31 ევროპარლამენტარი ითხოვს, რომ საქართველოს შეუჩერდეს ევროკავშირის წევრობის კანდიდატის სტატუსი და ამავე დროს გადაიხედოს ევროკავშირის მიერ საქართველოს სახელმწიფო ბიუჯეტისა და სამთავრობო პროგრამების დაფინანსება. სტატუსის ჩამორთმევის პრეცედენტი ჯერ არ არსებობს და შესაბამისად საზოგადოებისთვის უცნობია პრაქტიკაში ეს როგორ ხდება, თუმცა როგორც ანალიტიკოსები ამბობენ, თუ ევროკავშირმა სტატუსის ჩამორთმევა გადაწყვიტა, დიდი ალბათობით, 2020 წლის დოკუმენტით იხელმძღვანელებს - „კომუნიკაცია ევროკავშირის ახალ გაფართოებასთან დაკავშირებით".

თბილისში მიმდინარე „უცხოური გავლენის გამჭვირვალობის შესახებ" კანონპროექტის მოწინააღმდეგეთა აქციებს საქართველოს ოკუპირებულ ტერიტორიებზე მცხოვრები მოსახლეობა აქტიურად ადევნებს თვალს. როგორც ანალიტიკოსები „რეზონანსთან" აცხადებენ, ამას აქტიურად განიხილავენ როგორც აფხაზ და ოსურ საზოგადოებაში, ისე სოციალურ ქსელებში. ძირითადად კი ერთი დაახლოებით ასეთი შინაარსის მოსაზრებები გამოითქმება - რომ თუ თბილისსა და მოსკოვის ურთიერთობების დარეგულირების ფონზე „ოცნებამ" ეს კანონი გაიტანა, არ გამორიცხავენ, მათ ზურგს უკან ქართველებმა რუსებთან მოილაპარაკონ, რომ კონფედერაცია შექმნან.

„უცხო ქვეყნის გავლენის გამჭირვალობის შესახებ“ კანონპროექტთან დაკავშირებით სრულიად წარმოუდგენელი განცხადებები კეთდება. მაშინ, როდესაც კანონი კერძო სექტორს საერთოდ არ ეხება, ცალკეული ბიზნესმენები ამბობენ, რომ კანონის ამოქმედების შემდეგ, საერთაშორისო ბრენდული მაღაზიების ნაწილი საქართველოს დატოვებს, რასაც პოლიტოლოგები და ექსპერტები პროპაგანდას და ტყუილს უწოდებენ.

შვეიცარიაში, ქალაქ ციურიხში, პოლიციამ ავეჯის ქურდობის ბრალდებით საქართველოს მოქალაქე დააკავა. როგორც ადგილობრივი მედია წერს, იგი ავეეჯის მაღაზიაში სავინტილაციო შახტის მეშვეობით შევიდა და სავარუდოდ, მაღაზიაში არსებული სეიფის გახსნასა და თანხის მოპარვას ციდლობდა. 

„უცხოური გავლენის გამჭვირვალობის შესახებ" კანონპროექტის მოწინააღმდეგეთა პროტესტი არც სადღესასწაულო დღეებში შეწყვეტილა, აქციის მონაწილეები აღდგომის ღამეს რუსთაველის გამზირზე შეხვდნენ და სასესიო კვირასაც არ აპირებენ გაჩერებას. როგორც ანალიტიკოსები აცხადებენ, პროტესტმა დაგვანახა, რომ საგარეო პოლიტიკის თვალსაზრისით, საქართველოს მოსახლეობის მნიშვნელოვანი ნაწილი პროდასავლურია.

შესაძლოა ალმათი მალე ისტორიული სამშვიდობო შეთანხმების ადგილი გახდეს - 10 მაისს ყაზახეთში სომხეთ-აზერბაიჯანის საგარეო უწყების ხელმძღვანელები ერთმანეთს შეხვდებიან, სადაც განიხილება ორივე ქვეყნის მიერ ერთმანეთის ტერიტორიული მთლიანობის აღიარების საკითხი. ანალიტიკოსები არ გამორიცხავენ, რომ ეს იყოს დიდი ხელშეკრულების წინა მოსამზადებელი შეხვედრა, სადაც უკვე გამოიკვეთება კონტურები.

რა გეგმა აქვთ აქციის მონაწილეებს და რა ფორმატში გაგრძელდება პროტესტი დღესასწაულებზე, ჯერჯერობით უცნობია. კანონის წინააღმდეგ გაერთიანებული სამოქალაქო ჯგუფები სოციალურ ქსელში წერენ, რომ ადამიანური რესურსების აღსადგენად და მატერიალური რესურსების მობილიზებისათვის, კანონპროექტის მესამე მოსმენამდე სტრატეგიული დაგეგმვის რეჟიმში გადადიან. 

საქართველოს საგარეო საქმეთა სამინისტროს ცნობით, პრემიერ-მინისტრი აშშ-ში მიწვეულ იქნა დათქმით, რომ ვიზიტამდე საქართველოს პარლამენტს დროებით უნდა შეეჩერებინა „გავლენების შესახებ" კანონპროექტის განხილვა, რაზეც მათ უარი განაცხადეს. ანალიტიკოსების თქმით, ეს გადაწყვეტილება ბიძინა ივანიშვილის მიერაა მიღებული და ახლა საქართველო-აშშ-ის ურთიერთობები რთულ გზას გადის.

