ჩვენ ყველაფერს გავაკეთებთ, რომ უკრაინის ევროკავშირში გაწევრიანების პროცესი სამუდამოდ არ გაგრძელდეს და არ იყოს მხოლოდ დაპირებები, - განაცხადა პოლონეთის პრეზიდენტმა, ანდჟეი დუდამ.

„ევროკავშირმა 20 წლის წინ გააღო კარი ჩვენთვის. ჩვენც ასე მოვიქცეთ, ყველაფერი გავაკეთოთ, რომ ეს კარიბჭე უკრაინისთვისაც, მოლდოვასა და დასავლეთ ბალკანეთის ქვეყნებისთვისაც გაიხსნას, რომ ეს არ იყოს მარადიული გაწევრიანების პროცესი, რომ ეს არ იყოს მხოლოდ დაპირებები, არამედ ეს ქვეყნები ფაქტობრივად ევროკავშირში აღმოჩნდნენ", - აღნიშნა პოლონეთის პრეზიდენტმა.