ექს-პრემიერი ირაკლი ღარიბაშვილი ახალ სამართლებრივ ბრძოლას აანონსებს და ყოფილი თავდაცვის მინისტრის, ჯუანშერ ბურჭულაძის ჩვენების საფუძველზე წარდგენილ ახალ ბრალს არ აღიარებს. გენერალური პროკურატურის ცნობით, ღარიბაშვილი თავდაცვის სამინისტროს კორუფციულ შესყიდვებს, სოლიდური ფინანსური სარგებლის სანაცვლოდ, „სამსახურებრივ მფარველობას“ უწევდა.

შემოდგომის მოახლოებასა და „პოლიტიკური არდადეგების" დასრულებას ხელისუფლებაც და ოპოზიციაც სკანდალებით ხვდება: ერთ მხარეს „ენმ"-სა და „ახალს" შორის დაწყებული ომი და სერიოზული ურთიერთბრალდებებია, მეორე მხარეს კი - ირაკლი ღარიბაშვილის წერილები ციხიდან და „ოცნების" ყოფილ და მოქმედ ლიდერებს შორის დაპირისპირება. რას უნდა ველოდოთ შექმნილი ფონის გათვალისწინებით შემოდგომაზე?

უცხოელი მუშახელის შემოყვანის მცდელობამ ადგილობრივ ბაზარზე დიდად ვერ გაამართლა. ბიზნესმა ამით რეალურად ვერ მოიგო, რადგან ხარჯი გაეზარდა, შესაბამისად, დასაქმების თვალსაზრისით, გარკვეული სირთულეები გამოიკვეთა და მდგომარეობა მნიშვნელოვნად არ შეცვლილა, რასაც სექტორში ადასტურებენ. როგორც აღმოჩნდა, ბაზრის მთავარი პრობლემა კვალიფიციური კადრის დეფიციტია.

ოფიციალური პეკინი ვაშინგტონს აფრთხილებს, რომ თუ ირანთან ვაჭრობის გამო აშშ ჩინეთის „დასჯას" შეეცდება, ამას შედეგები მოჰყვება. ჩინეთის საგარეო საქმეთა სამინისტროს პრესსპიკერი ლინ ძიანი მხარეებს მოუწოდებს, რაციონალურად და თავშეკავებულად იმოქმედონ და აღნიშნავს, რომ სანქციები და ზეწოლის ტაქტიკა პრობლემების მოგვარებას არ უწყობს ხელს.

ოპოზიციურ სპექტრში ბოლო დროს ხშრად კეთდება განცხადებები, რომ 2025 წელს ადგილობრივი არჩევნების მოიკოტირება შეცდომა იყო. თუმცა, ამ ფონზე, 3 ოქტომბერს დაგეგმილი საკრებულოების შუალედურ არჩევნებში მონაწილეობა მხოლოდ ერთმა ოპოზიციურმა პარტიამ გადაწყვიტა.

ორი ყველაზე რეიტინგული ოპოზიციური პარტიის „ახალისა" და „ნციონალური მოძღაობის" დაპირისპირების რეალური მიზეზი შესაძლოა მათ შორის არსებული კონკურენცია იყოს - ამის შესახებ შავი ზღვის საერთაშორისო უნივერსიტეტის პროფესორი, ნიკა ჩიტაძე „რეზონანსთან" საუბრობს. მისივე თქმით, ორივე მხრიდან წამოსული ბრალდებები ძირითადად ჭორებს ეფუძნება და ზოგადად ეს დაპირისპირება მხოლოდ ოპოზიციას აზიანებს.

ოპოზიციურ სპექტრში გაერთიანების იდეა მორიგი სერიოზული კრიზისის წინაშეა - „ნაციონალურ მოძრაობასა" და „ახალის" დამფუძნებელს, ნიკა გვარამიას შორის დაწყებულ ღია კონფრონტაციას თან ალიანსის დაშლის ალბათობაც სდევს. ფინანსური წყაროების, ოპოზიციური ლიდერობისა და წარსული შეცდომების გარშემო ატეხილი ურთიერთბრალდებები აშკარას ხდის, რომ საარჩევნო სუბიექტებს შორის არსებულმა შიდა უთანხმოება პოლიტიკური დებატების ჩარჩოებს გასცდა და პირადი თუ ფინანსური კომპრომატების ომში გადაიზარდა.

რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ მორიგ გზავნილში საქართველოს ხელისუფლება რუსოფობიასთან ბრძოლაში შეაქო და ანტირუსულ გამოვლინებების გამოძიებას უფრო მკაცრად ითხოვს. მმართველ გუნდში ამას მნიშვნელოვნად არ აღიქვამენ. ექსპერტთა ნაწილი კრემლის გზავნილს მანიპულაციურად მიიჩნევს. მეორე მხარე კი ფიქრობს, რომ მოსკოვი „ოცნების" შიგნით გაძლიერებასა და დასავლეთში დასუსტებას ცდილობს.

