მმართველი პარტიის წევრების განცხადებით, 29 აპრილის შეკრებაზე „ქართული ოცნების" საპატიო თავმჯდომარე ბიძინა ივანიშვილი საზოგადოებას სიტყვით მიმართავს, თუმცა, კონკრეტულად რა შინაარსის იქნება გამოსვლა, ჯერჯერობით უცნობია. მანამდე ანალიტიკურ წრეებსა და სოციალურ ქსელებში რამდენინმე შესაძლო ვერსიაზეა მსჯელობა.

უკრაინის მიერ დასავლეთიდან მიღებული შეიარაღების რუსეთის ტერიტორიაზე დარტყმისთვის გამოყენებაზე დაწესებული შეზღუდვა, შესაძლოა, მოხსნილი იყოს. ასეთი ვარაუდი მას შემდეგ გაჩნდა, რაც ოფიციალურად დადასტურდა, რომ აშშ-მა მარტში უკრაინას ფარულად მიაწოდა შორს მოქმედი ATACMS-ის ტიპის რაკეტები. როგორ შეცვლის ეს ომის ხასიათს და რა უპირატესობა შეიძლება მიიღოს ამით უკრაინამ?

ქართული ავტობაზარი კვლავ პრობლემების წინაშეა. დილერების ნაწილი საგაზაფხულო სეზონის დადგომას პოზიტიურად ხვდება, ნაწილი კი ფიქრობს, რომ თუ სფეროში ძირფესვიანი ცვლილებები არ განხორციელდება, რყევა გაგრძელდება, რამაც შესაძლოა ბაზარზე როგორც ადგილობრივი რეალიზაციის, ასევე იმპორტისა და რეექსპორტის შემცირება გამოიწვიოს.

რუსთავში ბუნებრივი აირის მილის გადაკეტვის გამო მეზობლებს შორის დაწყებული დავა მკვლელობით დასრულდა - 40 წლის მამაკაცი, რომელიც ნათესავმა ქალმა დახმარების მიზნით გამოიძახა, ქალის მეზობელმა სასიკვდილოდ დაჭრა. 

თბილისის ცენტრში შექმნილმა მორიგმა „რევოლუციურმა სიტუაციამ“ საქართველოს „ახალი ისტორიის დაწერის“ 35 წლის წინ განხორციელებული მცდელობა გამახსენა. მართალია, კომუნისტების მმართველობის პირობებში ქართველებს „მაშასადამე ევროპელობაზე“ პრეტენზია არ გვქონდა, მაგრამ მაშინაც განსაკუთრებით ახალგაზრდობა აქტიურობდა, რომელსაც „ერთიან, ძლიერ, დამოუკიდებელ და თავისუფალ საქართველოში“ უნდოდა ცხოვრება... ამასთან, პარლამენტის შენობის წინ გამართული საპროტესტო აქციების მონაწილეებს, ქართველი პოლიციელების ცრემლსადენი გაზისა და წყლის ჭავლის კი არა, რუსი სამხედროების ალესილი ნიჩბებისა და ავტომატებისაც კი იმდენად არ ეშინოდათ, რომ კათალიკოს-პატრიარქის მოწოდებაზეც კი არ დაიშალნენ.

არსებობს თუ არა ქვეყანაში პოლარიზაციის უკიდურესად გაღრმავებისა და სამოქალაქო დაპირისპირების საფრთხე? ანალიტიკოსთა შეფასებით, მმართველი პარტიის მიერ პარლამენტში „უცხოური გავლენების შესახებ“ კანონპროექტის მეორედ ინიცირების შემდეგ დაწყებულმა პროცესებმა სახიფათო ტენდენცია აჩვენა - პოლიტიკური პოზიციების გამო, ზოგ შემთხვევაში უკვე ოჯახის წევრები, ძელი მეგობრები და ახლობლები უპირისპირდებიან ერთმანეთს.

