ექსკლუზიური ინტერვიუ კაცთან, რომელსაც ნატა ვიბლიანი გაუპატიურებაში ადანაშაულებს - ბაშიაჩუკ ჩხვიმიანი "ტვ პირველთან" ამბობს, რომ "მას თავისი სიმართლე აქვს".

მე ჩემი სიმართლე მაქვს თავიდან ბოლომდე," - თქვა ბაჩუკი ჩხვიმიანმა.

ბაშიაჩუკ ჩხვიმიანის თქმით, პოლიციაში ნატა ვიბლიანის ოჯახთან დაკავშირებით გამოჰკითხეს. საქმის ერთ-ერთი მთავარი ფიგურანტი განმარტავს, რომ საგამოძიებო უწყების თანამშრომლებს კითხვები ჰქონდათ ნატა ვიბლიანი საცხოვრებელ სახლში კედლებზე არსებულ ნატყვიარებთან დაკავშირებითაც. ბაჩუკი ჩხვიმიანის თქმით, პოლიციამ უკვე გაჩხრიკა და მისი იარაღიც ამოიღო, თუმცა მისივე მტკიცებით, ტყვიები აღნიშნული იარაღიდან არ არის ნასროლი.

კი [ვიყავი პოლიციაში გამოკითხვაზე]. კითხვები იყო ნატა ვიბლიანის ოჯახზე. [...]

არა, საიდან იქნება ჩემი იარაღიდან [ნასროლი ტყვიები სახლში], მე არ გამიკეთებია მაგი. კი, როგორ არა, რამდენჯერ გამჩხრიკეს, იარაღი მაკაროვი ამოიღეს. ყველამ იცის სოფელში ვინ ესროლა. ვინ იყო ახლა მე ხომ არ ვიტყვი. იტყვის ალბათ თავის დროზე ყველა. არა [არ არიან ის ადამიანები, ვისაც გაუპატიურებაში ადანაშაულებს]. არ ვიცი [რატომ ესროლეს], ნასვამზე ალბათ," - ამბობს ბაჩუკი ჩხვიმიანი.

ბაშიაჩუკ ჩხვიმიანი "პირველებს" ეუბნება, რომ ბოლო ერთი-ორი კვირის წინ გამოკითხეს და უთხრეს, რომ კიდევ დაიბარებდნენ: "ბოლოს, ერთი ორი კვირის წინ გამომკითხეს. კი [კიდევ დაგიბარებთო]".

წყარო: "ტვ პირველი"