სოფელ წიწამურთან თბილისის წყალმომარაგების  მაგისტრარული წყალსადენის დაზიანების შედეგად ქალაქის ნაწილს თითქმის 2 დღეა წყალი არ მიეწოდება.თბილისელებისათვის  ყველაზე ცუდი ამბავი კი ისაა, რომ არავინ იცის, თუ როდის შეძლებს წყალმომარაგების კომპანია  GWP ავარიის აღმოფხვრას. 

ნატო ბირთვულ საფრთხეზე უკვე ღიად საუბრობს, ალიანსი იარაღის საბრძოლო მზადყოფაში მოყვანას განიხილავს. უკრაინის უსაფრთხოების სამსახურს კი იმის მოლოდინი აქვს, რომ რუსეთი უკრაინაში დამარცხების შემთხვევაში, შესაძლოა, ამ რისკზე წავიდეს. როგორც ანალიტიკოსები ამბობენ, ის, რომ ბირთვულ ომზე დასავლეთშიც უკვე ღიად საუბრობენ, რეალურ საფრთხეზე მიანიშნებს. ასეთი სცენარის თავიდან არიდება კი თითოეული ქვეყნის პოლიტიკის ინტერესებში უნდა შედიოდეს, მათ შორის საქართველოსი.

ეკონომიკური ზრდის პარალელურად მთავრობა საბიუჯეტო ხარჯსაც ზრდის. ამის მყარ საფუძველს ეკონომიკაში მიმდინარე პროცესები იძლევა, პირველ რიგში, ტურიზმთან დაკავშირებული მოლოდინი, რამაც მშპ-ს მაჩვენებელზეც დადებითად იმოქმედებს. ვარაუდი, რომ სანქციები ამ მხრივ უარყოფით როლს შეასრულებს და პროგნოზი გაუარესდება, რეალურად არ მართლდება. ფაქტობრივად, ეკონომიკური ტემპი არის იმაზე მაღალი, ვიდრე უნდა იყოს. 

ერევანში სიტუაცია იძაბება - საპროტესტო გამოსვლები არ წყდება და ახლა უფრო მძაფრდება კითხვა იმის შესახებ, თუ რა აფერხებს სომხეთსა და აზერბაიჯანს შორის სამშვიდობო ხელშეკრულების გაფორმებას და რამდენად მნიშვნელოვანია ეს საქართველოსთვის.

საქართველოს პრეიმერ მინისტრმა ირაკლი კობახიძემ მთავრობის სხდომაზე რამდენიმე საკითხზე გაამახვილა ყურადღება. პრემიერის განცხადებით, არავინ არ აპირებს დასაჯოს საქართველო, საქართველოს მოსახლეობა და ქართველი ხალხის მიერ არჩეული ხელისუფლება.

ოპოზიცია ერთიან სიაზე ვერ თანხმდება და ფლანგზე ალტერნატიულ იდეებზე მსჯელობა მიდის თუ როგორ შეიძლება არჩევნებზე გავიდნენ ისე, რომ არც ოპოზიციური ხმები არ დაიკარგოს და პარტიებს, რომელსაც 5%-იანი ბარიერის დაძლევის პერსპექტივა არ აქვს, ბორტს მიღმა არ დარჩეს. ნაწილი ანალიტიკოსებისა ფიქრობს, რომ დღევანდელი პოლიტიკური მოცემულობიდან გამოსავალი 3-4 პოლიტიკურ ცენტრად გადაჯგუფებაა. ნაწილი კი ფიქრობს, რომ შესაძლოა მოულოდნელი ალიანსებიც კი ვიხილოთ.

საქართველოს პრეიმერ მინისტრმა ირაკლი კობახიძემ მთავრობის სხდომაზე რამდენიმე საკითხზე გაამახვილა ყურადღება. მან მასწავლებელთა ხელფასების მომატებაზე ისაუბრა და აღნიშნა, რომ საჯარო სკოლებში პედაგოგებს შრომის ანაზღაურება მნიშვნელოვნად გაეზრდებათ. მისივე თქმით, ოთხი თვის განმავლობაში 9%-იანი ეკონომიკური ზრდის მაჩვენებელი დაფიქსირდა, რაც იძლევა ბიუჯეტის გაზრდის შესაძლებლობას - ბიუჯეტში შესაბამისი ცვლილება შევა და წელს 360 მილიონი დაემატება.

„ნაციონალურ მოძრაობას" კვლავ მიაჩნია, რომ ერთიანი სია იქნება ოქტომბრის არჩევნებზე ოპოზიციის გამარჯვების მთავარი ფორმულა, თუმცა ამ იდეას თავშივე დიდი წინააღმდეგობა შეხვდა. პარტიები, რომლებიც ამის კატეგორიული წინააღმდეგნი არიან, აცხადებენ, რომ ეს კონფიგურაცია არჩევანს უზღუდავს და „მძევლის მდგომარეობაში აყენებს" იმ მოქალაქეებს, რომლებსაც ხელისუფლების ცვლილება უნდათ.

