გულუას ქუჩაზე, სადაც 13 წლის წინ გაუჩინარებული გური დადიანიძის დედა მოქალაქეებთან ერთად აქციას მართავს იმყოფება ადვოკატი ტარიელ კაკაბაძეც, რომელიც ოჯახის ინტერესებს იცავს.
კაკაბაძის თქმით, ხელახალი გამოძიების შედეგად დადგინდა, რომ საქმეში არსებობდნენ სხვა პირები, რომლებიც აქამდე გამოკითხული საერთოდ არ იყვნენ და მათთვის არავის არანაირი შეკითხვა დასმული არ ჰქონდა. ასევე, აღმოჩნდა, რომ ნამდვილად არსებობს გურამ დადიანიძის კომპიუტერი და ტელეფონი, რომელტაც ამჟამად ექსპერტიზა ჩაუტარდა.
„2026 წელს განახლდა გამოძიება, გაჩერებული გამოძიება გაგრძელდა, ჩატარდა არაერთი საგამოძიებო მოქმედება, აღმოჩნდა, რომ საქმეში არსებობდნენ სხვა პირები, რომლებიც აქამდე გამოკითხული საერთოდ არ იყვნენ და მათთვის არავის არანაირი შეკითხვა დასმული არ ჰქონდა. ასევე, აღმოჩნდა, რომ ნამდვილად არსებობს გურამ დადიანიძის კომპიუტერი. ნამდვილად არსებობს გურამ დადიანიძის ტელეფონი და ახლა, სულ ცოტა ხნის წინ ამოიღეს და გადაიგზავნა ექსპერტიზის ბიუროში ექსპერტიზის ჩასატარებლად. თუმცა ჩვენ დავინახეთ, რომ კონკრეტულ გამომძიებელს არ ჰქონდა იმის რესურსი, რომ გაეგრძელებინა ეფექტური გამოძიება და დღიოს წესრიგში დადგა საკითხი, რომ გამოძიება გაასცემოდა სხვა გამომძიებლებს, გადმოგზავნილიყო საქმე თბილისში და ჩვენ დავაყენეთ აღნიშნული მოთხოვნა. აღნიშნული მოთხოვნა დაკმაყოფილდა და დღეს ჩვენ ნამდვილად გვპირდებიან, რომ სახელმწიფო გამოიყენებს ყველა რესურსს და ისინი აუცილებლად შეძლებენ პასუხი გასცენ კითხვას, თუ რა ვითარებაში გაუჩინარდა გურამ დადიანიძე“, - ამბობს ტარიელ კაკაბაძე.
17 წლის გურამ დადიანიძე 2014 წელს გაუჩინარდა და მას შემდეგ მოზარდის კვალს ვერ მიაგნეს. ის, დუშეთის რაიონის სოფელ ქვემო მლეთაში, ლომისობის დღესასწაულზე ექსკურსიაზე იმყოფებოდა.