იმ დროს, როდესაც ხელისუფლება ოპოზიციური პარტიების დიდ ნაწილს აკრძალვას უანონსებს, იაგო ხვიჩიას გუნდმა არჩევნებისთვის მზადება დაიწყო - გუშინ, 23 ოქტომბერს თბილისში, მიუზიკ ჰოლ „ბაბილოში“, "თავისუფალი ხალხის პარტიის" (ძველი გირჩი) რიგით II ყრილობა გაიმართა.

პარტიის პოლიტიკური საბჭოს გადაწყვეტილებით, ყრილობაზე განიხილა ორგანიზაციული და სტრუქტურული ცვლილებები, მათ შორის:

პარტიის სრული და შემოკლებული სახელწოდების ცვლილება;

პოლიტიკური საბჭოს წევრების არჩევა;

სარევიზიო კომისიის წევრების არჩევა;

პარტიის სიმბოლიკის დამტკიცება;

პარტიის იურიდიული მისამართისა და საკონტაქტო ტელეფონის ნომრის ცვლილება.

დღის წესრიგით გათვალისწინებულ საკითხებზე გადაწყვეტილებები დელეგატებმა კენჭისყრის გზით, ხელის აწევით მიიღეს.

ყრილობას დაესწრნენ პარტიის დელეგატები, წევრები და მხარდამჭერები.