ზაფხული პოლიტიკურად არააქტიური სეზონია, რომლის გასვლის შემდეგ, მალევე არჩევნებია, 4-თვიანი შუალედია დარჩენილი წინასაარჩევნო კამპანიისთვის და იქიდან გამომდინარე, რომ 26 ოქტომბერი ერთ-ერთი გადამწყვეტი დღეა ქართულ პოლიტიკურ რეალობაში, ანალიტიკოსები თვლიან, რომ ეს შუალედი უქმად არ უნდა დაიკარგოს.

უნგრეთი დღეიდან მომდევნო ექვსი თვის განმავლობაში, 2024 წლის დეკემბრამდე, ევროკავშირის საბჭოს თავმჯდომარე ქვეყანა იქნება. ევროკავშირის საბჭოს თავმჯდომარეობა 6 თვეში ერთხელ იცვლება. უნგრეთმა თავმჯდომარეობა ბელგიისგან გადაიბარა, დეკემბრიდან კი პოლონეთი გახდება. საინტერესოა საქართველო-უნგრეთის დაახლოების ფონზე როგორ აისახება ეს საქართველოს ინტეგრაციის პროცესზე ევროკავშირში.

რა მოხდება და როგორ გავლენას მოახდენს საფრანგეთის არჩევნები მსოფლიოზე, თუკი მეორე ტურში გამარჯვება კვლავ მარინ ლე პენის ულტრამემარჯვენე „ეროვნული ერთობის“ პარტიამ მოიპოვა. რა პროცესები დაიწყება ქვეყნის შიგნით და რა გავლენა ექნება მას ევროკავშირის და ნატოს პოლიტიკაზე.   

საქართველოს მოსახლეობის უმრავლესობა ექიმებსა და მედიკამენტებზეა დამოკიდებული. კვლევების გარეშეც, კლინიკების და სააფთიაქო ქსელების საქმიანობის თვალის ერთი შევლებითაც ჩანს, რომ ექიმებსა და სამედიცინო სერვისებზე მოთხოვნა კატასტროფულად მატულობს. ამას ხელს უწყობს ის გარემოებაც, რომ ექიმების რაოდენობა ძალიან გაიზარდა, რაც ცხოვრების განსხვავებულ წესს ამკვიდრებს საზოგადოებაში. ფაქტობრივად, ექიმებში სიარული და წამლების მოხმარება ცხოვრების წესად იქცა, რასაც სარგებლის ნაცვლად, ადამიანებისთვის ზიანი მოაქვს.

რა გახდა მთაწმინდაზე  მამუკა ლომიძის მკვლელობის მოტივი, ოჯახს დღემდე არა აქვს პასუხი. როგორც მოკლული ახალგაზრდის ახლობლები ამბობენ,  საქმეზე სასამართლო პროცესები გრძელდება, თუმცა, მკვლელობაში ბრალდებული ბაჩო სირაძე ამ დრომდე დუმილის უფლებას იტოვებს. 

პირველად ისტორიაში საქართველოს ნაკრები ევროპის ჩემპიონატზე მოხვდა და მერვედფინალში გასვლით ისტორიულ წარმატებას მიაღწია. ესპანეთთან (1:4) თამაშის დასრულების შემდეგ ნაკრების თავდამსხმელმა ხვიჩა გვარაცხელიამ ქართველ გულშემატკივარს მადლობა გადაუხადა და თქვა, რომ გამოცდილება აკლდათ, თუმცა, შემდეგში უფრო მეტის გაკეთებას ეცდებიან.

სამხრეთ კავკასიის რეგიონში ჩრდილო ატლანტიკური ალიანსის ინტერესი ძლიერდება - ვაშინგტონის 9-11 ივლისის სამიტზე პარტნიორობის ფორმატში საქართველო სომხეთი და აზერბაიჯანი საგარეო საქმეთა მინისტრების დონეზეა მიწვეული. თბილისისა და ერევნის საგარეო უწყებებმა დაადასტურეს, რომ სამიტს დაესწრებიან, ჯერჯერობით უცნობია რა გეგმა აქვს ბაქოს.

