„ნაციონალური მოძრაობის" მიერ პარტიის მმართვის მოდელის შეცვლა, შესაძლოა, საკონსტიტუციო სასამართლოში პარტიის გაუქმების მოთხოვნით აღძრულ სარჩელთანაც იყოს კავშირში. სასამართლოს ამ სარჩელზე გადაწყვეტილების მიღების ვადა იანვარში ეწურება და სწორედ ამ პერიოდს ემთხვევა „ნაცმოძრაობის" მიერ გამოცხადებული 6-თვიანი გარდამავალი პერიოდი, რომლის განმავლობაშიც პარტიას არ ეყოლება თავმჯდომარე ან რომელიმე სხვა კონკრეტული ხელმძღვანელი პირი.

„ნაციონალური მოძრაობის" ერთ-ერთი ლიდერის გიორგი ბარამიძის განცხადებამ, რომ აფხაზეთის ომის დროს ქართულ მხარეს ტყვეთა გაცვლა უჭირდა, რადგან დაკავებულ აფხაზ მებრძოლებს ხშირად ადგილზე ხვრეტდნენ, მწვავე დისკუსია და უკმაყოფილება გამოიწვია, განსაკუთრებით ომის ვეტერნების მხრიდან. ბარამიძე ამტკიცებს, რომ ტყვეთა გაცვლის პროცესში თავად აქტიურად იყო ჩართული, წითელი ჯვრის მეშვეობით მოლაპარაკებებს აწარმოებდა და არაერთი ქართველი ტყვის გათავისუფლებაში მონაწილეობდა.

2026-2030 წლების საგზაო უსაფრთხოების ეროვნული სტრატეგია და მისი სამოქმედო გეგმა მთავრობამ უკვე დაამტკიცა. ოღონდ, როგორც „რეზონანსმა“ გაარკვია, დარგის სპეციალისტებთან კომუნიკაციის გარეშე. არადა, საგზაო უსაფრთხოება არის ის უმნიშვნელოვანესი სტრატეგია, რომელიც უნდა დაიცვას ქვეითმაც, საჭესთან მჯდომმაც, ახალგაზრდამაც, მოხუცმაც, დიდმაც, პატარამაც... უბედური შემთხვევების რისკისგან არავინაა დაცული და ამას მოწმობს ბოლო წლების შემზარავი სტატისტიკა. 

ვინაიდან კონსტიტუციური შეზღუდვის გამო აშშ-ის მოქმედ პრეზიდენტ დონალდ ტრამპს 2028 წლის საპრეზიდენტო არჩევნებში მონაწილეობის მიღება აღარ შეუძლია, რესპუბლიკელთა სავარაუდო კანდიდატებად ჯეი დი ვენსი და მარკო რუბიო მოიაზრებიან. თუმცა, გაჟონილი ინფორმაციის თანახმად, ტრამპს თავის მემკვიდრედ ვენსის წარდგენა სურს. ამასთან, ანალიტიკოსები ვენსსა და რუბიოს შორის მნიშვნელოვან იდეოლოგიურ განსხვავებებს ხედავენ.

სუს-მა უცხოეთიდან მართული ყალბი ანგარიშების მიერ რუსი ტურისტების შესახებ დეზინფორმაციის გავრცელებაზე გამოძიება დაიწყო. სახელმწიფო უწყება და პრემიერ-მინისტრი ირაკლი კობახიძე ამ პროცესს საქართველოს ეკონომიკის დაზიანებისკენ მიმართულ კოორდინირებულ კამპანიად აფასებენ, რასაც ანალიტიკოსთა ნაწილი რუსეთის სასაეგებლოდ გადადგმულ პოლიტიკურ ნაბიჯად მიიჩნევს.

"ნაციონალური მოძრაობის" მე-13 ყრილობაზე პარტიის მმართველობისა და რეფორმირების ახალი მოდელი დამტკიცდა. როგორც პარტიაში განაცხადეს, გადადიან მოდერნიზაციისა და განახლების ეტაპზე, რის ფარგლებშიც უქმდება მოქმედი ხელმძღვანელი თანამდებობები, იქმნება კოლეგიური მმართველობის ორგანო და იწყება პარტიის რეფორმირების სტრატეგიაზე 6-თვიანი მუშაობა.

ნაურუს რესპუბლიკის მხრიდან ე.წ. აფხაზეთის რესპუბლიკასთან და ე.წ. სამხრეთ ოსეთის რესპუბლიკასთან დიპლომატიური ურთიერთობის გაუქმების გადაწყვეტილებით კიდევ ერთხელ დასტურდება, რომ საერთაშორისო სამართლის ნორმების პატივისცემა და დაცვა არის ჯანსაღი საერთაშორისო ურთიერთობის საფუძველი, - ამის შესახებ პრემიერ-მინისტრმა ირაკლი კობახიძემ მთავრობის სხდომაზე განაცხადა.

რუსეთში სამხედრო მობილიზაციის გამოცხადების მოლოდინი სულ ოფრო იზრდება. ამაზე მიუთითებს როგორც მედიაში სხვადასხვა წყაროებზე დაყრდნობით გავრცელებული ცნობები, ისე რუსეთის ხელისუფლების ზოგიერთი გადაწყვეტილება. ეს კი ნიშნავს, რომ ახლო მომავალში რუსეთიდან შეიძლება ლტოლვილთა ახალი ტალღა დაიძრას, მათ შორის საქართველოს მიმართულებითაც.

