თბილისში, მეზობლებს შორის დაწყებული სიტყვიერ დაპირისპირება ფიზიკურ ანგარიშსწორებაში გადაიზარდა. როგორც ირკვევა, თბილისის ცენტრში 40 წლის კაცი ნაჯახით მეზობელმა დაჭრა. დაზარალებულს ჭრილოებები კიდურებზე აქვს მიყენებული და ამ დრომდე კლინიკაში რჩება. თავდასხმაში ბრალდებული კი პოლიციამ ცოტახნის წინ დააკვა. მას გამოძიება მკვლელობის მცდელობას ედავება. 

როგორ აისახება საქართველოზე ის გეოპოლიტიკური გლობალური ცვლილებები, რომლებიც აშშ-სა და ევროპაში არჩევნების შედეგად შეიძლება წარმოიქმნას და რა სირთულეები ახლავს თან ახალ რეალიებს - საკითხზე ანალიტიკოსთა მოსაზრებები არაერთგვაროვანია. ნაწილი ფიქრობს, რომ აშშ-ში ტრამპის გაპრეზიდენტების შემთხვევაში გარკვეული ცვლილებები იქნება და ჩვენ მოგვიწევს ხმის ამოღება. ნაწილს კი, ამის მოლოდინი არ აქვს.

ბიზნესი წელს ხელფასების ზრდას გამორიცხავს. მართალია, ინფლაცია ჯერჯერობით სტაბილურ ნიშნულზეა და ლარის კურსიც მეტ-ნაკლებად რეგულირდება, სექტორში აცხადებენ, რომ ხელფასების ზრდის შესაძლებლობა ჯერჯერობით არ არის. ისეთ სფეროებში, როგორიცაა სამშენებლო დარგი, ტურიზმი და სამეწარმეო  ბიზნესი, ხელფასები ჯერ კიდევ შარშან დააკორექტირეს და მინიმუმ წლის ბოლომდე გადახედვა არ იგეგმება. როგორც აღმოჩნდა, შემოსავლების ზრდის ტემპი არ არის ისეთი, რომ ანაზღაურების მასტიმულირებელი გახდეს.

„დარწმუნებული ვარ, 26 ოქტომბერს ქართველი ხალხის უდიდესი უმრავლესობა დაუჭერს მხარს მშვიდობას, ღირსებასა და კეთილდღეობას, რაც ქართველი ხალხის ფიზიკური და სულიერი გადარჩენის და მისი ევროპული მომავლის საწინდარია“,-ეს არის იმ გზავნილების ნაწილი, რომელიც ბიძინა ივანიშვილმა ამომრჩეველს 16 ივლისს საარჩევნო კამპანიის ოფიციალურად დაწყებისას მიმართა. 

საარჩევნო კამპანიისა და ახალი ცენტრალური ოფისის გახსნაზე „ქართული ოცნების“  აღმასრულებელმა მდივანმა, მამუკა მდინარაძემ პირველად განაცხადა არჩევნებზე „ხალხის ძალასთან“ ერთად საერთო სიით გასვლის შესახებ. მისივე თქმით, ეს იქნება გარანტია იმის, რომ ქვეყანა მშვიდობიან გზაზე ივლის.

არჩევნებამდე რამდენიმე თვით ადრე კვლავ აქტუალურია კითხვა, რა კომბინაციით შეუძლია ოპოზიციას „ქართული ოცნების“ დამარცხება? თუკი ბოლო არჩევნების შედეგებს გადავხედავთ, ოპოზიციამ დაახლოებით მილიონი ხმის მობილიზება უნდა შეძლოს, რათა "ოცნებამ" დაგეგმილი უმრავლესობა ვერ აიღოს. 

ევროკავშირის წარმომადგენლობამ ევროკომისიის მონაცემების ბოლო ანალიზი თავიდან გაავრცელეს, რომლის მიხედვითაც, ევროკავშირის მიერ დაფინანსება გაცილებით მეტი იყო სამინისტროებისა და სახელმწიფო სტრუქტურების, ვიდრე სამოქალაქო საზოგადოებისა. ანალიტიკოსები ფიქრობენ, რომ „ოცნების" მიერ გაკეთებულმა „უმადურმა" განცხადებებმა ევროკავშირი აიძულა ეს მონაცემები ხელმეორედ დაედო. ასევე, ისინი ვარაუდობენ, რომ მათი ფინანსური დახმარებებები თანდათან შემცირდება.

პრეზიდენტი საკონსტიტუციო სასამართლოს მიმართავს და „გამჭვირვალობის“  კანონის გაუქმებას ითხოვს. ამის შესახებ პრეზიდენტის საპარლამენტო მდივანმა ბრიფინგზე განაცხადა. სალომე ზურაბიშვილი საკონსტიტუციო სარჩელით სასამართლოს პირველად მიმართავს და მეათე მოწვევის პარლამენტის მიერ მიღებული რუსული კანონის გაუქმებას ითხოვს. მთავარი არგუმენტი კი კანონის კონსტიტუციასთან წინააღმდეგობაში მოსვლაა. 

არჩევნებამდე 3 თვით ადრე სულ უფრო საინტერესო ხდება კონკრეტულად რას სთავაზობენ პოლიტიკური პარტიები ამომრჩეველს რათა მათი ხმები მოოპოვონ. ანალიტიკოსების გარკვეული ნაწილის აზრით, არც ერთი პარტია მოსახლეობის საჭიროებებზე არ მუშაობს. მათივე თქმით, ოპოზიცია ერთობის იდეით არის დაკავებული, რაც საზოგადოებას არ აინტერესებს, ხოლო „ოცნებას" რაღაც „გლობალური ომის პარტიაზე" აქვს ყურადღება გადატანილი, რაც მეტ-ნაკლებად მუშაობს.