ევროპის ჩემპიონატზე საქართველოს საფეხბურთო ნაკრების შთამბეჭდავმა დებიუტმა ქვეყანის შიგნით გააჩინა და გააძლიერა ეროვნული ერთიანობის განცდა, ქვეყნის გარეთ კი გაზარდა საქართველოს ცნობადობა და დადებითად შეცვალა ჩვენი ქვეყნისადმი დამოკიდებულება. ამის შესახებ „რეზონანსთან" ანალიტიკოსები საუბრობენ. თუმცა, რამდენად მოახდენს გავლენას ეს ცვლილებები თუნდაც საქართველოს ევროინტეგრაციის პროცესზე, ეს უკვე მეორე საკითხია.

რუსული მედიასაშუალებები წერენ, რომ კრემლი საქართველო-რუსეთის მომავალი ურთიერთობის მხრივ ფსონს თბილისის მოქმედ მერზე კახა კალაძეზე დებს. საუბარია იმაზე, რომ რუსეთის ხელისუფლების გათვლით, უახლოეს რამდენიმე წელიწადში კალაძე პრემიერ-მინისტრი გახდება და „მასთან უკვე სერიოზულად შეიძლება დალაპარაკება ურთიერთობის საბოლოო ნორმალიზებაზე", მათ შორის აფხაზეთსა და ცხინვალის რეგიონზეც.

ევროპული საბჭოს 27-28 ივნისის სამიტი საქართველოს მიმართ მხოლოდ გაფრთხილებითა და მოწოდებებით შემოიფარგლა - ხელისუფლებას მოუწოდებენ შეცვალოს მოქმედების კურსი, რომელიც „საფრთხეს უქმნის საქართველოს ევროკავშირისკენ მიმავალ გზას, რასაც გაწევრიანების პროცესის დე-ფაქტოდ შეჩერებისკენ მივყავართ“. თუმცა, მანამდე ევროკავშირის უმაღლესმა წარმომადგენელმა საგარეო პოლიტიკის საკითხებში ჯოზეფ ბორელმა ჟურნალისტებს გააცნო 3 კონკრეტული შეზღუდვა, რომელიც ევროკავშირმა საქართველოს მიმართ შეიძლება აამოქმედოს.

„ქართული ქარტია" 26 მაისს გაჩნდა, ერთიანობის დეკლარაცია კი ერთი თვის შემდე - 24 ივნისს. „ქართულ ქარტიას" 17 ოპოზიციური პარტია აწერს ხელს, ერთიანობის დეკლარაციას კი - 7. ანალიტიკურ წრეებში გაჩნდა მოსაზრება, რომ ერთიანობის დეკლარაცია „ქართული ქარტიის" ალტერნატივაა, რაც ამომრჩევლებში დაბნეულობას იწვევს. რამდენად შესაძლებელია, რომ ოპოზიციური პარტიების მიერ მიღებულ ამ ორ დოკუმენტს მართლაც ასეთი ეფექტი ჰქონდეს? ანალიტიკოსთა მისაზრებები ამასთან დაკავშირებით არაერთგვაროვანია.

მოხდება თუ არა ოპოზიციური ერთობის ფორმირება - „ნაციონალური მოძრაობა“ ოპოზიციის გაერთიანების სანაცვლოდ გარკვეულ პირობებზე საუბრობს. პარტია მზადაა, ერთიანი სიისა და ერთობის შემთხვევაში, პარტიული ნომერი და სიაში საკუთარი წილიც დათმოს.

პარასკევს, 28 ივნისს აშშ-ში გამართული პირვცელი დებატები დემოკტრატებისათვის კატასტროფული გამოდგა. ამას უკვე დემოკრატების მხარდამჭერი ამერიკული მედიაც აღარ მალავს. სხვადასხვა წყაროების ცნობით, პარტიაში ნამდვილი პანიკაა და უკვე სერიოზულად დაიწყო საუბრები პრეზიდენტობის კანდიდატის ჩანაცვლებაზე. თუმცა, ჯერჯერობით ძნელი სათქმელია რამდენად დათანხმდება ამას მოქმედი პრეზიდენტი, 82 წლის ჯო ბაიდენი.