24 ივნისს ევროკავშირის საგარეო საქმეთა საბჭო იკრიბება და ერთ-ერთი განსახილველი საკითხი საქართველოა. როგორც უმაღლესმა კომისარმა ჯოზეფ ბორელმა მაისში თქვა, საგარეო საქმეთა მინისტრების შეკრებაზე „გავლენების კანონის" საპასუხოდ „ყველაზე შესაბამის ნაბიჯებზე" იმსჯელებენ.

სიტყვიერი დაპირისპირება, შეურაცხყოფა და გინება უშუალოდ, ვირტუალურ სივრცეში და ტელეფონით, ცემა, „დაპადიეზდება" და მუქარა არ ცხრება - „ოცნება" და ოპოზიცია ამაში ერთმანეთს ადანაშაულებენ. მმართველ გუნდში ამბობენ, რომ საპროტესტო მუხტის კლებასთან ერთად გაძლიერდა ოპოზიციის მხრიდან თავდასხმები. ოპოზიციაში კი ირწმუნებიან, რომ ხელისუფლების არაფორმალური დაჯგუფებები ტერორსა და ფიზიკურ ანგარიშსწორებაზე გადავიდნენ.

პუტინის ულტიმატუმი „მშვიდობისათვის”  - როგორ და რა ფორმით შესაძლოა უკრაინის ომის ირგვლივ მოვლენები განვითარდეს. „კიევმა უნდა გაიყვანოს ჯარები რუსეთის მიერ ანექსირებული უკრაინის ტერიტორიებიდან და უარი თქვას ნატოში გაწევრებაზე, რუსეთი კი საპასუხოდ დაუყოვნებლივ შეწყვეტს ცეცხლს”, – ასეთია ვლადიმერ პუტინის კიდევ ერთი ულტიმატუმი, რომელიც მან უკრაინას წაუყენა.

საერთაშორისო ბაზრებზე ხორბლის მოსავალთან დაკავშირებით წელს დაძაბულობაა. იმის გამო, რომ სტრატეგიული პროდუქტის მწარმოებელ ქვეყნებში მოსავლიანობა შემცირებულია, ფასი მაღლა იწევს. მიმდინარე პერიოდში დინამიკა არასახარბიელოა.  დღეს, როცა მოსავლის აღების პროცესი ასე ახლოსაა, გლობალურ ბაზრებზე 1 ბუშელი ხორბლის ფასი 5,50-დან 6,50 დოლარამდე გაიზარდა. მოსავალი არც საქართველოშია საუკეთესო, თუმცა შარშანდელთან შედარებით, მეტი რაოდენობაა და სტაბილურობაც ასე თუ ისე გარანტირებულია. შესაბამისად, მოლოდინიც შედარებით საიმედოა.

სატრანზიტო ჰაბად ქცევამ ქართული საავტომობილო ბაზარი, მოგების ნაცვლად, აზარალა. დარგში არასახარბიელო მდგომარეობაა. როგორც ძვირადღირებული, ასევე საშუალო და შედარებით დაბალფასიანი ავტომობილების რეალიზაცია შემცირდა. იმპორტიორების ნაწილი მიზეზად  გლობალურ პროცესებს მიიჩნევენ, ნაწილი კი ქვეყანაში მიმდინარე არასტაბილურ პოლიტიკურ მდგომარეობას ასახელებს.

ზაფხულის ტურისტული სეზონი აქტიურ ფაზაში შედის. სპეკულაციები, რომ "გამჭვირვალობის კანონის" მიღება დარგში დიდ პრობლებს გააჩენდა, სრულიად გაცამტვერდა. ახლა როგორც ინდუსტრიის წარმომადგენლები, ასევე სფეროს სპეციალისტები ადასტურებენ, რომ მოლოდინი დადებითია.

საქართველოს საგარეო ვაჭრობა შემცირებულია. მიმდინარე წლის 5 თვის მონაცემების მიხედვით, ქვეყანაში ექსპორტმა იკლო, ხოლო იმპორტი გაიზარდა. სტატისტიკოსმა სოსო არჩვაძემ ისაუბრა, თუ რა მიზეზითაც შემცირდა ექსპორტი და რა პოტენციალი აქვს საქართველოს იმისთვის, რომ უარყოფითი საგარეო სავაჭრო ბალანსი შეამციროს, რომელიც 46%-ია. 

საქართველოს პროკურატურამ შინაგან საქმეთა სამინისტროს თანამშრომლებთან ერთად ჩატარებული კომპლექსური საგამოძიებო მოქმედებების შედეგად, ნარკორტიკების გასაღების უპრეცედეტო სქემა გაშიფრეს. როგორც გამოძიებით დგინდება,  10 პირია დაკავებული. 

საქართველოს ეროვნული ნაკრები ევროპის ჩემპიონატზეა და მალე პირველ ისტორიულ მატჩს გამართავს. ამის პარალელურად, ღირსების ორდენის მათთვის გადაცემის საკითხი შიდა პოლიტიკური დავის საგანი გახდა. მას შემდეგ, რაც „ოცნებამ" განაცხადა, რომ პრეზიდენტი ფეხბურთის ეროვნული ნაკრების წევრებისა და ეროვნული ფედერაციის წარმომადგენლების დაჯილდოებაზე ყოყმანობდა, სალომე ზურაბიშვილმა გამოაქვეყნა ღირსების ორდენოსანთა სია, რომელიც 23 მაისითაა დათარიღებული.