ევროკავშირის საგარეო საქმეთა მინისტრები ვერ შეთანხმდნენ იმაზე, რომ „გამჭვირვალობის კანონი" საქართველოს ევროკავშირთან აშორებს, თუმცა გარკვეული შეზღუდვები, რომელთა შემოღებასაც კონსენსუსი არ სჭირდება, საქართველოს მაინც დაუწესდება. ამის შესახებ 24 ივნისს გამართული შეხვედრის შემდეგ ჟოზეფ ბორელმა განაცხადა და კონკრეტული შეზღუდვებიც ჩამოთვალა.

ოპოზიციური ფლანგი საარჩევნო კონფიგურაციაზე ჯერ ვერ ჩამოყალიბდა. პოლიტიკური აქტორების ნაწილის მოწოდებების და სურვილის მიუხედავად, საპარლამენტო არჩევნებზე ოპოზიციის ერთიანი სიით წარდგენას არაერთი მოწინააღმდეგე ჰყავს. არჩევნებამდე კი 4 თვეა დარჩენილი და ანალიტიკოსების აზრით, ოპოზიციამ უნდა იჩქაროს

საწვავის ბაზარზე მდგომარეობა ნელ-ნელა სტაბილურდება. ლარის გაუფასურების გამო კომპანიებში ფასების შენარჩუნება აქამდე  წარმოუდგენელი ჩანდა, თუმცა ბოლო რამდენიმე დღეა, კურსი ნელ-ნელა მყარდება, რაც საწვავის ფასებზეც ადეკვატურად იმოქმედებს. მართალია, ნავთობპროდუქტების გაიაფება ჯერჯერობით ადრეა, თუმცა არსებული ფასები ალბათ შენარჩუნდება. ეს მაშინ, როცა ცოტა ხნის წინ პროდუქტის გაძვირებაზე მიმდინარეობდა საუბარი, თუმცა ახლა ვითარება უმჯობესდება.

ვარკეთილში ცემით მოკლული ბიჭის საქმეზე შესაძლოა დაკავებულთა წრე გაიზარდოს. ოჯახი ამტკიცებს, რომ მთავარი დამნაშავე და ჩხუბის სხვა ფიგურანტები არ არიან დაკავებული. ისინი ამბობენ, რომ 19 წლის შაკო ისაევს სასტიკად მთელი უბანი გაუსწორდა - მას სცემდნენ როგორც კაცები, ასევე ქალები და ამ ფაქტს უამრავი თვითმხილველი ჰყავს. 

დაღესტანში სამდღიანი გლოვაა გამოცხადებული. 23 ივნისის საღამოს მაჰაჩყალასა და დერბენტში ტერორისტულ თავდასხმას ათეულობით ადამიანი ემსხვერპლა, მათ შორის 15 პოლიციელი, მართლმადიდებელი სასულიერო პირი და მშვიდობიანი მოქალაქეები. შეიარაღებული პირები ორ მართლმადიდებლურ ეკლესიას, სინაგოგას და საგზაო პოლიციის პუნქტს დაესხნენ თავს. ფაქტზე სისხლის სამართლის საქმე „ტერორისტული თავდასხმის" მუხლით აღიძრა. ოფიციალური მონაცემებით, თავმდამსხმელების ნაწილი ლიკვიდირებულია, ნაწილი კი დაკავებული.

28 ივნისს პრემიერი ირაკლი კობახიძე პარლამენტის სხდომაზე მთავრობის ყოველწლიურ ანგარიშს წარადგენს, რასაც ოპოზიციის ნაწილი არ დაესწრება. თავად ოპოზიციონერები ამის ერთ-ერთ მთავარ მიზეზად იმას ასახელებს, რომ პრემიერის გამოსვლაში არაფერი იქნება ახალი და შესაბამისად, მის მოსმენასა და ოპონირებას აზრი არ აქვს. რამდენად გამართლებული ოპოზიციის ბოიკოტი და რამდენად დამაჯერებელია მათი არგუმენტები?

