საქრათველოში სიტუაციის დაძაბვასთან და დასავლეთიდან წამოსული კრიტიკის პარალელურად, კრემლმა პროპაგანდისტები აამოქმედა. ამ დღეების განმავლობაში ისინი ერთმანეთის მიყოლებით  ეხმაურებიან რუსთაველის  გამზირზე მიმდინარე აქციებს და ამბობენ, რომ დასავლეთი საქართველოში რევოლუციის მოწყობას ცდილობს. უფრ მეტიც, თითქოს და საქართველოს მთავრობა აქციებში მონაწილე რუსების გაძევებას გეგმავს ამის შესახებ რუსეთის მთავარ პროპაგანდისტულ „პირველ არხზე", გადაცემის, „საღამო ვლადიმირ სოლოვიოვთან ერთად“ წამყვანმა პირდაპირ ეთერში განაცხადა და დასძინა, რომ ამის შესახებ მას საუბარი საქართველოს პარლამენტის წარმომადგენლებთან ჰქონდა.

„ვფიქრობ, რომ პროცესები კიდევ უფრო გააქტიურდება. საპროტესტო აქციები არჩევნებამდე გაგრძელდება და არ არის გამორიცხული, რომ ისე განვითარდეს მოვლენები, რომ ხელისუფლების ყოფნა-არყოფნის საკითხი დადგეს. ხელისუფლების თავის გადარჩენის ერთადერთი გზაა, რომ დასხდნენ და მოლაპარაკების გზით გადაწყვიტონ საკითხი," - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

ლონდონის საფონდო ბირჟაზე აქციების ფასი მნიშვნელოვან რყევას აღარ განიცდის. პარალელურად კი ლარი მყარდება "ბლუმბერგის” სავაჭრო პლატფორმაზე. გუშინ საქმეში ეროვნული ბანკი ჩაერია, რომელმაც გასაყიდად 60 მილიონი აშშ დოლარი გამოიტანა. ითქვა, რომ სავალუტო ბაზარზე დაფიქსირებული რყევა არ არის გამოწვეული ფუნდამენტური მაკროეკონომიკური ფაქტორებით და არასტაბილურობა მოკლევადიანია. როგორ შეიძლება განვითარდეს მოვლენები როგოც საფინანსო ბაზარზე, ისე მთლიანად ეკონომიკურ ჭრილში?

ოჯახის სიწმინდის დღესთან დაკავშირებით თბილისში მასშტაბური მსვლელობა გაიმართა - ქაშვეთის წმინდა გიორგის სახელობის ტაძრიდან სამების საკათედრო ტაძრამდე. სამებაში საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ მღვდელმთავრებთან ერთად სამშვიდობო პარაკლისი აღავლინა. მსვლელობაში მონაწილეობა მიიღო პრემიერმა ირაკლი კობახიძემ, პარლამენტის თავმჯდომარემ შალვა პაპუაშვილმა, თბილისის მერმა კახა კალაძემ და სხვა პოლიტიკოსებმა თუ ცნობილმა სახეებმა.

„ოპოზიცია ორცხეცხლშუაა", „ოქროს შუალედი უნდა მოიძებნოს" - აცხადებენ „რეზონანსთან" ანალიტიკოსები კითხვაზე, „გავლენების კანონის" მოწინააღმდეგეთა პროტესტში ოპოზიციის უშუალო ჩართვა რა პროცესებს გამოიწვევს. თავად ოპოზიციონერები კი ამბობენ, რომ პოლიტიკურმა პარტიებმა და საზოგადოებამ „უნდა გააგრძელონ რეჟიმის წინააღმდეგ პროტესტი, იმის დემონსტრირებით, რომ ხალხის ნება ურყევია".

საქართველო ემხრობა სამხრეთ კავკასიაში მშვიდობიანი თანაცხოვრების ფორმულას და ყოველთვის გამოთქვამს მზადყოფნას, თავისი წვლილი შეიტანოს რეგიონში მშვიდობისა და კონსტრუქციული თანამშრომლობის ხელშეწყობის პროცესში - განაცხადა პრემიერმა ირაკლი კობახიძემ ანკარაში თურქეთის პრეზიდენტ რეჯეფ ტაიფ ერდოღანთან ერთობლივ პრესკონფენერციაზე.

