტების „გასაშავებლად“ წამოიწყეს. 

გამოწერილი ჯარიმების ოდენობა განუხრელად მატულობს.  ტენდენციამ  საზოგადოებაში გააჩინა განცდა, რომ ჯარიმები არა წესრიგის დამყარების, არამედ ბიუჯეტის შევსების ინსტრუმენტად იქცა. სატრანსპორტო, საყოფაცხოვრებო თუ ბიზნეს-რეგულაციების დარღვევებზე დაწესებული მაღალი ტარიფები და მათი ადმინისტრირების მკაცრი, კამპანიური ხასიათი სულ უფრო მეტად ემსგავსება ფისკალურ წნეხს.

რუსეთის მიერ უკრაინის მასშტაბური დაბომბვების ფონზე, კაია კალასი ევროპელ მოკავშირეებს მოუწოდებს, კიევს სასწრაფოდ მიაწოდონ ანტისაჰაერო რაკეტები. ირლანდიაში შეკრებილ თავდაცვის მინისტრებს ევროკომისარმა ასევე წარუდგინა ინიციატივა ახალი სამხედრო-პოლიტიკური ჯგუფის შექმნის შესახებ, რომელმაც ევროპული უსაფრთხოების არქიტექტურა უნდა გარდაქმნას.

ორგანიზაცია „ადამიანის უფლებები საზღვრების გარეშე“ (HRWF), CAP Liberté de Conscience-თან (CAP LC) ერთად, რომელსაც გაეროში ECOSOC სტატუსი აქვს აკრედიტებული, FOREF-თან, CESNUR-თან და Bitter Winter-თან ერთად, 7 აგვისტოს სეულის უცხოელ კორესპონდენტთა კლუბში პრესკონფერენცია გამართეს სამხრეთ კორეაში რელიგიის ან რწმენის თავისუფლებისა და გამოხატვის თავისუფლების შესახებ.