ევროკავშირის საგარეო საქმეთა საბჭოს გადამწყვეტი სამიტი ახლოვდება - 24 ივნისს ბრიუსელის შეკრებაზე ერთ-ერთი მთავარი საქართველოს საკითხი იქნება. სხვადასხვა წყაროებიდან ცნობილი ხდება, რომ მსჯელობა მიდის ევროკავშირის დახმარებისა და უვიზო მიმოსვლის შესაძლო შეჩერებაზე, პასუხისმგებელ პირებზე პერსონალურ სანქციებზე, დიპლომატიურ პასპორტებზე ვიზების დაწესებაზე, კანდიდატის სტატუსის ჩამორთმევაზეც კი. თუმცა ანალიტიკოსები მიიჩნევენ, რომ, გარკვეული გარემოებებიდან გამომდინარე, ევროკავშირი ჯერჯერობით რადიკალურ ნაბიჯებზე არ წავა.

ბოლო წლებში ოპოზიციური პარტიების უმრავლესობა „ნაცმოძრაობასთან" ურთიერთობას რიგი მიზეზებიდან გამომდინარე ერიდებოდა. თუმცა, საპარლამენტო არჩევნების მოახლოებასთან ერთად ეს მიდგომა შეიძლება შეიცვალოს. „მოქალაქეების" ლიდერი ალეკო ელისაშვილი აცხადებს, რომ ენმ სულაც არაა საშიში და მათთან ერთიან საარჩევნო სიაზეც შეიძლება საუბარი. რას ნიშნავს ეს განცხადება - ელისაშვილის პირად მოსაზრებას, თუ ზოგადად ოპოზიციაში ახალი ტენდენციის გაჩენას?

იმ ფონზე, როცა პრემიერი ირაკლი კობახიძე დასავლეთთან ურთიერთობის გადატვირთვაზე საუბრობს, ბერლინში დიპლომატებს ხვდება და ამ მიმართულებით მუშაობას სთხოვს, პრეზიდენტი სალომე ზურაბიშვილი ელჩებს საგანგებოდ მიმართავს და არჩევანის გაკეთებისაკენ მოუწოდებს. ვინ როგორ გაიგო პრეზიდენტის მოწოდება და რა გაგრძელება შეიძლება ჰქონდეს ამას?

მმართველ გუნდს დასავლელ პარტნიორებთან ახალი გზავნილი აქვს - პრემიერი ირაკლი კობახიძე მათ ურთიერთობების გადატვირთვას და გაჯანსაღებას სთავაზობს. პრემიერი ამბობს, რომ ეს ეხება ყველა მიმართულებას და ამის რესურსი ნამდვილად არსებობს. რა იგულისხმება ამაში და რამდენად მისაღები იქნება დასავლეთისათვის საქართველოს პრემიერის შეთავაზება?

საქართველოს ეროვნული ნაკრების გულშემატკივრებს მომდევნო ემოციური მატჩი 22 ივნისის ელოდება, როცა ევრო 2024-ის ჯგუფური ეტაპის მეორე ტურში ჩეხეთის ნაკრებს ჰამბურგში დაუპირისპირდება. სოციალურ ქსელებში გავრცელებული ინფორმაციით, გერმანიაში აფხაზეთიდან და ცხინვალის რეგიონიდანაც არიან ჩასული მოქალაქეები, რომლებიც საქართველოს ნაკრებს გულშემატკივრობენ. ამას გარდა, უშალოდ ოკუპირებულ ტერიტორიებზე ბევრი „ჩუმად" გულშემატკივრობს „ჯვაროსნებს". საჯაროდ ამის აფიშირებას კი, ასეთი მოქალაქეების აბსოლუტური უმრავლესობა, გასაგები მიზეზის გამო თავს არიდებს.

მოსკოვმა უკრაინაში ომის დაწყების შემდეგ პირველად ღიად დაადანაშაულა აშშ რუსეთის წინააღმდეგ კონკრეტული სამხედრო ოპერაციის დაგეგმვასა და შესრულებაში. საუბარია კვირას ქალაქ სევასტოპოლის დაბომბვაზე, რომელსაც მშვიდობიან მოსახლეობაში მსხვერპლი მოჰყვა. ამის გამო ორშაბათი ყირიმში გლოვის დღედ გამოცხადდა, რუსეთში აშშ-ის ელჩი კი საგარეო საქმეთა სამინისტროში დაიბარეს. რას ნიშნავს ეს ინციდენტი და რა გაგრძელება შეიძლება მოჰყვეს ამას?

