რამდენად შესრულებადია პრეზიდენტ სალომე ზურაბიშვილის ინიციატივით შექმნილ და უკვე ხელმოწერილ „ქართულ ქარტიაში" ჩამოთვლილი პირობები და რამდენად საკმარისია ის, რომ პრეზიდენტი ზურაბიშვილი თავად გააკონტროლებს ამის შესრულებას? ანალიტიკოსთა ნაწილი ფიქრობს, რომ შესაძლოა ქარტიის ზოგიერთი დებულება მომავალში მის ხელმომწერთა შორის აზრთა სხვადასხვაობის მიზეზი გახდეს. გარდა ამისა, დოკუმენტში შესაძლოა იყოს სხვა „ნაღმებიც", რაც მის ბოლომე შესრულებას ხელს შეუშლის.

ჩრდილო ატლანტიკური ალიანსი ამუშავებს ლოჯისტიკის სათადარიგო მარშრუტებს რუსეთთან კონფლიქტის შემთხვევისთვის ევროპაში. საუბარია ევროპის ნატოს წევრ ქვეყნების ხუთ პორტზე, სადაც შეიძლება დაბრკოლების გარეშე გადაისროლონ ამერიკული ჯარები და აღჭურვილობა და შემდეგ ეს სახმელეთო კროიდორების მეშვეობით გაივლის ფრონტის ხაზებამდე. ამის შესახებ ბრიტანული მედია წერს. რამდენად იზრდება ნატო-რუსეთს შორის შეიარაღებული დაპირისპირების საფრთხე და იკვეთება თუ არა დიდი ომის კონტურები?

მომხმარებლების დიდი რაოდენობა „ჯორჯიან უოთერ ენდ ფაუერსს“ უჩივის. 2023 წელს სემეკში შესული საჩივრების 85% სწორედ ამ კომპანიაზე მოდის და მათგან თითქმის ყოველი მეორე დაკმაყოფილდა. ენერგოომბუსდმენმა იმ ხარვეზებზე ისაუბრა, რომელსაც „ჯივიპი“ თითქმის მუდმივად აქვს ხოლმე.

დუშეთში ოჯახის წევრის დაჭრის ფაქტზე პოლიციის თანამშრომელი დააკავეს. მას საკუთარი სიძის დაჭრას ედავებინ. შემთხვევა რამდენიმე დღის წინ მოხდა, როცა პოლიციის თანამშრომელი დასთან დუშეთში სტუმრად მივიდა. მას კონფლიქტი დის მეუღლესთან მოუვიდა. მათ დაპირისპირება ეზოში განაგრძეს, რა დროსაც ბრალდებულმა სამართალდამცველმა ცეცხლსასროლი იარაღიდან გაისროლა და სიძე მძმედ დაჭრა. 

„ოცნება" ე.წ. ლგბტ პროპაგანდის საწინააღმდეგოდ საკანონმდებლო ცვლილებათა პაკეტს აინიცირებს, რომელთა საყოველთაო განხილვა რეგიონებში ერთი თვე მიმდინარეობდა. ეს შეიძლება ქვეყანაში ახალი პოლიტიკური ვნებათაღელვის საფუძველი გახდეს. მითუმეტეს, რომ ამ პაკეტის გათვალისწინებულ ზოგიერთ ცვლილებას საზოგადოების მნიშნელოვანი ნაწილის მხრიდან უკვე მოჰყვა მკვეთრად უარყოფითი შეფასებები. რისთვის სჭირდება ეს ყველაფერი ხელისუფლებას?

„უცხოური გავლენის გამჭვირვალობის შესახებ" კანონი ძალაშია - დოკუმენტს პარლამენტის თვამჯდომარის შალვა პაპუაშვილის ხელმოწერა უკვე აქვს და 3 ივნისიდან 60 დღის შემდეგ, დადგება დაფინანსების მიმღები ორგანიზაციების დარეგისტრირების ვალდებულება, რა დროსაც მათ 2023 წელს მიღებული შემოსავლები უნდა დაადეკლარირონ. მანამდე არასამთავრობო ორგანიზაციებმა განაცხადეს, რომ ისინი კანონს არ დაემორჩილებიან, რის საპასუხოდაც პაპუაშვილი ამბობს, რომ „ყველამ იცის, რა შედეგები მოჰყვება, თუ არ იქნება დეკლარირება".

