ესენი არიან ერთი კოლექტიური „ნაციონალური მოძრაობის" წარმომადგენლები, - განაცხადა ადამიანის უფლებათა დაცვის კომიტეტის თავმჯდომარის პირველმა მოადგილემ, ალუდა ღუდუშაურმა ექვსი ოპოზიციური პარტიის მიერ ბრიუსელში ერთიანობის დეკლარაციაზე ხელის მოწერის შესახებ.

„უბრალოდ იმიტაციას ქმნიან, რომ თითქოს, სხვადასხვა როლს მოირგებენ. სინამდვილეში თქვენ ხედავთ პირებს, რომლებიც დედას აგინებდნენ ერთმანეთს, უამრავ უმძიმეს შეურაცხყოფას აყენებდნენ, მაგალითად გახარიას ბრალდებები გვახსოვს ბატონ ხაზარაძის მიმართ, გვარამიას უმძიმესი შეურაცხყოფები სალომე ზურაბიშვილის მისამართით", - განაცხადა ალუდა ღუდუშაურმა.