აშშ-ის პრეზიდენტმა, დონალდ ტრამპმა ხუთშაბათს ხელი მოაწერა აღმასრულებელ განკარგულებას ონტარიოს ტბისთვის სახელის შეცვლისა და მისთვის „ამერიკის ტბის" (Lake America) წოდების შესახებ. ტრამპის განცხადებით, ცვლილება ძალაში დაუყოვნებლივ შედის.
თეთრი სახლის წარმომადგენლის განმარტებით, დოკუმენტი აშშ-ის შინაგან საქმეთა დეპარტამენტსა და მინისტრ დუგ ბურგუმს ავალდებულებს, უზრუნველყონ სახელწოდების ოფიციალური ცვლილება. ონტარიოს ტბა, რომელიც ჩრდილოეთ ამერიკის ხუთ დიდ ტბას შორის ერთ-ერთია, კანადის პროვინცია ონტარიოსა და აშშ-ის ნიუ-იორკის შტატს შორის მდებარეობს.
კანადის პრემიერ-მინისტრ მარკ კარნის ადმინისტრაციას აღნიშნულ გადაწყვეტილებაზე კომენტარი ჯერ არ გაუკეთებია.
აღნიშნულ ნაბიჯს წინ უძღოდა აშშ-სა და კანადას შორის სავაჭრო მოლაპარაკებების ჩაშლა. სამდღიანი ინტენსიური შეხვედრები გასულ კვირას უშედეგოდ დასრულდა, რაშიც მხარეებმა პასუხისმგებლობა ერთმანეთს დააკისრეს.