რა გავლენას მოახდენს ამერიკის მხრიდან „ოცნების“ წევრების დასანქცირება არჩევნებზე? დაკარგავს ხელისუფლება მხარდამჭერებს ამის გამო თუ პირიქითი, მისი ელექტორატის მობილიზებას მოახდენს? „ოცნებაში“ ამბობენ, რომ ამერიკელები ცდლობენ ოპოზიციას, კერძოდ კი „ნაციონალურ მოძრაობას“ არჩევნების მოგებაში დაეხმარონ. ამიტომ სანქციები მათთვის პოლიტიკური ქულების ასაწევად გამოაცხადეს. ოპოზიციაში კი მიაჩნიათ, რომ ხალხს ახლა აქვს შანსი, რათა დასანქცირებული „ოცნება“ ხელისუფლებიდან არჩევნებით გაუშვან. 

რუსეთი ისედაც სულ შეტევაშია, მაგრამ მასშტაბს ვერ ზრდის, რადგან ფრონტის სიგრძე ძალიან დიდია. მე მათი მხრიდან დიდ შეტევას არ ველოდები, - აცხადებს უკრაინაში არსებულ ვითარებაზე „რეზონანსთან" საუბრისას გენშტაბის ყოფილი უფროსი, გენერალ-მაიორი ვახტანგ კაპანაძე. სამხედრო ანალიტიკოს ვახტანგ მაისაიას აზრით კი უკრაინელებმა თავდაცვითი ბრძოლების ინტესიფიკაცია დაიწყეს და რეზერვების მობილიზება შეძლეს, თან დასავლურმა სამხედრო დახმარებამაც წამოუსწრო.

თხილის სეზონური სამუშაოები აქტიურ ფაზაშია. მოსავალი ამ ეტაპისთვის დამაკმაყოფილებელია და შარშანდელთან შედარებით მეტაც ელოდებიან. თუმცა ფერმერებისთვის ფაროსანა, სოკო და თხილთან დაკავშირებული სხვა საკითხები კვლავ გამოწვევად რჩება. პრობლემის აღმოსაფხვრელად აუცილებელია აქტიური შეწამვლა, რასაც ფერმერები რიგიანად არ ახორციელებენ.

ანტიტერორისტულიი ოპერაციის შედეგად დაკავებული მამაკაცები მოსამართლემ პატიმრობაში დატოვა. საქმეს გრიფი ადევს, ამიტომ სასამართლო პროცესის დეტალები უცნობია. ადვოკატების ინფორმაციით, ბრალდებულებმა დუმილის უფლება გამოიყენეს.

აშშ-ს შეზღუდვების პირველი ტრანში 26-დან 36 პირს მოიცავს, რომელშიც მოიაზრებიან „ქართული ოცნებისა" და პარლამენტის წევრები, სამართალდამცავები და კერძო პირები. სახდეპის სპიკერის მეტიუ მილერის ნათქვამი, რომ „სავიზო შეზღუდვები ქმედებების სერიაში მხოლოდ პირველი ნაბიჯია", თავის თავში მოიცავს იმას, რომ გაფართოვდება სანქცირებულ პირთა სიაც და ზომებიც უფრო მკაცრი გახდება. ანალიტიკოსები ფიქრობენ, რომ მომდევნო ნაბიჯები უკვე არა მხოლოდ კონკრეტულ პირებს, არამედ ქვეყანასაც შეეხება.

მიუხედავად იმისა, რომ ამერიკა დაწესებული სანქციების კიდევ უფრო გაფართოებით იმუქრება, ამ საკითხზე "რეზონანსთან" საუბრისას ანალიტიკოსები ერთხმად ამბობენ, რომ პოზიცია უცვლელად დარჩება, რადგან ახლა უკანდახევა "ოცნებისთვის" არჩევნებში წაგების ტოლფასია.

აშშ-ს სახდეპმა სანქციების პირველი ტრანში გამოაცხადა, ახლა მთავარი კითხვაა თუ კონკრეტულად ვინ მოექცა სავიზო შეზღუდვების ქვეშ - სპიკერ მეთიუ მილერის თქმით, პირველი ტალღა 24-დან 36 პირს მოიცავს, მათ შორის არიან "ქართული ოცნების" წევრები, პარლამენტის წევრები, სამართალდამცავები და კერძო პირები. როგორც მილერი დასძენს, „ჯერ კიდევ არის დრო შემობრუნების" და „საქართველოს ლიდერები ქმედებებს გადახედავენ".

