საპროცედურო საკითხთა და წესების საპარლამენტო კომიტეტის თავმჯდომარემ ირაკლი ქადაგიშვილმა გამჭვირვალობის კანონთან დაკავშირებით მედიასთან ისაუბრა. როგორც უმრავლესობის დეპუტატმა განაცხადა, საქართველოს მიმართ კანონის მიღების გამო განსაკუთრებული აგრესია ორი მიზეზის გამოა, ერთ-ერთი მიზეზი კი ამ თემის საბაბად გამოყენებაა, რომ საქართველოზე ზეწოლა მოახდინონ.

„რატომ არის ეს გაღიზიანება და შემოტევა საქართველოზე? ორი მიზეზის გამო: 1. როგორ გაბედა და საქართველომ ეს კანონი მიიღო ვიღაცისგან დაუკითხავად. მეორე - ეს კანონი გამოყენებულია საბაბად, რომ საქართველოზე მოახდინონ ზეწოლა, სხვადასხვა მიმართულებების გამო, რა პოლიტიკასაც საქართველო ახორციელებს", - აღნიშნა ქადაგიშვილმა.