მთავარი ამბები
ნატალია ჯვარიძე
11.07.2024

ბოლო დღეებში საუბარი მიდის „ლელოსა" და გიორგი გახარიას „საქართველოსთვის" გაერთიანებაზე. ჯერჯერობით თავად მხარეებს განცხადება არ გაუკეთებიათ. ამ საკითხზე ანალიტიკოსების გარკვეული ნაწილი ფიქრობს, რომ გამორიცხული არაა ორივემ შინაგანი ბარიერი გადალახონ და დასავლეთის ზემოქმედებით ერთად დადგნენ. მეორე ნაწილი კი ვარაუდობს, რომ გაერთიანების შემთხვევაში ეს პოლიტიკური ჯგუფი ოპოზიციაში პირველობისთვის იბრძოლებს.

ნატალია ჯვარიძე
11.07.2024

მთავრობის სხდომაზე პრემიერმა კობახიძემ რამდენიმე საკითხზე ისაუბრა. მისი თქმით, წლევანდელი ბიუჯეტი გაიზრდება და სხვადასხვა სფეროებში გადანაწილდება. ის „ნაცმოძრაობის" აქტივისტის მხრიდან ჯანდაცვის მინისტრის, მიხეილ სარჯველაძის შეურაცხყოფის ფაქტსაც გამოეხმაურა და აღნიშნა, რომ ყველამ უნდა შეეგუოს გამჭვირვალობას. ასევე, ამერიკა-საქართველოს ურთიერთობის გადატვირთვაზეც გაამახვილა ყურადღება და თქვა, რომ ამისთვის საქართველო მზად არის.

გვანცა წულაია
11.07.2024

თბილისის მერიაში სატრანსპორტო პოლიტიკით თავს იწონებენ, მაგრამ მარტოოდენ ავტობუდების რაოდენობის გაზრდით დედაქალაქის ქუჩებში გაადგილება ვერ გვარდება. საცობი თბილისის ყოველდღიურობად იქცა, ამიტომ დარგის სპეციალისტები მეტროპოლიტენის განვითარებაზე საუბრობენ. 

თამთა ჩაჩანიძე
10.07.2024

ოპოზიციურ ველზე ბოლო დღეებში კონტურები იკვეთება მინიმუმ 3-4 პოლიტიკური ცენტრის ჩამოყალიბებასთან დაკავშირებით. უკვე ცნობილია ვინ იბრძოლებს ენმ-სთან და „ახლებთან", ჯერჯერობით გაურკვეველია საით წავა „ლელო" და დარჩება თუ არა იმავე აზრზე ყოფილი პრემიერის გიორგი გახარიას „საქართველოსთვის". ამ დრომდე გახარიას ჯგუფი აცხადებს, რომ ოქტომბრის არჩევნებზე მარტო გადის.

თამთა ჩაჩანიძე
10.07.2024

ვაშინგტონში ნატოს საიუბილეო სამიტი კვლავ მიმდინარეობს, საქართვლო წარმოდგენილია დელეგაციით საგარეო საქმეთა მინისტრ ილია დარჩიაშვილის ხელმძღვანელობით და როგორც უწყება აღნიშნავს, დელეგაციამ უკვე მიიღო მონაწილეობა ამერიკის შეერთებული შტატების პრეზიდენტის მიღებაში. შეხვედრა შედგა ნატოს გენერალური მდივნის სპეციალურ წარმომადგენელთან. 10 ივლისს კი ჩანიშნულია როგორც პირისპირ შეხვედრები კოლეგებთან, ისე სახელმწიფო მდივან ენტონი ბლინკენის სახელით ოფიციალური ვახშამი, რომელზეც დარჩიაშვილიცაა მიწვეული.

თამთა ჩაჩანიძე
09.07.2024

„დროა, გირჩი-ოთ ახალი" - ეს ოპოზოციის იმ ერთ-ერთი ახალი გაერთიანების სლოგანია, რომლის პრეზენტაციაც სამშაბათს გაიმართა, ელენე ხოშტარიას „დროა" და ზურაბ ჯაფარიძის „გირჩი - მეტი თავისუფლებისთვის" წინასაარჩევნოდ მელია-გვარამიას „ახალს" შეუერთდნენ. ნიკა გვარამიას თქმით, „მცირე განსხვავებების" გამო, „ლელოსთან" შეთანხმება ამ დრომდე ვერ მოხერხდა, თუმცა „ამით პროცესი არ იკეტება". ახალი კონფიგურაციის შანსებზე ექსპერტთა შეფასებები ურთიერთაწინააღმდეგოა.