ექსპრემიერის პენიტენციალური ეპისტოლარული წიაღსვლები გრძელდება. ის მორიგ წერილს აქვეყნებს, სადაც კიდევ ერთხელ სდებს ბრალს „ოცნების" ამჟამინდელ ხელმძღვანელობას ცინიზმსა და ცილისწამებაში. მმართველ პარტიაში ამაზე ორაზროვანი გამოხმაურებაა - ზოგი მორცხვად დუმს, ზოგი მიკიბულ-მოკიბულ განცხადებებს აკეთებს, სხვები კი პირდაპირ ლანძღავენ საკუთარ აწ უკვე ყოფილ ლიდერს. ანალიტიკოსი დავით ზურაბიშვილი ფიქრობს, რომ, მართალია, ღარიბაშვილი ბიძინას თვალში რეაბილიტირებას აწი ვერასდროს შეძლებს, თუმცა ამ ქმედებებით კობახიძე-მდინარაძის ტანდემს შეიძლება სერიოზული პრობლემები შეუქმნას.

რუსეთის მიერ აფხაზეთის ოკუპაციის განმავლობაში პირველი შემთხვევაა, როცა საქართველოს მიერ კონტროლირებადი ტერიტორიიდან საწვავი შევიდა. ამის საფუძველი რუსული ნავთობბაზებისა და გადამამუშავებელი ქარხნების შეფერხება, რამაც საწვავის მწვავე დეფიციტი შექმნა, საქართველოს მთავრობის განცხადებით, აფხაზეთის მოსახლეობის სოციალური და ჰუმანიტარული საჭიროებების გათვალისწინება შეიძლება იყოს კონფლიქტის მშვიდობიანი ტრანსფორმაციის მნიშვნელოვანი ინსტრუმენტი.

აშშ-ის პრეზიდენტი ღიად ემუქრება იმ ქვეყნებს, რომლებიც ირანს ნებისმიერ დახმარებას გაუწევენ. დონალდ ტრამპი მძიმე ეკონომიკურ სანქციებს აანონსებს მას შემდეგ, რაც აშშ და ისრაელი, ირანთან ომის დასრულების მიზნით, მოლაპარაკებების გზებს ეძებენ. ახლა საინტერესოა, რა შედეგი მოჰყვება ტრამპის ამ მუქარას, ან როგორ აისახება ეს ჩვენს რეგიონსა და ზოგადად საქართველოზე.

მიგრანტების შემოსვლა თუ ასე გაგრძელდა და მათი ნაკადი რუსეთიდან კიდევ უფრო მეტად დაიძრება, გამორიცხული არაა, კვლავ 2022 წლის რეალობის წინაშე აღმოვჩნდეთ.  შესაძლოა, რუსეთში შემოდგომაზე გამოცხადებულმა მობილიზაციამ გარკვეული ნაწილი ისევ საქართველოსკენ დაძრას. ჩვენ ისე უნდა მოვემზადოთ, რომ ფასების მკვეთრი რყევა და ინფლაცია არ მივიღოთ. ეკონომისტების განცხადებით, საფრთხე რეალურია. ამიტომ აუცილებელია, ბაზარზე სტაბილურობა უნდა შენარჩუნდეს, რომ ახალმა შემოდინებამ მკვეთრი ცვლილებები არ გამოიწვიოს. 

მოსახლეობის დაბერება - ეს არის თანამედროვე მსოფლიოს გამოწვევა, მათ შორის, საქართველოშიც. ამ მხრივ, „საქსტატისა“ და სოციალური მომსახურების სააგენტოს მონაცემები არასახარბიელოა, რადგან ირკვევა, რომ მოსახლეობის 23%, ანუ 900 310 ადამიანი პენსიონერია. ეს მაშინ, როდესაც შობადობის მაჩვენებელი მკვეთრად დაბალია და ცხადია, ასეთი არაპროპორციული თანაფარდობა ქვეყნის ეკონომიკის განვითარებას მძიმე ტვირთად აწვება - ასე ფიქრობენ სტატისტიკოსები და დარგის სპეციალისტები.  

ოზურგეთის მერმა, პაატა კუნჭულიამ თანამდებობა დატოვა. გადაწყვეტილების მიზეზად პოლიტიკაში ყოფნის სირთულე და ადგილობრივი ხელისუფლებისგან მხარდაჭერის ნაკლებობა დასახელა, თუმცა აღნიშნა, რომ „ქართული ოცნების" ერთგული რჩება. ოპოზიცია კუნჭულიას წასვლას კორუფციასა და შიდა დაპირისპირებას უკავშირებს.

სომხეთი ევროკავშირში გაწევრიანების შესახებ განაცხადის წარდგენის პროცესს უახლოეს მომავალში დაიწყებს, - ამის შესახებ სომხეთის პრემიერ-მინისტრმა ნიკოლ ფაშინიანმა პარლამენტში მთავრობის 2026-2031 წლების პროგრამის წარდგენისას განაცხადა.

უკრაინის დამოუკიდებლობის დღეს ევროკავშირმა კიევის სამხედრო მხარდაჭერა ახალ ეტაპზე გადაიყვანა - ევროკომისიის მიერ გამოყოფილი ახალი პაკეტი რუსეთის მიერ გაძლიერებულ სარაკეტო იერიშებს პირდაპირ პასუხობს. იმ ფონზე, როდესაც ბრიუსელი უკრაინული ცის ჩაკეტვაზე აკეთებს აქცენტს, კიევი საკუთარი წარმოების შორ მანძილზე მოქმედი შეიარაღებით იერიშებს უშუალოდ რუსეთის ღრმა ზურგსა და ლოგისტიკურ ცენტრებზე აფართოებს.