პრეზიდენტის ადმინისტრაცია დეზინფორმაციას უწოდებს გავცელებულ ინფორმაციას, თითქოს სალომე ზურაბიშვილი უარს ამბობს ფეხბურთის ეროვნული ნაკრების წევრებისა და ეროვნული ფედერაციის წარმომადგენლების დაჯილდოებაზე. მანამდე მმართველმა პარტიამ განაცხადა, რომ ორ თვეზე მეტი გავიდა მას შემდეგ, რაც პრემიერმა და პარლამენტის თავმჯდომარემ პრეზიდენტს წარდგინებით მიმართეს მათი ღირსების ორდენით დაჯილდოებაზე, თუმცა წერილზე ზურაბიშვილი ხელს არ აწერდა.

რა საჭიროა ყველაფერზე გამოკიდება და ყველასთვის პასუხის გაცემა? უცხოელი პოლიტიკოსების მისამართით „ოცნების" მიერ გაკეთებული ყველა ხისტი განცხადება, ოპოზიციის წისქვილზე ასხამს წყალს და მმართველ ძალას ევროპასა და ამერიკაში ოპონენტებს უმრავლებს - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

საქართველოს ეროვნულ ბანკში პირდაპირ ითქვა, რომ ლარის გაუფასურება ხელოვნური პროცესია. მოკლე მონაკვეთში შექმნილ პანიკას ნათია თურნავამ შეგნებული დესტაბილიზაცია უწოდა, რასაც ეკონომისტებიც ეთანხმებიან. მათი ნაწილი ხელს კომერციული ბანკებისკენ იშვერს. 

დაიწყო თუ არა პრეზიდენტმა წინასაარჩევნო კამპანია და იქნება თუ არა ის ოპოზიციის საპრეზიდენტო კანდიდატი, – თემა აქტუალური თავად სალომე ზურაბიშვილის განცხადების შემდეგ გახდა. სტუდენტებთან შეხვედრისას მან თქვა, რომ ბედნიერი იქნება, თუკი მის კანდიდატურას ახალგაზრდები დაუჭერენ მხარს. ეს იმას არ ნიშნავს, რომ ის ახლა გადადგომას აპირებს და არჩევნებში უშუალოდ ჩართვას, უბრალოდ, თუ ოპოზიციამ გაიმარჯვა და პარლამენტში უმრავლესობა მიიღო, ელის, რომ მას მეორე ვადით დაასახელებენ, ამბობენ ანალიტიკოსები.

პარლამენტის თავმჯდომარე შალვა პაპუაშვიული საერთაშორისო დამკვირვებლებს მოუწოდებს, რომ „რაც შეიძლება ბევრნი ჩამოვიდნენ და რაც შეიძლება ბევრი იყოს ადგილობრივი დამკვირვებელი" , რომ ყველამ დაინახოს ქართველი ხალხის არჩევანი 26 ოქტომბერს საპარლამენტო არჩევნებზე. მისი თქმით, ფაქტიურად ეს იქნება რეფერენდუმი - „გვინდა ვიყოთ დამოუკიდებელი, თუ ვასალური სახელმწიფო".

აქტიური პოლიტიკისთვის ზაფხული არც თუ ხელსაყრელი პერიოდია, თუმცა, როგორც პრეზიდენტი სალომე ზურაბიშვილი ამბობს, გადამწყვეტ არჩევნებამდე ზუსტად საკმარისი დროა, ქარტიაზე ხელმომწერმა პარტიებმა ეს პერიოდი უნდა გამოიყენონ და კამპანია უკვე უნდა დაიწყონ. თავის მხრივ გაზაფხულის 100-დღიანი კამპანია „ოცნებამ" უკვე დაასრულა, რომელიც ათ რეგიონში ათ გასვლით შეხვედრას გულისხმობს.

„ოცნება" პრეზიდენტ სალომე ზურაბიშვილს მწვავედ აკრიტიკებს, 11 ივნისს ახალგაზრდებთან შეხვედრისას წარმოთქმული ფრაზის გამო, სადაც ზურაბიშვილმა მეორე ვადით საპრეზიდენტო კანდიდატობა არ გამორიცხა. ზურაბიშვილი კვლავ არაა წინააღმდეგი, რომ მმართველი პარტია „ქართულ ქარტიას" შუერთდეს, თუმცა როგორც ანალიტიკოსები ამბობენ, ეს წინადადება თავის არსში უპერსპექტივოა და წინააღმდეგობაში მოდის მისივე ნათქვამთან - „ჩვენ ვემზადებით გამარჯვებისთვის".

სადავო „გავლენების კანონის" მიღებისა და დასავლეთის მწვავე კრიტიკის ფონზე, საქართველოს პრემიერ-მინისტრი ირაკლი კობახიძე პირველად ახორციელებს საერთაშორისო ვიზიტს. ის მსოფლიო ლიდერებთან ერთად ბერლინში, უკრაინის აღდგენის კონფერენციაში მონაწილეობს. საქართველოს პრემიერი სიტყვით გამოვიდა სახელმწიფო მეთაურთა სამუშაო შეხვედრაზე, რომელსაც გერმანიის კანცლერი ოლაფ შოლცი და უკრაინის პრეზიდენტი ვოლოდიმირ ზელენსკი ხელმძღვანელობდნენ. როგორც კობახიძემ აღნიშნა, საქართველო მზადაა, მაქსიმალური წვლილი შეიტანოს უკრაინის აღდგენაში.