ცესკომ საჯარო რეესტრის სააგენტოს გადაწყვეტილებამდე, პარტია „ქართული იდეას", რომელის სახელითაც „ალტ-ინფო" საპარლამენტო არჩევნებზე აპირებდა გასვლას. მანამდე ცესკომ ასევე უარი თქვა „ალტ-ინფოს" მიერ დაფუძნებული „კონსერვატიული მოძრაობის" რეგისტრაციაზე. აღნიშნულს პარტიის წევრები აღშფოთებით შეხვდნენ. ისინი „ოცნებას" მწვავედ აკრიტიკებენ, არც 29 აპრილს მმართველი პარტიის აქციას არ უერთდებიან და აღდგომის შემდეგ მოქმედებით იმუქრებიან.

აშშ-ის სენატის 14 წევრმა ერთობლივი წერილი გაუგზავნა საქართველოს პრემიერ-მინისტრ ირაკლი კობახიძეს. ისინი აცხადებენ, რომ თუ პარლამენტში ხელახლა ინიცირებული „უცხოური გავლენის შესახებ" კანონპროექტი კანონი გახდება, ისინი იძულებული იქნებიან „წაახალისონ აშშ-ის პოლიტიკის შეცვლა საქართველოს მიმართ".

„ოდიოზურ ევროპარლამენტართა თხოვნები გაუმჭვირვალობაზე, ლგბტ პროპაგანდაზე, სააკაშვილის გათავისუფლებაზე, ივანიშვილის დასჯაზე, არის შანტაჟი და ჩვენთვის და საზოგადოებისთვის ფასი არ აქვს," - ამბობს პრემიერი ირაკლი კობახიძე 25 აპრილის ევროპარლამენტის რეზოლუციის შეფასებისას.

„ქართული ოცნება" აცხადებს, რომ ევროპარლამენტი აღმასრულებელი ორგანო არაა და ვიზალიბერალიზაციის გაუქმება პროცედურიდან გამომდინარე, წარმოუდგენელი და შეუძლებელია, ოპოზიციას კი მიაჩნია, რომ 25 აპრილის რეზოლუცია არის პირდაპირი გაფრთხილება და შესაძლოა ქვეყანამ ეს მონაპოვარი დაკარგოს თუ „ოცნება" ერთი მოსმენით უკვე მიღებულ „უცხოური გავლენის გამჭვირვალობის შესახებ" კანონპროექტს პარლამენტიდან უკან არ გაიწვევს.

ევროპარლამენტმა „საქართველოში უცხოური აგენტების კანონის ხელახლა შემოტანის მცდელობებსა და სამოქალაქო საზოგადოებაზე მისი შეზღუდვების შესახებ" რეზოლუცია შესწორებებით დაამტკიცა. დოკუმეტში აღნიშნულია, რომ კანონპროექტი ევროკავშირის ღირებულებებს, დემოკრატიულ პრინციპებს და საქართველოს წევრობის ამბიციებს ეწინააღმდეგება, აზიანებს საქართველოს საერთაშორისო რეპუტაციას და საფრთხის ქვეშ აყენებს ქვეყნის ევროატლანტიკურ მისწრაფებებს. ამასთან, შესწორებების ტექტსში საუბარია, მათ შორის, საქართველოსთვის უვიზო რეჟიმის გადახედვასა და ბიძინა ივანიშვილის სანქცირების მოთხოვნაზე.

მაისში ცვლილებები იქნება როგორც ხელისუფლებაში, ასევე ოპოზიციაში. დაზუსტებით შემიძლია ვთქვა, რომ თავდაცვის ყოფილი მინისტრი ირაკლი ალასანია პოლიტიკაში დაბრუნდება. არ არის გამორიცხული, რომ ის „ახლებს" შეუერთდეს ან რომელიმე პოლიტიკურ ძალასთან გაერთიანდეს, თუნდაც „ლელოსთან" - აცხადებს „რეზონანსთან" მიმდინარე პოლიტიკურ პროცესებზე საუბრისას პოლიტოლოგი იგორ კვესელავა. მისივე თქმით, 29 აპრილს დაპირისპირებულ მომიტინგეებს შორის შეჯახებების რისკი არსებობს და ხელისუფლებამ ყველაფერი უნდა გააკეთოს ამის აღსაკვეთად.

