ნავთობპროდუქტების იმპორტიორთა კავშირის ინფორმაციით, 2024 წლის აპრილის თვეში სანავთობო ბიტუმის იმპორტმა შეადგინა 14,9 ათასი ტონა, რაც 9,4 ათასი ტონით ანუ 170,9-ით მეტია 2023 წლის ანალოგიური პერიოდის მაჩვენებელთან (5,5 ათასი ტონა) შედარებით.

მ/წლის აპრილში სანავთობო ბიტუმის იმპორტის ყველაზე დიდი მოცულობა განხორციელდა ერაყიდან - 10,2 ათასი ტონა, რაც მთელი იმპორტის 68,5%-ს შეადგენს. შემდეგ მოდიან:  რუსეთი - 4,1 ათასი ტონა (27,5%); თურქმენეთი - 0,3 ათასი ტონა (2%); თურქეთი - 0,2 ათასი ტონა (1,3%); აზერბაიჯანი - 0,1 ათასი ტონა (0,7%);

2024 წლის აპრილის თვეში გათხევადებული აირების (LPG) იმპორტმა შეადგინა 11,01 ათასი ტონა, რაც 8,13 ათასი ტონით ანუ 282,3%-ით მეტია გასული წლის ანალოგიური პერიოდის მაჩვენებელთან (2,88  ათასი ტონა) შედარებით.

მ/წლის აპრილში გათხევადებული აირების (LPG) იმპორტის 99,6%  (10,97 ათასი ტონა) განხორციელდა რუსეთის ფედერაციიდან.