სიტყვიერი შეურაცხყოფა, ფიზიკური დაპირისპირება, ბულინგი და მუქარა საპარლამენტო არჩევნებამდე 5 თვით ადრე ფაქტიურად ყოველდღიურად იძაბება. გახშირდა ქუჩაში სიტყვიერი დაპირისპირებისა და ფიზიკური ანგარიშსწორების შემთხვევები. რატომ არ ეცემა დაძაბულობის ხარისხი და ვის ინტერესშია პოლარიზაციის კიდევ უფრო გაღრმავება?

წინასაარჩევნოდ, შესაძლოა, მემარჯვენე კონსერვატიული ძალების დიდი გაერთიანება შედგეს. პარტია „კონსერვატიული მოძრაობის" („ალტ-ინფო") ცნობით, ამაზე უკვე მიღწეული შეთანხმება „პატრიოტთა ალიანსთან" და ასევე მიდის მოლაპარაკება სხვა მემარჯვენე ძალებთან. ვის წაართმევს ეს გაერთიანება ხმებს, შეძლებს თუ არა 5%-იანი ბარიერის გადალახვას და პარლამენტში შესვლის შემთხვევაში, ვისთან ითანამშრომლებენ?

უკრაინის შეიარაღებულმა ძალებმა დროებით ოკუპირებულ ყირიმში რუსეთის საზენიტო სარაკეტო სისტემებს დაარტყეს - ინფორმაციას ოფიციალურად ადასტურებს უკრაინის გენშტაბი. უწყების  ცნობით, დარტყმების სამიზნეს ბელბეკთან და სევასტოპოლთან ერთი S-300 და ორი S-400 სისტემა წარმოადგენდა. "დარტყმის შედეგად S-300 და S-400 კომპლექსების ორი რადარი განადგურდა. მესამე რადარის შესახებ ინფორმაცია ზუსტდება“, - აცხადებს უკრაინის გენშტაბი.

შოვი, როგორც კურორტი არსებობას წყვეტს. გარემოს ეროვნული სააგენტოს მიერ ჩატარებულმა კვლევამ აჩვენა, რომ კურორტი დიდი რისკის ზონაა და იქ ნებისმიერი ინფრასტრუქტურული სამუშაოს ჩატარება დაუშვებელია. გეოლოგიურ  დასკვნაზე დაყრდნობით, სპეციალისტები ამბობენ, რომ შოვში მეწყერის საფრთხე ისევ არსებობს და იქ ადამიანები ვეღარ იცხოვრებენ. აქედან გამომდინარე, ტერიტორიამ კურორტის თვისება დაკარგა, რასაც ყველა გაგებით უნდა მოეკიდოს.

ლარის კურსის საგრძნობლად გაუფასურებამ ინფლაციის ზრდის დიდი რისკი წარმოშვა, ამიტომ მოლოდინია, რომ მომდევნო თვეებში მისი მაჩვენებელი მიზნობრივზე (3%) მაღალი იქნება. კურსის გაუფასურების გამო, საქართველოში პროდუქციის გაძვირებისთვის საფუძველი და საფრთხე აშკარად არსებობს. პირველადი მოხმარების საკვებზე, როგორიცაა შაქარი, ფქვილი, ზეთი და სხვა, ფასმა უკვე მოიმატა, თუმცა მცირედით, მაგრამ შემდგომ თვეებში ეს უფრო შესამჩნევი იქნება.

მაისში დედაქალაქში საცხოვრებელი ბინების რეალიზაცი მკვეთრად დაეცა. მიგრანტების ქვეყნიდან გასვლის შემდეგ, უძრავი ქონების ბაზარზე მოთხოვნა ეტაპობრივად მცირდებოდა, მაგრამ ახლა წინ სხვა ფაქტორებმა წამოიწია. პოლიტიკურმა დაძაბულობამ გავლენა უძრავი ქონების ბაზარზე უკვე მოახდინა და პერსპექტივა ამ დარგშიც ბუნდოვანი გახადა.

„უცხოური გავლენის გამჭირვალობის შესახებ“ კანონის მიღების მცდელობის პროცესში ლარის კურსი 20 პუნქტით გაიფასურდა. გაუფასურების შესაჩერებლად და კურსის დასაჭერად ეროვნულმა ბანკმა გუშინ მორიგი ინტერვენცია განახორციელა. ეკონომისტები პირდაპირ ამბობენ, რომ კურსის დაცემა მთლიანად „გამჭვირვალობის კანონს" და არასახარბიელო მოლოდინს უკავშირდება. 

ტყვია, ვერცხლისწყალი, დარიშხანი - ეს ის მომწამლავი ნივთიერებებია, რომელიც ქართველ მებრძოლს, მამუკა მამულაშვილს სისხლში აღმოაჩნდა. უკრაინაში მებრძოლი ქართული ლეგიონის მეთაურს სამედიცინო დასკვნა ხუთშაბათს მოუვიდა, სადაც ეწერა, რომ მისი ორგანიზმი მძიმე მეტალებით იყო მოწამლული.   

ვიდეოკადრებით და ფოტოებით შანტაჟის კიდევ ერთი უმძიმესი აფქტი, სადაც 13 წლის გოგონა ფიგურირებს. სპეციალური საგამოძიებო სამსახურის განცხადებით, 13 წლის გოგოს პირადი ცხოვრების საიდუმლოს ხელყოფის ფაქტზე, ერთი პირი 19 წლის კაცი დააკავეს. ირკვევა, რომ 19 წლის ბიჭმა  გამოგონილი სახელით სოციალური ქსელ "FACEBOOK-ის" საშუალებით 13 წლის გოგო გაიცნო და გაცნობიდან მალევე მათ შორის მიმოწერამ მიიღო ინტენსიური ხასიათი.