არჩევნებზე ოპოზიციის ერთიანი სიით წარდგენის იდეა ჩაიშალა. როგორც „ნაცმოძრაობის" დეპუტატი ლევან ბეჟაშვილი ამბობს, „ლელომ" და „ახალმა" ამაზე უარი განაცხადეს. ასევე „ლელოსა" და გახარიას პარტიის გაერთიანებას მხარეები უარყოფენ, თუმცა „ლელოში" ამბობენ, რომ მოლაპარაკებები სხვა პარტიებთან მიმდინარეობს. რა კონფიგურაციით წარსდგება ოპოზიცია არჩევნებზე? ანალიტიკოსებს დიდი კონფიგურაციის მოლოდინი არა აქვთ და 2-3 პოლიტიკური ცენტრის შექმნას ვარაუდობენ.

მედიამ უნგრეთის პრემიერის ვიქტორ ორბანის მიერ ევროპული საბჭოს პრეზიდენტის, შარლ მიშელისთვის გაგზავნილი წერილი მოიპოვა, რომლის მიხედვითაც, ორბანი ევროკავშირს რუსეთთან დიპლომატიური ურთიერთობის აღდგენისკენ მოუწოდებს. რისი მიღწევა სურს ორბანს და ექნება თუ არა გავლენა მის მოწოდებას ევროკავშირის პოლიტიკაზე რუსეთის მიმართ.

ზაფხულის ტურისტული სეზონი უკვე დაწყებულია და ნელ-ნელა აქტიურ ფაზაში შედის. ბევრი ტურისტი შეინიშნება საქართველოს რეგიონებში და ცხელი სეზონისთვის მოულოდნელად განსაკუთრებით გააქტიურდა კახეთის მიმართულება. 

ლარის კურსი პრაქტიკულად იმ ნიშნულზეა, რა ნიშნულიდანაც მკვეთრი გაუფასურება დაიწყო. 1 დოლარის ღირებულება უკვე 2.70 ლარს ჩმოსცდა. პოლიტიკური ვნებათაღელვის ჩაცხრობისა და ზაფხულის სეზონის დადგომასთან ერთად, ეროვნული ვალუტა დღითი დღე მყარდება. გაცვლითი კურსი ახლა რეალობის შესაბამის ჩარჩოშია მოქცეული და არაა გამორიცხული, რომ ცხელი სეზონის გააქტიურებასთან ერთად, ლარმა პოზიციები უფრო მეტადაც გაიუმჯობესოს. შემდეგ კი დაიწყება ყველაზე რთული შემოდგომის თვეები, როდესაც რაიმე პროგნოზის გაკეთება ძალიან რთული იქნება.

ავტომობილების ხმაური, განსაკუთრებით ღამის საათებში, სტრესს იწვევს და მოსახლეობის ჯანმრთელობაზე ძალიან ცუდად აისახება. მიუხედავად იმისა, რომ ხმაურთან დაკავშირებით კანონი მოქმედებს, წესებს არავინ იცავს და აღსრულების მხრივაც პრობლემაა. ამ საკითხის მოგვარების გზად სპეციალისტები საკანონმდებლო ცვლილებაში ხედავენ და აცხადებენ, რომ კანონი გასამკაცრებელია. ავტომობილი, გარდა იმისა, რომ ეკოლოგიურ საფრთხეს წარმოადგენს და საცობების, დროის დეფიციტის პრობლემასაც იწვევს, ხოლო მისგან გამოწვეული ხმაური კი მოქალაქეებისთვის ასევე სერიოზული საფრთხეა.

წყლის მიწოდების პრობლემამ დედაქალაქის მაცხოვრებლების ზაფხული კოშმარად უქცია. პრობლემამ, ფაქტობრივად, ყველა უბანში იჩინა თავი, რაც ,,ჯორჯიიან პოუთერ ენდ ფაუერის" უპასუხისმგებლო საქმიანობის შედეგია. ხშირია ავარიული გათიშვები. გვიანდება აღდგენითი სამუშაოები, რამაც მოსახლეობაში დიდი უკმაყოფილება გამოიწვია. 

ბათუმში 27 წლის ბიჭის მკვლელობის შესახებ ახალი დეტალები ხდება ცნობილი. თავდაპირველად გავრცელდა ინფორმაცია, რომ 27 წლის არჩილ წუწუნავა მუსიკის ხმის ჩაწევის თხოვნის გამო მოკლეს. თუმცა, არსებობს მკვლელობის მოტივის მეორე ვერსიაც, რომლის მიხედვითაც ნასვამ მდგომარეობაში მყოფი თავდამსხმელი, არჩილ წუწუნავას მეგობარ გოგოს ავიწროვებდა და აგინებდა. ახალგაზრდა ქალის დაცვა მამაკაცმა სცადა, რა დროსაც დამნაშავემ ის სასიკვდილოდ გაიმეტა.  

უმძიმესი დანაშაული ბათუმში - 27 წლის მამაკაცი  ხმამაღალი მუსიკის გამო მოკლეს. როგორც ადგილობრივების მონაყოლიდან ირკვევა, ახალგაზრდა კაცმა ღამის საათებში მათ კორპუსთან მდგარ ავტომობილში მჯდომ ახალგაზრდას ხმამაღალი მუსიკის გამო შენიშვნა მისცა.