არსებობს თუ არა ქვეყანაში პროცესების განმუხტვის შანსი და ვინ ან რამ შეიძლება ამაში გადამწყვეტი როლი შეასრულოს? პრეზიდენტი სალომე ზურაბიშვილი მიუხედავად ამერიკის სახელმწიფო მდივნის თანაშემწე ობრაიენის მოწოდებისა, არ გეგმავს ვეტოში შენიშვნები დაწეროს, რადგან „ოცნების თამაშში“ შესვლას არ აპირებს. 

თუმცა „გავლენების კანონთან“ დაკავშირებით ვენეციის კომისიის მოსაზრება მომავალი კვირის დასაწყისში გამოქვეყნდება. ობრაიენის მიერ დატოვებულ კანონის კორექტირების შანსებს, ემატება შანსი ვენეციის კომისიიდან. 

ევროსაბჭოს საპარლამენტო ასამბლეის პრეზიდენტი მოუწოდებს საქართველოს სრულად გაითვალისწინოს კომისიის რეკომენდაციები, იგივეს ამბობს ევროპის საბჭოს გენერალური მდივანი და კონსტრუქციული დიალოგის იმედი კიდევ აქვს.

მთავრობამ ოჯახის სიწმინდისა და მშობლების პატივისცემის დღესთან დაკავშირებით 17 მაისი უქმედ გამოაცხადა. პარასკევს დილით, სამღვდელოება და მრევლი ქაშვეთის ტაძარში შეიკრიბება, იქიდან მსვლელობას მოაწყობენ სამების ტაძრამდე. ამასთან, არ ჩერდება „გავლენების კანონის" მოწინააღმდგეთა პროტესტი. 17 მაისს ჰომოფობიასა და ტრანსფობიასთან ბრძოლის დღეს აღნიშნავენ ლგბტ თემის წევრებიც, თუმცა წელს რა იგეგმება უცნობია. 

„უცხოური გავლენის გამჭვირვალობის შესახებ" კანონის მესამე მოსმენით მიღების ფონზე სულ უფრო მოხშირდა დასავლელი ლიდერების ვიზიტები - თბილისს ესტუმრნენ აშშ-ს, გერმანიის, ჩეხეთის, პოლონეთის, ფინეთის, ლიეტუვის, ლატვიის, ესტონეთისა და ისლანდიის მაღალი თანამდებობის პირები. ანალიტიკოსები არ გამორიცხავენ, რომ ვიზიტები გაგრძელდეს, თუმცა, დასავლელი პარტნიორების მთავარი სათქმელი უკვე ითქვა.

პერმანენტული აქციებისა და ქვეყანაში მიმდინარე ცხელი პოლიტიკური მოვლენების ფონზე, პროდასავლური გაერთიანების ფორმირების კონტურები იკვეთება - პრეზიდენტი სალომე ზურაბიშვილი ამბობს, რომ 2024 წლის საპარლამენტო არჩევნები ფაქტიურად რეფერენდუმი იქნება და აპირებს წინ წაუძღვეს „პროევროპულ ფრონტს, არა პირდაპირი ჩართულობით, არამედ იქნება „პროდასავლური პარტიების ფრონტისა და სამოქალაქო საზოგადოების გარანტორი".

„უცხოური გავლენის გამჭვირვალობის შესახებ" კანონი მესამე მოსმენით მიღების შემდეგ, სულ უფრო რეალური გახდა როგორც ზოგადად საქართველოსთვის, ასევე კონკრეტულად ხელისუფლების სხვადასხვა შტოების წარმომადგნელებისთვის დასავლეთის მხრიდან სანქციების დაწესება. საქართველოში ვიზიტით მყოფმა ევროპისა და ევრაზიის საკითხებში აშშ-ის სახელმწიფო მდივნის თანაშემწემ ჯიმ ობრაიენმა ამაზე ღიად ისაუბრა.