ქვეყანაში მიმდინარე პროცესებს სხვადასხვა სფეროში მოღვაწე ადამიანები ეხმაურებიან. განსაკუთრებით სპორტსმენები აქტიურობენ, რომელთა ნაწილი სოციალურ ქსელში ავრცელებენ პოსტებს ლოზუნგით „არა რუსეთს", „საქართველოს გზა ევროპაშია", ისინი გმობენ ძალადობას. მეორე ნაწილი „ოცნებას" უცხადებს მხარდაჭერას, ბევრი კი საერთოდ დუმს.

„ტენდენციები შეინიშნება, რომ გზები გადაიკეტოს, შესასვლელების ბლოკირება მოხდეს, ეს უკვე ის ნაბიჯებია, რომლებიც საპროტესტო აქციის ფარგლებს სცილდება და რევოლუციის მოწყობის რეჟიმში გადადის", - აცხადებს „რეზონანსთან" ანალიტიკოსი რამაზ საყვარელიძე მიმდინარე პოლიტიკურ მოვლენებზე საუბრისას.

აშშ-ის სახელმწიფო დეპარტამენტი აცხადებს, რომ რუსეთის ჯარმა უკრაინის შეიარაღებული ძალების წინააღმდეგ აკრძალული ქიმიური იარაღი, ქლორპიკრინი გამოიყენა. სამხედრო ექსპერტების გარკვეული ნაწილის თქმით, ეს მიუთითებს, რომ რუსები რთულ ვითარებაში არიან ჩავარდნილი და ყველაფერს აკეთებენ უკრაინის ტერიტორიები ხელში ჩასაგდებად.

ქვეყანაში მიმდინარე პოლიტიკური პროცესების, ასევე რეგიონში პოლიტიკური დაძაბულობისა და არასტაბილურობი პირობებშიც საქართველოს ეკონომიკა მეტ-ნაკლებად სტაბილურად ვითარდება. ინვესტიციების მოზიდვის და ექსპორტის კუთხით რისკები ფაქტობრივად  დაძლეულია.

საქართველოს მოსახლეობა საბინაო კრიზისის წინაშეა. ადგილობრივი მოსახლეობისთვის უძრავი ქონების შეძენა მიუწვდომელია. ამასთანავე, ბინებისა თუ მიწების ფასი ყოველდღიურად ძვირდება. არსებობს იპოთეკური სესხებიც, თუმცა იმდენად მაღალი პროცენტებია, რომ მყიდველს საკმაოდ გრძელვადიან პირობებში უწევს მისი გადახდა, რაც ორჯერ და სამჯერ აძვირებს ბინის საფასურს.

გლობალურ ბაზრებზე საწვავის ფასის კლება აღინიშნება. ტენდენცია დაახლოებით 10 დღის წინ დაიწყო და ამ ხნის განმავლობაში არ შეცვლილა. ამის მიზეზად სპეციალისტები  აშშ-ში ნავთობის რეზერვების ზრდას მიიჩნევენ. გარდა ამისა, იმატა მოქმედი ჭაბურღილების რაოდენობამაც, რაც ფასზეც ადეკვატურად აისახა. თუკი არსებული მოცემულობა გრძელვადიან პერიოდში შენარჩუნდება, ბუნებრივია, გარკვეული გავლენა ქართულ ბაზარზეც ექნება. ჯერჯერობით კი ტენდენცია საპირისპიროა. ბოლო დღეების განმავლობაში საწვავი რამდენიმე თეთრით გაძვირდა კიდეც, რაზეც გარკვეულ გავლენას რუსეთიდან იაფი საწვავის იმპორტის შეჩერებაც ახდენს.

საქართველოში მოსახლეობა ნაადრევად ბერდება. ეს კი ცხადყოფს, რომ დემოგრაფიული პრობლემა კვლავ აქტუალურია. პროცესის გაღრმავებას ხელს უწყობს ქვეყანაში არსებული მიგრაცია, რომელიც მუდმივად მზარდია. უკვე პრობლემები იქმნება ეკონომიკაში, ბიზნესში, სადაც ახალგაზრდა კადრების მწვავე დეფიციტია.

უნიკალური და იშვიათი წიგნების ქურდობის უპრეცედენტო, რომელიც ევროპაში საქართველოს მოქალაქეებმა ჩაიდინეს - დაჯგუფების რამდენიმე წევრი რამდენიმე თვის წინ ევროპის ქვეყნებში დააკავეს, ბოლო დღეებში კი, ქართველი და უცხოელი სამართალდამცველების მონაწილეობით, საქართველოს ტერიტორიაზე ათობით სპეცოპერაცია ჩატარდა, რის შედეგადაც აიყვანეს 3 პირი და მათი კიდევ ერთი თანამზრახველი.

საბერძნეთში, ქალაქ სიტიაში ნასვამმა ქართველმა 43 წლის კაცი დაჭრა -  როგორც ბერძნული მედია წერს,  მთვრალ მდგომარეობაში მყოფი ქართველი ქუჩაში გამვლელებს შეურაცხყოფას აყენებდა, რა დროსაც მას ახალგაზრდა  კაცმა  შენიშვნა მისცა.