ელზა პაპოშვილი
09.07.2024

ოპოზიციურ ფალნგზე დაანონსებული დიდი ერთობა ამ ეტაპე ვერ შედგა. როგორც ცნობილი ხდება, "ლელოსა" და პარტია "ახალის" გაერთიანება ვერ მოხერხდა. 4 პარტიის დაგეგმილ ერთობაზე განცხადება ცოტა ხნის წინ, "ახალის" ოფისში გაკეთდა, სადაც თქვეს, რომ გვარამია-მელიას პარტიას, "დროა" და "გირჩი მეტი თავისუფლება" შეუერთდება. "ლელოსთან" დაკავშირებით კი, ნიკა გვარამიამ განაცხადა, რომ ამ ეტაპზე შეთანხმება ვერ მოხერხდა.  

თამთა ჩაჩანიძე
09.07.2024

აშშ-ს შემდეგ, შეზღუდვებზე ნაბიჯებს ევროკავშირი დგამს - გაყინულია 30 მილიონი ევრო, რომლის გადარიცხვასაც გაერთიანება საქართველოს თავდაცვის სამინისტროსთვის გეგმავდა, ამასთან, ამ დროისთვის, საქართველოს ევროკავშირში გაწევრიანება შეჩერებულია. საქართველოში ევროკავშირის ელჩ პაველ ჰერიჩისნკის თქმით, თუ მთავრობა კურსს არ შეიცვლის, „საქართველო ევროკავშირში გაწევრიანების გზაზე წინ ვერ წავა".

ნატალია ჯვარიძე
09.07.2024

პარტია „საქართველოსთვის" ხელისუფლებას მოუწოდებს, რომ დაანონსებული ამნისტია ე.წ. აგენტების კანონის საწინააღმდეგო აქციაზე დაკავებულ და დაჯარიმებულ მოქალაქეებსაც შეახოს. როგორც პარტიის ერთ-ერთმა ლიდერმა, ნათია მეზვრიშვილმა ბრიფინგზე განაცხადა, „ოცნებამ" მკაფიოდ უნდა აღნიშნოს, რომ ამნისტია სააკაშვილს არ შეეხება.

თამთა ჩაჩანიძე
08.07.2024

„ქართული ოცნება" კვლევ საკონსტიტუციო უმრავლესობას „უმიზნებს", პარტიაში აცხადებენ, რომ ოპოზიცია ოქტომბრის არჩევნებზე „ვერცერთი კონფიგურაციით ვერ დაამარცხებს". „ოცნების" ოპონენტები კი ამ გეგმებს „იაფფასიან ტრიუკებს" უწოდებენ და აცხადებენ, რომ მმართველი პარტიის ლიდერებს შიში ალაპარაკებთ და ყველანაირი საშუალებით ცდილობენ „სასურველის რეალობად გასაღებას".

რეზონანსი
11.07.2024

ვაშინგტონი 2024 წლის ნატოს სამიტს მასპინძლობს, რომელსაც ალიანსის წევრი თურქეთიც ესწრება ბევრი ანტიდემოკრატიული „ბარგით", რაზეც გასულ კვირას ამერიკის კონგრესის 142 წევრმა მოახდინა აქცენტირება.

გვანცა წულაია
10.07.2024

თავსმოხვეული პროტესტის გამო საქართველოში არაერთი პროექტი დაპაუზებულა ანდა საერთოდ გაჩერებულა. ასეთი რამდენიმე აშკარა შემთხვევა ყველაზე მეტად ენერგეტიკის სექტორში  მოიძებნება. ის, რაზეც აქამდე  ეჭვი არსებობდა, სემეკის თავმჯდომარემ დაადასტურა და განაცხადა, რომ სხვადასხვა ორგანიზაციები ჰესების აშენების ეწინააღმდეგებიან და ობიექტის მშენებლობის ადგილას პროტესტის მოსაწყობად ხშირად ჩადიან. არადა, ამ დროს ენერგეტიკას ქვეყნის ეკონომიკაში დიდი წვლილი შეაქვს და მისი სწორად განვითარება სასიცოცხლოდ აუცილებელია. 