ხელისუფლება და ოპოზიცია ოქტომბრის არჩევნებისთვის აქტიურად ემაზდება, „ქართულმა ოცნებამ" რეგიონებში შეხვედრა დაასრულა, ოპოზიცია კი ფიქრობს რა კონფიგურაციით წარსდგეს არჩევნებზე, რომელიც, როგორც თავად პოლიტიკოსები ამბობენ, ერთ-ერთი მნიშვნელოვანი კვანძი იქნება ქართული დემოკრატიის განვითარებისა და დასავლურ ინსტიტუტებში ინტეგრაციის თვალსაზრისით.

ოპოზიციური პარტიების ლიდერები დილიდან ათონელის რეზიდენციაში მივიდნენ - პოლიტიკური პარტიების წარმომადგენლები უერთდებიან პრეზიდენტის "ქართულ ქარტიას" და ხელს აწერენ დოკუმენტს. 

მომავალ კვირაში ვეროპარლამენტის არჩევნები გაიმართება, რომლის შედეგებიდან გამომდინარეც, შესაძლოა, ევროკავშირის ხელმძღვანელ სტრუქტურებში გარკვეული საკადრო ცვლილებები მოხდეს. რამდენად შეიძლება აისახოს ეს პროცესი საქართველოზე, მის ევროპულ პერსპექტივასა და ზოგადად, საქართველო-ევროკავშრის ურთიერთობებზე? 

კანონი „უცხოური გავლენის გამჭირველობის შესახებ“, რომელიც ბოლო ორი თვეა მასშტაბური საპროტესტო გამოსვლებისა და პოლიტიკური ვნებათაღელვის მიზეზი გახდა, სავარაუდოდ, უკვე მომავალ კვირაში ამოქმედდება. როგორ და რა ფორმით აპირებს ხელისუფლება კანონის მოწინააღმდეგეები აიძულოს ამ კანონის მოთხოვნებს დაემორჩილონ და რა პროცესები შეიძლება დაიწყოს ქვეყანაში ამ კანონის ძალაში შესვლით?

ორშაბათს საბოლოოდ გახდება ცნობილი, თუ ვინ აწერს ხელს პრეზიდენტ სალომე ზურაბიშვილის „ქართულ ქარტიას". ოპოზიციური პარტიების უმრავლესობა მზადაა ამ დოკუმენტს შეუერთდეს, თუმცა, ანალიტიკოსების აზრით, ქარტია გარკვეულ კითხვებს იწვევს და მასში ბევრი რამ დასაზუსტებელია. რა გავლენას მოახდენს პრეზიდენტის ეს წამოწყება ამომრჩეველთა განწყობასა და პოლიტიკურ პროცესებზე?

შვეიცარია 15-16 ივნისს უკრაინის მშვიდობის სამიტს უმასპინძლებს, რომლის მიზანი ვოლოდიმირ ზელენსკის სამშვიდობო შეთავაზებებზე და ხედვისთვის საერთაშორისო მხარდაჭერის მობილიზებაა. ფორუმს რუსეთი და მისი მოკავშირეები არ ესწრებიან. საქართველოს მხრიდან, არაოფიციალური ინფორმაციით, სამიტს პრეზიდენტი სალომე ზურაბიშვილი დაესწრება.

