ისრაელი მზადაა, ომი დაასრულოს მხოლოდ მისი ყველა მიზნის მიღწევის შემდეგ, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ აშშ-ის პრეზიდენტს, ჯო ბაიდენს სატელეფონო საუბრისას განუცხადა. ინფორმაციას ისრაელის მედია ავრცელებს.
მედიის ცნობით, ნეთანიაჰუმ ბაიდენს განუცხადა, რომ განიხილავს ჯგუფის გაგზავნას, რათა მონაწილეობა მიიღოს არაპირდაპირ მოლაპარაკებებში „ჰამასთან" მძევლების გათავისუფლების შესახებ შეთანხმების მისაღწევად.
ამასთან, ნეთანიაჰუმ ბაიდენს აშშ-ის დამოუკიდებლობის დღე მიულოცა და განუცხადა, რომ „აშშ-ის გარეშე მსოფლიოში თავისუფლება არ არსებობს", რაზეც ბაიდენმა უპასუხა, რომ „ისრაელის გარეშე მსოფლიოში ებრაელებისთვის უსაფრთხოება არ არსებობს".