უკრაინის ჩრდილო-აღმოსავლეთი ომის ყველაზე ცხელი ადგილია, სამხედროები ადასტურებენ, რომ მტერმა ხარკოვისკენ პლაცდარმი თითქმის 70 კმ-ით გააფართოვა და შტურმს ამზადებს სუმის ოლქზე, ამასთან, ოკუპანტები საჰაერო დარტყმებსაც ახორციელებენ აქტიურ ზონებში. ამის საპასუხოდ უკრაინაც აქტიურობს, ვრცელდება ინფორმაცია უპილოტო საფრენი აპარატებით მასირებულ შეტევაზე კრასნოდარის მხარესა და ყირიმზე, რასაც რუსეთის თავდაცვის სამინისტროც ადასტურებს.

საქართველოში არსებული დაძაბული ფონი უძრავი ქონების  ბაზარსაც შეეხო. მოთხოვნა ბინებზე დღითი დღე მცირდება, რასაც სფეროს სპეციალისტებიც ადასტურებენ და ცალსახად ამბობენ, რომ მომხმარებლების ნაწილმა ბინის შეძენა უკვე გადაიფიქრა. უარყოფითი პროცესების გავლენა კი, უფრო თვალშისაცემი გრძელვადიან პერიოდში იქნება.

ლონდონის საფონდო ბირჟაზე ქართული კომპანიების აქციების ფასი ეცემა. ამის პარალელურად მკვეთრად უფასურდება ეროვნული კურსი. ასეთია „უცხოური გავლენის გამჭირვალობის“ კანონის დამტკიცების შედეგი ფინანსური მიმართულებით, რაზეც ეკონომისტა ერთი ნაწილი ამბობს, რომ დიდი საფრთხე იკვეთება, მეორე ნაწილი კი მიიჩნევს,  რომ აჟიოტაჟი რამდენიმე დღეში ჩაცხრება და ყველაფერი თავის კალაპოტს დაუბრუნდება.

რუსეთიდან ნავთობპროდუქტების იმპორტი შეიძლება მალე ისევ დაიწყოს. სპეციალისტები ვარაუდობენ, რომ შეზღუდვა დიდხანს არ გასტანს და სადაცაა დასრულება. მეზობელი ქვეყნიდან იაფი საწვავი დაუბრუნდება ქართულ ბაზარს და იმპორტი კვლავ განახლდება. ეს ბენზინის სარეალიზაციო ფასის კორექტირებას მოახდენს და საწვავი გარკვეული დოზით გაიაფდება.

„უცხოური გავლენის გამჭირვალობის შესახებ" კანონპროექტი პარლამენტმა მესამე მოსმენით დაამტკიცა. კერძო სექტორის დიდი ნაწილი უშუალოდ კანონში პრობლემას ვერ ხედავს და არ აქვს იმის განცდა, რომ ამის შემდეგ მათ საქმიანობას რაიმე ტიპის საფრთხე შეექმენა, თუმცა მათივე მოსაზრებით ხელისუფლებამ დაძაბული პოლიტიკური ვითარება უნდა განმუხტოს და ქვეყანაში სიმშვიდე დააბრუნოს.

„გავლენების კანონის" მოწინააღმდეგეთა მასშტაბური გამოსვლები კვლავ გრძელდება, რომელთა დიდი ნაწილი სტუდენტები არიან, ისინი პროტესტის ნიშნად აკადემიურ პროცესს არ ესწრებიან. ახალგაზრდების აქციებს ბევრი ლექტორიც შეუერთდა, ზოგმა კონკრეტული უნივერსიტეტი დატოვა კიდეც. მანამდე 38 უნივერსიტეტის ადმინისტრაციმ სტუდენტებისა და ლექტორების პროტესტთან დაკავშირებით საერთო განცხადება გაავრცელა პროტესტს გაემიჯნა.

გიორგი ოკმელაშვილი ბრალის წარდგენის მოლოდინშია - კომპანია „ლიმონის“ დამფუძნებელი დიღმის მთავარ სამმართველოში ჰყავთ მოთავსებული. ვიდეოწარმოების კომპანია „ლიმონში“ კრიმინალური პოლიცია 15 მაისს შევიდა. მას პოლიციელებზე ფიზიკური თავდასხმა ბრალდება.