საქართველოს ეკონომიკა ბოლო წლებში დამაჯერებლად იზრდება. სტატისტიკური ციფრები, რომელიც სწორედ ამ ყველაფერს ასახავს, მართლაც კარგად გამოიყურება, მაგრამ საინტეროა, რამდენად გრძნობს ქვეყნის მოსახლეობა მშპ-ს ზრდას ან როდის იგრძნობენ ციფრებში გამოხატულ წინსვლას უშუალოდ მოქალაქეები?

რამდენიმეწლიანი ლოდინის შემდეგ ენერგეტიკული ბირჟა ნაწილობრივ გაიხსნა.  როგორ განვითარდება მომავალში და რა შესაძლებლობები ექნება ენერგეტიკულ სექტორს ბირჟის ამოქმედებით, დიდწილად იქნება დამოკიდებული სახელმწიფოს პოზიციაზე, რამდენად ჩაერევა მისი მუშაობის პროცესში და ექნება თუ არა დამოუკიდებლად ფუნქციობის შესაძლებლობა. ამის წინაპირობა ჯერჯერობით არ ჩანს. შესაბამისად, გაუგებარია, რა შეღავათი ექნება სექტორს. ცხადია, ენერგეტიკული ბირჟა სამომხმარებლო ტარიფებზე გავლენას ვერ მოახდენს, თუმცა შესაძლებელია ინვესტიციები მოიზიდოს და გენერაციის ობიექტებისა და გამომუშავების ზრდას მნიშვნელოვნად შეუწყოს ხელი.

საკონტეინერო გადაზიდვის ტარიფები დიდი სისწრაფით მატულობს. პანდემიური პერიოდის შემდეგ ასეთი მაღალი ფასი პირველად ფიქსირდება, რასაც ბიზნესმენები გლობალურ პროცესებს უკავშირებენ, რამაც გადამზიდავებს პრობლემა შეუქმნა და ტარიფებზეც აისახა. საკონტეინერო გადაზიდვის ინდექსმა ახალ რეკორდებს მიაღწია და 6 000 დოლარს გადააჭარბა. განსაკუთრებით აზიის ქვეყნებიდან საზღვაო გადაზიდვა გაძვირდა. ტენდენცია, მცირე საფასო რყევებით, გასული წლის ნოემბრიდან დაიწყო და ამ დროისთვის უკვე ტარიფების დაახლოებით 350%-იანი  მატებაა. 

საქართველოში კადრების დეფიტიცი ისევ გრძელდება. კერძო სექტორი მუშახელის პრობლემას კვლავ განიცდის და ტურისტული თუ აგრარული სეზონის მოახლოებასთან ერთად, პრობლემა უფრო გამწვავდება. სასოფლო-სამეურნეო სამუშაოებზე დასაქმება ქართველების დიდ ნაწილს საზღვრებს გარეთ ურჩევნია, ვიდრე სამშობლოში. მიზეზი, რა თქმა უნდა, მეტი ანაზღარებაა. 

დუშეთის ბაზარშიუკმაყოფილო მყიდველსა და გამყიდველს შორისმომხდარი შელაპარაკება მკვლელობით დასრულდა. როგორც ადგილობეივები „რეზონანსთან“ ყვებიან, მოკლულია 51 წლისმამაკაცი -ბესო სინჯარაძე დანით მიყენებული მრავლობითი ჭრილობებით საავადმყოფო შიმიყვანისას გარდაიცვალა. გავრცელებული ვერსიით, იგი ჩხუბის დროს დაპირისპირებულ მხარეებს აშველებდა და დანა სრულიად შემთხვევით მოხვდა.

ამ დრომდე უჭირთ ოზურგეთში, სოფელ გაღმა დვაბუზში მომხდარი მკვლელობის შესახებ ადგილობრივებს მოტივზე საუბარი. ისინი ამბობენ, რომ არ იციან რა გახდა მეზობლებს შორის კონფლიქტის მიზეზი, რომელიც მკვლელობით და თვითმკვლელობით დასრულდა.