„მე ამ კანონს ვუწოდებდი „დაუძინებელი აქტი" - განაცხადა პრემიერ-მინისტრმა ირაკლი კობახიძემ, აშშ-ს კონგრესში ინიცირებულ „მეგობარი აქტთან" დაკავშირებით, რასაც ოპოზიციისგან მწვავე კრიტიკა მოჰყვა. მანამდე, აშშ-სთან ურთიერთობის გადახედვაზე ისაუბრა დედაქალაქის მერმა კახა კალაძემ.

„არსებობს გარე ძალები, რომლებსაც ვიღაც-ვიღაცების შეჯახება უნდათ, რადგან შემდეგ თვითონ მოვიდნენ, სარაუდოდ ისინი აგვისტოსთვის გამოჩნდებიან", - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

ევროპარლამენტის არჩევნები 6 ივნისს ოფიციალურად ნიდერლანდებიდან დაიწყო, 9 ივნისის დღის ბოლომდე ევროკავშირის 27-მა ქვეყანამ 720 ევროდეპუტატი უნდა აირჩიოს. წინასწარი გამოკითხვებით, ულტრამემარჯვენე პარტიების რეიტინგები გაზრდილია, თუმცა როგორც ანალიტიკოსები ამბობენ, ზუსტად ეს გახდა მიზეზი ევროპის მემარჯვენე-ცენტრისტული ჯგუფების მიერ ხმების მობილიზებისა, სოციოლოგიური კვლევებითაც პირველ ადგილზე ისევ „ევროპის სახალხო პარტიაა".

პარლამენტში ინიცირებული საკანონმდებლო ცვლილებათა პაკეტი „ლგბტ პროპაგანდის წინააღმდეგ", რომელიც ბიუროს უახლოეს სხდომაზე წარედგინება, ადმინისტრაციული ჯარიმების გარდა სისხლის სამართლის პასუხისმგებლობის დაკისრებასაც ითვალისწინებს. ამ საკითხზე ანალიტიკოსების ერთი ნაწილი ფიქრობს, რომ ლგბტ პროპაგანდის აღმოსაფხვრელად სისხლის სამართლის პასუხისმგებლობის დაკისრებაც საჭიროა. მეორე მხარე კი მიიჩნევს, რომ ეს კანონი ანტიკონსტიტუციურია და ცალკე დეტალების განხილვაც არასწორია.

პუტინი იმუქრება და  დასავლეთს აფრთხილებს, რომ რუსეთს შეუძლია ბირთვული იარაღი გამოიყენოს, თუ მის სუვერენიტეტს ან ტერიტორიულ მთლიანობას საფრთხე დაემუქრება.  პუტინმა დასავლეთის მიერ უკრაინისთვის შორ მანძილზე მოქმედი იარაღის მიწოდება გააკრიტიკა და განაცხადა, რომ მოსკოვმა, შესაძლოა, მსგავსი იარაღი მიაწოდოს სხვა ქვეყნებს დასავლეთის სამიზნეებზე დარტყმისთვის.

ლარი სპეკულაციური, პოლიტიკური  და ფსიქოლოგიური  ფაქტორების გავლენის ქვეშ რჩება. მიუხედავად იმისა, რომ ეროვნულ ვალუტას რეალური წნეხი მოეხსნა და მდგომარეობაც მეტ-ნაკლებად სტაბილურდება, კურსი გაუფასურებას აგრძელებს. გუშინ ,,ბლუმბერგის" პლატფორმაზე კურსი უკვე 2,80-იან ნიშნულს გადასცდა. 6 ივნისს, დღის განმავლობაში ლარი უფრო მაღალი კურსითაც ივაჭრებოდა, რაც სპეკულაციის ნიშნებს აჩენს.პოლიტიკური დაძაბულობის გადავლის შემდეგ, როცა სანქციების თემაც, ფაქტობრივად, მოხსნილია, ლარი სტაბილურობას ვერ დაუბრუნდა, რის მოლოდონიც იყო. გაჩნდა საფუძვლიანი ეჭვი, რომ იგი ვეღარც გამყარდება.

