გასულ შაბათ-კვირას ძლიერი მზის ქარიშხალი დაფიქსირდა, თუმცა მეცნიერები გვაფრთხილებენ, რომ ეს დასასრული არ არის და დედამიწას ძლიერი გეომაგნიტური ქარიშხალი უახლოვდება, რომელიც, სავარაუდოდ, 2025 წლამდე გაგრძელდება.
მზის ქარიშხლებისგან გამოთავისუფლებულმა გეომაგნიტურმა ტალღებმა შეიძლება დაანგრიოს ელექტროენერგიის ქსელები, ჩაახშოს რადიოკომუნიკაციები, ავიაკომპანიების ეკიპაჟებმა გამოსხივების საშიში დონე მიიღონ და გაანადგუროს სატელიტები.
გასულ წელს, მზემ ახალი, 11-წლიანი ციკლი დაიწყო და 2025 წელს პიკს მიაღწევს. მეცნიერების გაფრთხილებით, ეს პროცესი მრავალი რისკის მომტანი იქნება დღევანდელი ტექნოლოგიური სამყაროსთვის.
მსგავსი მოვლენა ბოლოს 1859 წელს დაფიქსირდა - ე.წ. კერინგტონის მზის ქარიშხალმა ცეცხლი წაუკიდა ტელეგრაფის მავთულს, გაწყვიტა კომუნიკაციები მთელ მსოფლიოში და შეაფერხა გემების კომპასების მუშაობა.
რა არის გეომაგნიტური ქარიშხალი და როგორ მოქმედებს ის ადამიანზე
გეომაგნიტური ქარიშხლის დროს დედამიწის მაგნიტური ველი ირღვევა, რომელსაც მზეზე აფეთქებები იწვევს. ასეთმა რყევებმა შეიძლება უარყოფითად იმოქმედოს როგორც საკომუნიკაციო სისტემების მუშაობაზე, ასევე ადამიანის ჯანმრთელობაზე.
მეცნიერებმა აქამდე ვერ დაადგინეს, თუ როგორ მოქმედებს მაგნიტური ქარიშხალი ადამიანებზე. ასეთ დღეებში ცუდი ჯანმრთელობის მქონე ადამიანებს დაავადებები უაქტიურდებათ. ამინდზე დამოკიდებული ადამიანები, მოხუცები, ორსული ქალები და ქრონიკული დაავადებების მქონე პირები კი ყველაზე მკვეთრად გრძნობენ მაგნიტურ ქარიშხალს.
ზოგიერთი კვლევის მიხედვით, მაგნიტური ქარიშხლის დროს, სისხლის შესქელება იმატებს. თუ ჯანმრთელი ადამიანისთვის ეს სრულიად უსაფრთხოა, გულ-სისხლძარღვთა დაავადებების რისკის ქვეშ მყოფისთვის, ინსულტის ან გულის შეტევის მაპროვოცირებელი შეიძლება გახდეს.
ambebi.ge
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე