ორდღიანი შესვენების შემდეგ, საკონსტიტუციო სასამართლოში ხუთი ოპოზიციური პარტიის აკრძალვის საკითხზე განხილვა ორშაბათს განახლდა.

ევროკომისია 4 ნოემბერს გაფართოების ყოველწლიურ ანგარიშს გამოაქვეყნებს, რომელშიც საქართველოს საკითხსაც დაეთმობა ყურადღება. წყაროების ინფორმაციით, ევროკავშირი სხვა კანდიდატი ქვეყნებისთვის გაწევრიანების მოლაპარაკებების დასრულების სავარაუდო ვადებზე მსჯელობს, საქართველოსთვის კი მსგავსი ვადა დასახელებული არ არის, მოსალოდნელია კრიტიკაც, თუმცა სტატუსი შეუნარჩუნდება.

მოსავლის მოყვანის ხარჯი წელს, ფაქტობრივად, გაორმაგდა, რის გამოც სასოფლო-სამეურნეო სამუშაოები ყველა რეგიონში შეფერხებით მიმდინარეობს. საწვავის მაღალი ფასისა და გაზრდილი ხარჯების ფონზე, მიწის დამუშავებისა და სეზონური სამუშაოების ჩატარება მკვეთრად გაძვირდა. მწარმოებლების თქმით, დიზელის გაძვირება სექტორს დიდ ფინანსურ რისკს უქმნის.

„ასავალ-დასავალის" ჟურნალისტ დიტო ჩუბინიძის დაკავებამ სამშობლოს ღალატის უმძიმესი ბრალდებით, ქვეყანაში მწვავე ვნებათაღელვა გამოიწვია. სანამ პროკურატურა დავით გარეჯის თემით მანიპულირებასა და სახელმწიფო ინტერესის დაზიანებაზე საუბრობს, მედიასექტორი და იურისტები ხელისუფლების მხრიდან შურისძიებასა და სიტყვის თავისუფლებისთვის საშიში პრეცედენტის შექმნაზე მიუთითებენ. რას ეფუძნება გამოძიების სკანდალური ბრალდება, რატომ უკავშირებენ ამ საქმეს ყოფილ პრემიერ ირაკლი ღარიბაშვილს და რა ელის დაკავებულ ჟურნალისტს?

ევროპელი პარტნიორების მიერ უკვე დაფინანსებული შეიარაღება პენტაგონის დასტურს ელოდება. სანამ უკრაინა საჰაერო თავდაცვის რაკეტების კრიტიკულ დეფიციტს განიცდის, ვაშინგტონსა და კიევში დაყოვნების მიზეზებზე განსხვავებულ არგუმენტებს ასახელებენ.

ოპოზიცია საპროტესტო აქციების ახალ ტალღას იწყებს ლოზუნგით - „საქართველო ივანიშვილის გარეშე", რომელიც, ოპოზიციის გეგმით, ყოველდღიურად უნდა გაფართოვდეს და 28 ნოემბერს, პრემიერ ირაკლი კობახიძის მიერ ევროკავშირთან მოლაპარაკებების შეჩერების შესახებ გაკეთებული განცხადების წლისთავზე, ყველაზე მასშტაბურ აქციამდე მივიდეს.

საკონსტიტუციო სასამართლოში პარტიების შესაძლო აკრძალვის საქმეზე არსებითი განხილვა იწყება. აქამდე გამართული პროცესების ფონზე, ოპოზიციური პარტიებისა და მათი ინტერესების დამცველების მთავარი პრეტენზია უცვლელია - მათი განცხადებით, ვერც მოსარჩელე მხარე, საპარლამენტო უმრავლესობა, და ვერც თავად სასამართლო ვერ ასაბუთებენ, კონკრეტულად რა დანაშაულებრივ ქმედებებსა თუ ბრალს უყენებენ თითოეულ პარტიას.

ირაკლი კობახიძის ვიზიტი ბუდაპეშტში და უნგრეთის პრემიერ პეტერ მადიარის ოფიციალურ მიღებაზე დასწრება ქართულ-უნგრული დიპლომატიის გარშემო ახალ კითხვებს აჩენს. გაგრძელდება თუ არა ორბანის ეპოქის მოკავშირეობა, რა პოზიციას დაიჭერს ბუდაპეშტი ევროკავშირში საქართველოს მხარდასაჭერად და რას ნიშნავს ეს შეხვედრა თბილისისთვის.

საკონსტიტუციო სასამართლოში ხუთი ოპოზიციური პარტიის არაკონსტიტუციურად ცნობის საქმის განხილვის მესამე დღეც ხმაურისა და ურთიერთბრალდებების ფონზე წარიმართა. ამჯერად შუამდგომლობების ძირითადი ნაწილი ექსპრემიერ გიორგი გახარიას პარტიის წარმომადგენლებმა დააყენეს, თუმცა სასამართლომ არცერთი მათგანი არ დააკმაყოფილა.

პრემიერ-მინისტრ ირაკლი კობახიძის განცხადებებისა და კათოლიკოს-პატრიარქის დაკრძალვის ცერემონიალზე გაწეული ოფიციალური ხარჯების გასაჯაროების მიუხედავად, დავით ოქიტაშვილი მამუკა მდინარაძისა და თინა რუხაძის კრიტიკას აგრძელებს და მიაჩნია, რომ „ჯერ კიდევ ბევრი საკითხია გასარკვევი".

„საქსტატის“ მონაცმებით, საქართველოში ელექტრომობილების იმპორტის ახალი რეკორდი დაფიქსირდა. 2026 წლის იანვარ-სექტემბერში, ქვეყანაში 157.215 მილიონი აშშ დოლარის ღირებულების 10 938 ერთეული ელექტროძრავიანი მანქანა შემოვიდა, რაც გასული, 2025 წლის 9 თვის მაჩვენებელზე 79%-ით მეტია. სპეციალისტების ერთი ნაწილის მოსაზრებით, ელექტრომობილებზე მოთხოვნის გაზრდის მიზეზი ბენზინისა და დიზელის საწვავის გაძვირებამ განაპირობა, ხოლო მეორე ნაწილი მიიჩნევს, რომ მოთხოვნის ზრდა ელექტრომობილების პოპულარობას უკავშირდება. 

ქართული მოცვისთვის ევროპულ სავაჭრო ქსელებთან პირდაპირი კავშირების დამყარება, ნუშისა და თხილისთვის კი ინდოეთის ბაზარზე ახალი პარტნიორების მოძიება ქართველი მეწარმეების საგამოფენო საქმიანობის კონკრეტული მიზნებია. 2026 წელს სოფლის განვითარების სააგენტოს ორგანიზებითა და გარემოს დაცვისა და სოფლის მეურნეობის სამინისტროს მხარდაჭერით საერთაშორისო გამოფენებში მონაწილეობა კომპანიებს საშუალებას აძლევს, პროდუქცია პოტენციურ შემსყიდველებს გააცნონ და სხვადასხვა ბაზრის მოთხოვნები ადგილზე შეისწავლონ. ამ საქმიანობის მთავარი ამოცანა საექსპორტო მიმართულებების დივერსიფიცირება და ქართული პროდუქციისთვის ახალი სავაჭრო შესაძლებლობების შექმნაა.

სემეკის დასკვნით 24-25 ივლისის სისტემური ავარიების თავიდან აცილება შესაძლებელი იყო. დოკუმენტში აღნიშნულია, რომ შესაბამისი რეგულაციების დროულად განხორციელებისა და ტექნიკური ავტომატიკის გამართვის შემთხვევაში, სრულიად საქართველო შუა ზაფხულში ორი დღით არ ჩაბნელდებოდა. ამ მოსაზრებას არ იზიარებენ „სახელმწიფო ელექტროსისტემასა“ და „ხრამჰესში“. ენერგეტიკოსებს კი მიაჩნიათ, რომ უკვე დროა, ელექტროენერგიის გამანაწილებელმა კომპანიებმა მოსახლეობასთან - ფიზიკურ და იურიდიულ პირებთან - ინდივიდუალური ხელშეკრულება გააფორმონ. 

ეკონომიკური ზრდის პარალელურად ინფლაციაც მატულობს. ნეგატიური ტენდენციის ფონზე მოსახლეობა პროგრესს ვერ გრძნობს. როგორც სპეციალისტები აღნიშნავენ, ეკონომიკა, ძირითადად, ტრანზიტისა და საფინანსო სფეროს ხარჯზე იზრდება, სადაც შემოსავალი მხოლოდ მცირე ჯგუფის ხელში იყრის თავს მაშინ, როცა ადგილობრივი წარმოების კლება იმპორტდამოკიდებულებასა და ფასების მატებას იწვევს. საბოლოო ჯამში, მაღალი ინფლაციის წნეხი მძიმე ტვირთად აწვება საზოგადოების უდიდეს ნაწილს და ეკონომიკური ზრდის  მიღწევებს აუფასურებს.

ერევანში, ბიოლოგიური მრავალფეროვნების საკითხებზე გამართულ COP17-ის ლიდერთა სამიტზე სიტყვით გამოსვლისას პრემიერმა ირაკლი კობახიძემ საქართველოს ბიომრავალფეროვნებაზე, დაცული ტერიტორიების გაფართოებაზე, ტყეების აღდგენის გეგმებსა და გადაშენების საფრთხის წინაშე მყოფი სახეობების დაცვის მიმართულებით მიღწეულ შედეგებზე ისაუბრა. კობახიძემ ასევე ყურადღება გაამახვილა ქართული ვაზისა და ხორბლის უნიკალურ სახეობებზე და ბუნებრივი მემკვიდრეობის მნიშვნელობაზე ქვეყნის ეკონომიკური და სოციალური განვითარებისთვის.

სერბეთში ჩატარებულ ვადამდელ საპარლამენტო არჩევნებში სერბეთის გრძელვადიანი ლიდერის, ალექსანდრ ვუჩიჩის „სერბეთის პროგრესული პარტია" დამარცხდა „სტუდენტურმა სიასთან".

საფრანგეთი მასშტაბური საპროტესტო ტალღის, შეზღუდვებისა და პოლიტიკური დაძაბულობის ფონზე. საქმეში 70 000 პოლიციელია ჩართული, ათასობით დემონსტრანტი დაკავებულია.