სადისტრიბუციო კომპანიები მთავრობას ერთი წლის წინ თაროზე შემოდებული სამართლიანი ვაჭრობის შესახებ კანონპროექტის დღის წესრიგში დაბრუნებას ითხოვენ. ისინი დაუფარავად ამბობენ, რომ სავაჭრო ქსელების მხრიდან პროდუქციის განთავსებაზე და რეალიზაციაზე დაწესებული სხვადასხვა სახის მოთხოვნა და გადასახადი მზარდია, რაც ბიზნესს მძიმე ტვირთად აწვება. თავად რითეილ ასოციაციაში მიაჩნიათ, რომ სადისტრიბუციო კომპანიებსა და სავაჭრო ქსელებს შორის ურთიერთობას დამატებით რეგულირება არ სჭირდება.

ანაკლიის ღრმაწყლოვანი პორტის პროექტში ჩინური კომპანიის გამარჯვება ოპოზიციისა და არასამთავრობო სეტქორისთვის პრობლემა აღმოჩნდა. ეს ხალხი, ისე როგორც ყველაფერს, ამ გადაწყვეტილებასაც აპროტესტებს. ტენდერში გამარჯვებული კომპანია სანციებისა და კორუფციის ბრალდების ქვეშ მოაქციეს და  ანაკლიის პორტის მშენებლობაში ჩინური მხარის ჩართვას პოლიტიკური სარჩულიც მიაკერეს.

აზერბაიჯანი ევრო 5-ის ბენზინის წარმოებას იწყებს. ეს სიახლე საქართველოსთვის საკმაოდ საინტერესოა. დიდი ალბათობით, მეზობელი სახელმწიფოს საწვავი სხვა მომწოდებლებთან შედარებით უფრო იაფი იქნება, რაც ქართველი იმპორტიორების ყურადღებას ნამდვილად მიიპყრობს. ყოველ შემთხვევაში, ლოგისტიკური მიმრთულება ბევრად იოლი და მარტივია, ამიტომ არაა გამორიცხული, რომ აზერბაიჯანულმა პროდუქტმა ევროპულ ბენზინის კონკურენცია შეუქმნას. 

5 ივნისს  ვარკეთილში მომხდარი უმძიმესი დანაშაულის შესახებ ახალი დეტალები ხდება ცნობილი. 40 წლის იური კალანდარიშვილს გამოძიება სანადირო თოფიდან გასროლით 39 წლის მეზობლის  ბაჩო ბაშარულის  და მისი 40 წლის მეგობრის  ნიკა არჩვაძის მკვლელობას ედავება. გამოძიება ამტკიცებს, რომ მან ორი ადამიანი განზრახ სანადირო თოფიდან გასროლით მოკლა. თავად ბრალდებული კი ამბობს, რომ მას მეზობელი და მისი თანმხლები პირი სახლში მიუვარდნენ. ფიზიკური შეურაცხყოფის შემდეგ მან თავდაცვა გადაწყვიტა და იარაღი გამოიტანა, რათა თავდამსხმელები შეეშინებინა. თუმცა მათ იარაღის წართმევა მოისურვეს, რა დროსაც გასროლა მოხდა და ორივე მათგანი სასიკვდილოდ დაიჭრა. 

ე.წ. ფოტოგრაფის გახმაურებული საქმის ირგვლივ ახალი დეტალები ხდება ცნობილი და გამოძიების მსვლელობისას კიდევ უფორ შოკის მომგვრელი ფაქტები დადგინდა. სპეციალურმა საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების 11 ფაქტი გახსნეს. უწყება ამბობს, რომ ბრალდებული გ.ქ. რომელიც 19 წლის დაზარალებული გოგოს პირადი ცხოვრების კადრებით შანტაჟის ფაქტზე, 2024 წლის 22 მარტს დააკავეს, წლები ატყუებდა ქალებს, რომ იყო ფოტოგრაფი და ქალის თეთრეულის რეკლამისთვის მათ ფოტოესიაზე იწვევდა. გამოძიების ინფორმაციით, ის ქალებს ძიძის/მომვლელის და მასაჟისტის ვაკანსიაზეც იბარებდა ბინაში.