ენმ-ში არ გამორიცხავენ, რომ პარტიას რეგისტრაციასთან დაკავშირებით პრობლემები შეექმნას და ხელისუფლებამ ამის საბაბად პარტიის ჯერ კიდევ მოქმედი თავმჯდომარის თინა ბოკუჩავას განცხადება გამოიყენოს, რომელმაც 30 ივლისის პოლიტსაბჭოს სხდომა არალეგიტიმურად გამოაცხადა. ამის საპასუხოდ ბოკუჩავა აცხადებს, რომ პარტიისთვის რეალურ საფრთხეს მისი განცხადებები კი არა, შიდა „იაფფასიანი მანიპულაციები" წარმოადგენს.

ენერგეტიკის სექტორში დიდი პრობლემებია. ეს გამოვლინდა კიდეც ბოლო პერიოდში მომხდარ მასშტაბურ ავარიებში. გამომწვევი მიზეზების ვერსია სხვადასხვაა, მათ შორის მოიაზრება რუსეთის მხრიდან დივერსიაც, თუმცა ენერგეტიკოსები ელექტროენერგიის გათიშვას სისტემის გაუმართაობას უკავშირებენ, რამაც ავარიული მდგომარეობა გამოიწვია. 

სომხური მედიის ინფორმაციით, მეზობელი ქვეყანა საქართველოში თევზის ექსპორტს გეგმავს. ეს გადაწყვეტილება „როსელხოზნადზორის“ მიერ, სომხური პროდუქციის, ახლა უკვე თევზის რუსეთში იმპორტის შეზღუდვას უკავშირდება. სხვათა შორის, თევზი ერთადერთი პროდუქტი არ არის, რომლის ექსპორტიც აიკრძალა რუსეთში. სომხეთის პრემიერის „დასასჯელ“ ზომებს პუტინმა დიდი ხანია მიმართა და თითქმის ყველა სახის პროდუქტის ექსპორტი აკრძალა. იმ ფაქტმა, რომ თევზის და სხვა სახის სომხური პროდუქტების ექსპორტი საქართველოში გადმოინაცვლებს, ადგილობრივი მწარმოებლები უკვე შეაშფოთა. ისინი შიშობენ, რომ ქართული საწარმოების განვითარდება შეფერხდება, მაგრამ ეკონომისტებს ადგილობრივი მეწარმეების „ცრემლების არ სჯერათ“. 

შოვის ტრაგედიიდან სამი წლის შემდეგაც კი, კურორტის განაშენიანების გეგმა ისევ ძალაშია. სპეციალისტების განცხადებით, დოკუმენტი, რომელიც შოვის ტრაგედიამდე ცოტა ხნით ადრე, ონის მუნიციპალიტეტის საკრებულომ მიიღო, ჯერ არ გაუქმებულა, რაც რეალურ საფრთხეს ქმნის, რომ არაკეთილსინდისიერმა პირებმა კურორტის განაშენიანებისთვის გამოიყენონ. 

ფინანსური პირამიდების პრობლემამ ისევ იჩინა თავი, თუმცა საინვესტიციო თაღლითობებმა ფორმა იცვალა და ტრადიციული ,,საოფისე" სქემები თითქმის სრულად ჩაანაცვლა ციფრულმა, კრიპტოვალუტაზე და ხელოვნურ ინტელექტზე დაფუძნებულმა ონლაინ-სქემებმა. თაღლითები იყენებენ ხელოვნური ინტელექტის შესაძლებლობებს და მომხმარებლებს სთავაზობენ ,,ავტომატურ ბოტებს", რომლებიც თითქოს კრიპტოვალუტის ბაზარზე რისკის გარეშე ვაჭრობენ. ხალხს ჰპირდებიან ფიქსირებულ, არარეალურად მაღალ შემოსავალს (მაგალითად, დღეში 1%-დან 3%-მდე). თუმცა სინამდვილეში არანაირი ბოტი არ არსებობს - ახალი ინვესტორების შეტანილი თანხით ფარავენ ძველი წევრების ,,მოგებას", სანამ სქემა არ ჩამოიშლება.

იუმორისტულ გადაცემა „ისაუბრეს“-ში პარლამენტში მომხდარი ფიზიკური დაპირისპირების შესახებ გაკეთებულმა სარკასტულმა კომენტარმა სკანდალი გამოიწვია. ჯგუფური ძალადობის ბრალდებით დაკავებული ონისე ცხადაძის ძმამ, სანდრო ცხადაძემ, ეტლით მოსარგებლე დეპუტატის, რატი იონათამიშვილის მისამართით გაჟღერებული რეპლიკის გამო ბოდიში მოიხადა. უფლებადამცველები მომხდარს შშმ პირთა დისკრიმინაციად და სტიგმის გაძლიერებად აფასებენ, თავად ცხადაძე კი აცხადებს, რომ ეს იყო უბრალოდ „არასწორი ხუმრობა“ და არა ბულინგი.

უკრაინაში სრულმასშტაბიანი ომის დაწყების შემდეგ, ევროპაში უსაფრთხოების გარემო მნიშვნელოვნად შეიცვალა. რუსეთის სამხედრო მოქმედებებს თან დაერთო ჰიბრიდული ოპერაციების გაფართოება, რაც ანალიტიკოსების შეფასებით, მიზნად ისახავს არა მხოლოდ ცალკეული სახელმწიფოების, არამედ ნატოს კოლექტიური თავდაცვის პრინციპის გამოცდას.

აშშ-ის პრეზიდენტის დონალდ ტრამპის განცხადებით, მის ადმინისტრაციას სამშაბათს, მთელი დღის განმავლობაში ირანთან „ძალიან კარგი მოლაპარაკებები" ჰქონდა. „მათ მთელი დღის განმავლობაში მოლაპარაკებები ჰქონდათ. ჰორმუზის სრუტე ძალიან მალე გაიხსნება. თუ ისინი კვლავ უკან დაიხევენ, ძალიან მძიმე დარტყმა ელით", - განუცხადა ტრამპმა „ფოქსნიუსს".