უკრაინაში აშშ-ის სამხედრო დახმარების ჩასვლამდე, რუსული ჯარები რაც შეიძლება მეტი ტერიტორიის ხელში ჩაგდებას ცდილობენ. ვრცელდება ინფორმაცია, რომ დაწოლა გაძლიერდა განსაკუთრებიუთ სტრატეგიულ სიმაღლეებზე, რათა პრობლემები შეუქმნან უკრაინის შეიარაღებული ძალების მნიშვნელოვან თავდაცვით ხაზს დობნასში.

ავიაკომპანიების ნაწილმა შესაძლებლობით ისარგებლა და გერმანიის მიმართულებით ფრენები გააძვირა. სიძვირის გამო ქართველი გულშემატრივრისათვის ევრო 2024-ის მატჩებზე დასწრება და საქართველოს ნაკრებისთვის ქომაგობა, გარკვეულწილად, პრობლემაა. ტურორატორების ნაწილი ინფორმაციით, როგორც ავიაბილეთები, ისე სასტუმრობს დაჯავშნა ამ ეტაპისთვისაც შესაძლებელია, თუმცა მეორე ნაწილის ამბობს, რომ ორივე კუთხით პრობლემაა.

"ოფშორების კანონი” ქვეყანაში სპეკულაციის კიდევ ერთი თემა გახდა. კანონთან დაკავშირებით, რომელიც პარლამენტმა დაჩქარებული წესით რამდენიმე დღის წინ მიიღო, ითქვა, რომ საფინანსო სექტორში პრობლემებს გამოიწვევს. საქართველოს ეროვნული ბანკი კი ხაზგასმით აღნიშნავს, რომ არავითარი ცვლილება არ მოხდება.

ბოლო რამდენიმე  დღეა, ლარის კურსი საგრძნობლად ირყევა. გარკვეულწილად ეს პროცესი ქვეყნის შიდა პოლიტიკურ ვითარებას უკავშირდება. როგორც სპეციალისტები განმარტავენ, მაკროეკონომიკური პარამეტრები წესრიგშიაა და წესით, გაუფასურებას არ უნდა იწვევდეს. დიდი ალბათობით, კომპანიებს და მსხვილ სუბიექტებს დოლარში გადაჰყავთ თავიანთი რეზერვები, რაც კურსზე ნეგატიურად მოქმედებს. მით უმეტეს, მომავალ კვირას ორივე მხარე (მმართველი პარტია და ოპოზიცია) აქციებს გამართავს, რაც არასტაბილურობის განცდას იწვევს.

ადგილობრივი წარმოების პროდუქცია სავაჭრო ქსელებში ძალიან მცორე დოზით არის წარმოდგენილი. მონოპოლიასა და კორუფციაზე საუბრობენ ასოციაციებში. მათი ინფორმაციით, ქსელურ მარკეტებში ქართული პროდუქცია უმეტესად იბლოკება და უდიდესი აქცენტი იმპორტირებულ საკვებს ენიჭება.

უმძიმესი დანაშაული ზემო თელეთში - როგორც ირკვევა, მეგობრებს შორის დაწყებული დაპირისპირება მკვლელობით დასრულდა. 35 წლის მამაკაცი სახლიდან ჯერ ერთმა მეგობარმა გაიყვანა, შემდეგ კი მეორემ დანით სასიკვდილო ჭრილობები მიაყენა. სისხლიანი გარჩევის ფიგურანტები ბავშვობის მეგობრები არიან. ირკვევა, რომ დავით კუბლაშვილი ადგილზე სისხლისგან დაიცალა. მის ყოფილ თანაკლასელს კი ხელბორკილები დაადეს. 

„საქსტატის" მონაცემებით, 2024 წლის პირველი იანვრის მდგომარეობით, საქართველოს მოსახლეობის რიცხოვნობამ 3 694.6 ათასი კაცი შეადგინა, რაც წინა წლის შესაბამისი პერიოდის მაჩვენებელთან შედარებით 1.1 პროცენტით ნაკლებია. სპეციალისტენი მიიჩნევენ, რომ ამაზე იმოქმედა ბუნებრივი მატების მაჩვენებელი შემცირებამ და მიგრაციული სალდოს გაზრდამ. მათივე განმარტებით, საჭიროა ისეთი პოლიტიკა, რომელიც ახალგაზრდა ოჯახებს შვილის ყოლისა და დაოჯახების მოტივაციას მისცემს.