ბოლო წლებში აშენებული კორპუსების სიმტკიცე სერიოზულ ეჭვს იწვევს. კონკრეტულ ფაქტზე დაყრდნობით სპეციალისტები აცხადებენ, რომ მათი  გარკვეული რაოდენობა ვერანაირ სტანდარტს ვერ აკმაყოფილებს. შესაბამისად, უსაფრთხოების რისკი მაღალია. საფრთხეზე აქამდეც მუდმივად იყო საუბარი, თუმცა ვაშლიჯვარში მომხდარი ინციდენტით ეჭვები საბოლოოდ დადასტურდა. ცნობილია, რომ მშენებლობის პროცესში უხარისხო მასალის გამოყენების გამო, ვაშლიჯვარში 5 წლის წინ აშენებული კორპუსი ავარიული გახდა და მოსახლეობის სასწრაფოდ გასახლება გახდა საჭირო.  

ქვეყანაში დაძაბული პოლიტიკური სიტუაციის ფონზე, საქართველოს მშპ განუხრელად იზრდება. მიმდინარე პ

როცესებს ეკონომიკური განვითარება არ შეუფერხებია და თუ სტატისტიკას მოვიშველიებთ, ვნახავთ, რომ აპრილში ეკონომიკა თითქმის 12%-ით გაიზარდა. ამის გათვალისწინებით ეკონომისტები საქართველოს მეტად განვითარებას უწინასწარმეტყველებენ. 

ქვეყანაში უმუშევრობა მცირდება, თუმცა შრომის ბაზარზე არსებული მდგომარეობა მაღალი მიგრაციისა და შრომისუნარიანი მოქალაქეების სიმცირის გამო კვლავ არასახარბიელოა. ასეთ მოცემულობაში პრემიერ-მინისტრის განცხადება, რომ მოქმედი ხელისუფლების პირობებში, თითქმის 700 ათასმა მოქალაქემ დაძლია სიღარიბე დიდწილად სიმართლეა, თუმცა ემიგრაციის კუთხით ხელისუფლებას ბევრი აქვს სამუშაო.

სოფლის მეურნეობა დღესდღებით ქვეყანაში ერთ-ერთი ყველაზე მდგრადი დარგია, რომელიც განუხრელ ზრდას აჩვენებს. ყველა ძირითადი პროგრამა წარმატებით ხორციელდება და ყოველწლიურად ახალი პროექტებიც ემატება. შესაბამისად, ბოლო წლების განმავლობაში დიდი მიღწევებია როგორც ადგილობრივი წარმოების ზრდის, ასევე ბაზრების დივერსიფიკაციის კუთხით. მეთხილეობაში, მეღვინეობაში, გადამამუშავებელი და შემნახველი საწარმოების განვითარების, ასევე კლიმატის ცვლილებასთან ბრძოლის მხრივ გარემოს დაცვისა და სოფლის მეურნეობის სამინისტრო ძალიან კარგ შედეგზე გავიდა.

რუსთავში ერთ-ერთი საცხოვრებელი კორპუსიდან  31 მაისს, საღამოს საათებში გოგონა  გადმოვარდა.  შემთხვევა 21-ე მიკრორაიონში მოხდა. როგორც მეზობლები ჰყვებიან, 17 წლის გოგო მე-5 სართულის ფანჯრიდან გადმოვარდა და ის უგონო მდგომარეობაში იპოვეს. იყო ეს თვითმკვლელობის მცდელობა, უბედური შემთხვევა, თუ სხვა რამ - ჯერჯერობით უცნობია. მეზობლებს უჭირთ მომხდარის შესახებ საუბარი. 

სამართალდამცველებმა ორგანიზებული თაღლითური სქემა გაშიფრეს და 4 პირს ბრალი წაუყენეს. ამ ჯგუფის მიერ დიდი ოდენობით თანხების მოტყუებით დაუფლების ფაქტზე ოთხ პირია დაკავებეული. თუმცა არაა გამორიცხული დაკავებულთა რიცხვი გაიზარდოს. საქმე კი სესხის აღების პირობით მოქალაქეების მოტყუებას ეხება, რომლებსაც ვითომ თანხის სანაცვლოდ უძრავი ქონების ჩადებას სთხოვდნენ.