შეგახსენებთ, რომ 2024 წლის არჩევნებზე სიის პირველი ნომერი იყო ბიძინა ივანიშვილი. ასე რომ, მას მანდატიც აქვს და როგორც "ქართული ოცნების" საპატიო თავმჯდომარეს, მას პარტიული ფუნქციაც აქვს, - განაცხადა გადაცემაში "ღია ეთერი" პარლამენტის თავმჯდომარემ და „ქართული ოცნების" პოლიტიკურმა მდივანმა შალვა პაპუაშვილმა დარბაზის სტუმრის მიერ დასმული კითხვის პასუხად, რომელმაც ბიძინა ივანიშვილი არაფორმალურ მმართველობაში დაადანაშაულა.

პაპუაშვილს მიაჩნია, რომ კითხვის ავტორს ტერმინ „არაფორმალურის“ შინაარსი არ ესმის.

„თქვენი აზრით, ევროპულ დემოკრატიებში პარტია გადის არჩევნებზე, მერე ოთხი წელი ისვენებს და პარტიული გადაწყვეტილებები არ არსებობს? პარტიას არანაირი ფუნქცია არ აქვს? თქვენ ტერმინი „არაფორმალური“ არ გესმით. თუნდაც, "ქართული ოცნების" პოლიტსაბჭო იკრიბება იმისთვის, რომ ისაუბროს, როგორი ამინდია საქართველოში? პარტიის მნიშვნელობა არ გესმით დემოკრატიაში" , - განაცხადა შალვა პაპუაშვილმა.