![](rubrics/rubs4/artc206281/a1717607290.jpg)
საქართველოს ეროვნული საფეხბურთო ნაკრების წევრი ბუდუ ზივზივაძე ქვეყანაში მიმდინარე მოვლენებთან დაკავშირებით მის სოცქსელში გამოქვეყნებულ პოსტებზე კიდევ ერთხელ აკეთებს განმარტებას.
სპორტსმენი ამბობს, რომ როცა წარმატებული ადამიანი ხარ, სწორი საქციელია, რომ დააფიქსირო აზრი მნიშვნელოვან მოვლენებზე. მისი თქმით, დამთრგუნველი საყურებელი იყო, როცა აქციების დროს წაქცეულ ახალგაზრდებს ურტყამდნენ.
"გამოვხატე აზრი იმიტომ, რომ ეგრე მიმაჩნდა სწორად. მითუმეტეს, როცა ხედავ, ხალხი ასე იჩაგრება, ერთ კაცს რომ ათი კაცი ურტყამს, ძალიან დამთრგუნველია მით უმეტეს, როცა ამას ტელევიზორში უყურებ.
ერთადერთი, რაც ამ დროს შეგიძლია გააკეთო, მით უმეტეს როცა ასეთი სტატუსი გაქვს, სპორტსმენი ხარ, ამხელა შესაძლებლობა გაქვს, რაღაც გვერდში დგომა მაინც უნდა ანახო იმ ხალხს, რომელიც დაიჩაგრა.
ვიღაცები ამბობდნენ, რომ პროვოკაციებს აწყობდნენო. რაც არ უნდა პროვოკაცია მოაწყოს ვინმემ, ათი კაცი ერთ კაცს არ უნდა ურტყამდეს და წაქცეულ ადამიანს კიდე წიხლებით არ უნდა ურტყამდე. ზუსტად ეგ იყო ჩემს სტატუსში, რაც დავწერე, მით უმეტეს ახალგაზრდები დგანან. ყოველთვის ვიძახდი, რომ რუსეთი მტერია და ამას სულ ვიტყვი. დედაჩემიც აფხაზეთიდან არის დევნილი და აქედან გამომდინარეც და ისედაც. ვხედავთ ახლა უკრაინაში რას აკეთებენ, ან ჩვენთან 2008 წელს რა გააკეთეს. რუსეთი ყველასთვის მტერია" - ბუდუ ზივზივაძემ "ჯაფარას პოტკასტში".ასევე განმარტება, თუ რატომ გააუქმა სოციალური ქსელი მიმდინარე მოვლენებზე გამოქვეყნებული პოსტის შემდეგ.
"პირველად "ფეისბუქი" გავაუქმე რადგან, თამაშების მერე შემოსევა იყო. კონცენტრაცია ამაზე მქონდა და გონება მეფანტებოდა.... შემდეგ ისევ აღვადგინე რადგან დამეწერა ჩემი სტატუსი, რომელიც დავწერე მიმდინარე მოვლენებზე, თუმცა მეორე დღესვე გავაუქმე. ხალხს ეგონა, რომ ბოტების შემოსევის გამო გავაუქმე. ეს იმიტომ ვქენი, რომ სიმშვიდე მინდოდა, კონცენტრირება მომეხდინა გუნდზე" - ამბობს ბუდუ.