ჩხოროწყუს მუნიციპალიტეტის სოფელ ქვედა ჩხოროწყუში, წუხელ გვიან ღამით ხანძრის შედეგად, გია ცქვიტიშვილის ორსართულიანი საცხოვრებელი სახლი მთლიანად დაიწვა.

ასევე, მთლიანად დაიწვა სოფელ ახუთში თამაზ ვეკუას საცხოვრებელი სახლიც. სახლებიდან ვერ მოხერხდა საოჯახო ავეჯისა და ტექნიკის გამოტანა. ხანძრის გამომწვევი მიზეზი ამ დროისთვის უცნობია.

ადგილზე მობილიზებული იყო სახანძრო-სამაშველო სამსახურის ბრიგადები. ხანძრის შედეგად არავინ დაშავებულა.

შემთხვევის ადგილებზე იმყოფებოდნენ ჩხოროწყუს მუნიციპალიტეტის მერის პირველი მოადგილე გოჩა ჩიქოვანი და

მერის მოადგილე ვალერი თოდუა.

მუნიციპალიტეტის მერიაში აცხადებენ, რომ დაზარალებულ ოჯახებს მერიაში მოქმედი შესაბამისი პროგრამის ფარგლებში ფინანსურ დახმარებას გაუწევენ.