ქეთო გოგოხია
10.07.2024

ეკოლოგიური კატასტროფა შესაძლოა, თბილისსაც დაემუქროს, რაც ჰაერის  დაბინძურებით იქნება გამოწვეული. როგორც სპეციალისტები აღნიშნავენ, „ქალაქი არ ნიავდება“, რასაც  ხელს უკონტროლო მშენებლობა უშლის. მიჩნეულია, რომ დედაქალაქში  ჰაერის დაბინძურების წყარო ავტოტრანსპორტია, მაგრამ პრობლემა მხოლოდ ეს არ არის. აკადემიკოს სიმონ ბარამიძის შეფასებით, ამ მხრივ საყურადღებოა გათბობის ქვაბების გამონაბოლქვი, რომელიც ასევე ემატება ქალაქს და მძიმე ვითარებას ქმნის.

გვანცა წულაია
09.07.2024

საქართველოს ევროკავშირში გაწევრიანების პროცესი შეჩერებულია. ასე განაცხადა ევროკავშირის ელჩმა და თან თქვა, რომ გაურკვეველია, იქნება თუ არა საქართველო ევროკავშირის გაფართოების შემდეგი დიდი ტალღის ნაწილი. საინტერსოა, ეს გარემოება როგორ იმოქმედებს ქვეყნის იმიჯზე და რაიმე მიმართულებით ხომ არ შეიქმნება პრობლემა, მაგალითად, საინვესტიციო გარემოს. 

გვანცა წულაია
09.07.2024

მსოფლიო ბანკის მთლიანი ეროვნული შემოსავლების განახლებულ გლობალურ მონაცემებით ირკვევა, რომ საქართველოს ნომინალური მთლიანი ეროვნული შემოსავალი მსყიდვეულნარიანობის პარიტეტის მიხედვით 2023 წელს 11.75%-ით გაიზარდა და 86.6 მილიარდ საერთაშორისო დოლარს გაუტოლდა. საქართველო იმ 30 ქვეყანას შორის მოხვდა, რომლებმაც გასულ წელს მსყიდველუნარიანი მთლიანი ეროვნული შემოსავლის ზრდა ორნიშნა მაჩვენებლით მოახერხა.

ელზა პაპოშვილი
10.07.2024

სასტიკი მკვლელობა საჩხერეში - „რეზონანსისთვის“  დურმიშიძის ქუჩაზე მომხდარი კრიმინალური ფაქტის შესახებ ახალი დეტალები ხდება ცნობილი. ადგილობრივების მონაყოლის თანახმად, მეზობელმა კუტალაძეების ოჯახში თბილისიდან  სტუმრად ჩასული 45 წლის კახა ლობჯანიძე ავტომატით შემთხვევითი გასროლის შედეგად მოკლა.

ირკვევა, რომ დაკავებული 29 წლის ბიჭს, გუშინ სიძის ოჯახში კონფლიქტი მოუვიდა. ე.წ. საქმის გასარჩევად მისულმა მამაკაცმა მანქანიდან ავტომატის ჯერი ავტოფარეხს გადაატარა. ხოლო  კახა ლობჟანიძე, რომელიც  სიძის მამიდაშვილია, ეზოში იმყოფებოდა და მას გასროლილი ერთ-ერთი ტყვია ზურგის არეში მოხვდა, ის  ადგილზე გარადაიცვალა. 

ნატალია ჯვარიძე
10.07.2024

პერსონალურ მონაცემთა დაცვის სამსახური მოქალაქეებს მოუწოდებს, რომ უცხო ნომრებიდან მოკლე ტექსტური შეტყობინებით მიღებული საეჭვო ბმულების გახსნისგან და პერსონალური მონაცემების გაზიარებისგან თავი შეიკავონ.






















Copyright © 2006-2024 by Resonance ltd. . All rights reserved
×