ეროვნული ნაკრების ყოფილი კაპიტანი, 21 ოქტომბერს, 54 წლის ასაკში გარდაიცვალა. ყოფილ კაპიტანს შაბათს ზღვის სასაფლაოზე დაკრძალავენ.

გიორგი ნემსაძის არაერთი ინტერვიუ ვრცელდება სოციალურ ქსელში, მათ შორის არის Europetime-ის მიერ გავრცელებული ვიდეო, სადაც ყოფილი კაპიტანი საუბრობს იმ ემოციებზე, თუ რა განცდა ჰქონდა მას შემდეგ, რაც ფეხბურთს თავი დაანება:

„ფეხბურთს რომ მორჩები, კვირა არ გადის, რომ სიზმარში არ ვნახო ან ხელშეკრულებას ვაწერ ხელს, ან გოლს ვიტან, რაღაც ფრაგმენტები მესიზმრება… ფეხბურთი მიყვარს… ერთი სიცოცხლე მოვრჩი, როცა ფეხბურთს თავი დავანებე“ – ამბობდა გიორგი ნემსაძე.

ცნობისთვის, გიორგი ნემსაძე ბოლო პერიოდში საქართველოს 18-წლამდელთა საფეხბურთო ნაკრების მთავარი მწვრთნელის პოსტს იკავებდა. 1988-1991 წლებში და 1993-1995 წლებში თამაშობდა თბილისის „დინამოში“, 1991-1992 წლებში ლანჩხუთის „გურიაში“, 1992-1993 წლებში თბილისის „შევარდენში“, ასევე

გამოდიოდა გერმანიის „ჰამბურგში“, თურქეთის „ტრაბზონსპორში“, შვეიცარიის „გრასჰოპერსში“, იტალიურ „რეჯანაში“, თბილისის „ლოკომოტივში“, იყო შოტლანდიური „დანდის“ კაპიტანი, კარიერა „დინამოში“ დააასრულა.საქართველოს ეროვნულ ნაკრებში 1992-2004 წლებში ჩატარებული

აქვს 69 მატჩი.