ახალგაზრდების განათლების დონე და დასაქმების შესაძლებლობები შრომის ბაზარზე დიდი პრობლემაა. ბოლო წლებში ნეგატიური ტენდენცია გლობალური მასშტაბისაა, თუმცა საქართველოს სურათი ევროპასთან შედარებით გაცილებით მძიმეა. პრობლემა სისტემის გაუმართაობაშია, რადგან  დღევანდელი განათლების სისტემა ორიენტირებულია საბაზრო ეკონომიკაზე და ამ გზით ქვეყანა შორს ვერ წავა. 

კომუნალურ მომსახურებაში მონოპოლიური მდგომარეობის გამო მომხმარებელთა უფლებები მუდმივად ირღვევა. ადამიანებს არჩევანის საშუალება არ აქვთ და ხშირად გამოუვალი მდგომარეობის პირისპირ რჩებიან. სფეროში კონკურენცია მინიმალურ დონეზეც არ არის და ამ დროს არც კომპანიები ასრულებენ დაკისრებულ ვალდებულებებს, რაც "ჯორჯიან უოთერ ენდ ფაუერის" მაგალითზე ერთხელ კიდევ გამოჩნდა. კვირაზე მეტი ხანია, თბილისის მოსახლეობის ნახევარზე მეტს წყალი გრაფიკით მიეწოდება, თუმცა მანამდე ზედიზედ რამდენიმე დღის განმავლობაში უწყლოდ იყო დარჩენილი.

უძრავი ქონების ბაზარზე მოთხოვნის კლება შეიმჩნევა. ტენდენცია ბოლო რამდენიმე თვის განმავლობაში მიმდინარეობს, რისი მიზეზიც, სავარაუდოდ, შიდა პოლიტიკური დაძაბულობა, ლარის კურსი  და უარყოფითი მოლოდინია, რაც არასტაბილურობას იწვევს. მაისი ბაზრისთვის არასახარბიელო იყო. მოთხოვნის შემცირებასთან, ერთად იკლო ფასმაც. სექტორში არსებული პრობლემის მოგვარებას წლის ბოლომდე ნაკლებად ვარაუდობენ.

მაღალმთიან დასახლებებში მოსახლეობას საკუთრებაში გააჩნია მცირე ზომის სასოფლო-სამეურნეო მიწის ნაკვეთები, მაღალია მოთხოვნა ხელის ტრაქტორებზე (მოტობლოკებზე). სწორედ ფერმერთა ამ საჭიროებების გათვალისწინებით შეიქმნა „მაღალმთიან დასახლებებში სასოფლო-სამეურნეო ტექნიკის თანდაფინანსების“ სახელმწიფო პროგრამა. 

ყველას აწუხებს კითხვა, თუ როგორი ამინდი იქნება ზაფხულში და როდის აჯობებს ზღვაზე წასვლა. მოქალაქეთა უმრავლესობა თავის დასვენებას სხვა ფაქტორებთან ერთად, ამინდის პროგნოზის მიხედვითაც გეგმავს. როგორი იქნება წელს ზაფხული და არსებული პროგნოზებით, როდის ჯობს ზღვაზე დასვენება?

საკურორტო სეზონი ოკუპირებულ აფხაზეთში დიდი სკანდალით დაიწყო, რომელმაც უკვე შეიძინა პოლიტიკური დატვირთვა. საუბარია ე.წ. საკანონმდებლო ცვლილებაზე, რომლითაც აფხაზეთში ჩასული ტურისტული ჯგუფების მომსახურების უფლება რუს გიდებსაც ექნებათ. ამას აფხაზი გიდების მხრიდან მკვეთრი რეაქცია მოჰყვა. მდგომარეობა იმდენად დაიძაბა, რომ თანამდებობიდან გადადგა დე ფაქტო ტურიზმის მინისტრი. რატომ გახდა ეს ცვლილება საჭირო და მოყვება თუ არა ამას სერიოზული დაპირისპირება?