ევროპის ჩემპიონატზე გამართული სადებიუტო თამაშების შემდეგ მთელი მსოფლიო ჩვენს გუნდზე წერს. "ბიბისი", "გარდიანი", "ევროსპორტი" -  არ დარჩენილა გამოცემა, რომელმაც ქართველი ფეხბურთელების თავდადება არ შენიშნა.  განსაკუთრებულ აღფრთოვანებას იწვევს გიორგი მამარდაშვილი, კარის მცველი, რომელმაც 11 სეივით გუნდი წაგებას გადაარჩინა და თამაშის საუკეთესო ფეხბურთელის ტიტული მოიპოვა. არ ავიწყდებათ არც გიორგი მიქაუტაძე, ემიგრაციაში გაზრდილი ფეხბურთელი, რომლის სახელზეც ევროპის ჩემპიონატზე უკვე ორი გოლია.