პარლამენტმა „უცხოური გამჭვირვალობის შესახებ კანონპროექტს" საბოლოოდ მხარი დაუჭირა - 84 ხმით საპარლამენტო უმრავლესობამ პრეზიდენტის ვეტო დაძლია. ახლა როგორც ქვეყნის გარეთ, ისე ქართულ საზოგადოებაში განხილვის მთავარი თემაა - რა ახალი პოლიტიკური რეალობა დგება საქართველოსთვის 28 მაისის შემდეგ და ნიშნავს თუ არა ეს ყველაფერი ქვეყნის საგარეო კურსის ცვლილებას. ანალიტიკოსები „რეზონანსთან" აცხადებენ, რომ და კანონის მიღებით ჯერჯერობით საქართველოს საგარეო კურსს არაფერი ემუქრება და გადამწყვეტი ამ მხრივ ოქტომბრის საპარლამენტო არჩევნები იქნება.

ქვეყანაში „გამჭვირავლობის კანონის“ გარშემო დაპირისპირების ფონზე, პოლიტიკური რეიტინგები დიდი ალბათობით იცვლება და ყველა პოლიტიკური ძალა ცდილობს,  ამ ფონზე წინასაარჩევნოდ საკუთარი ამომრჩევლის მობილიზება მოახერხოს. თუმცა რას იზამს „ოცნების“ პროდასავლელი ამომრჩეველი, როცა კანონი უკვე მიღებულია და მის წინააღმდეგ დასავლეთიდან კრიტიკა არ წყდება?

საქართველოსა და ჩინეთის ურთიერთობა სულ უფრო მეტად ღრმავდება. ორ ქვეყანას შორის უკვე ამოქმედდა უვიზო მიმოსვლის რეჟიმი. ამასთან ერთად,  საქართველოს გავლით ჩინეთიდან თურქეთში სატრანზიტო ავტოგადაზიდვა დაიგეგმა, ამ ორ სიახლეს, სპეციალისტების შეფასებით, ეკონომიკაში დადებითი სიახლის მოტანა შეუძლია. 

გარემოს ეროვნული სააგენტოს ინფორმაციით, საქართველოს ზოგიერთ რაიონში, ასევე დედაქალაქში 28 მაისიდან ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება. „მწვანეთა მოძრაობის" თავმჯდომარე ნინო ჩხობაძე აცხადებს, რომ ეს ჯანმრთელობისთვის საშიშია და ჯანმრთელობის კონკრეტული პრობლემების მქონე მოქალაქეებს გარეთ გასვლისგან თავის შეკავებისკენ მოუწოდებს.

ორშაბათს ბრიუსელში ევროკავშირის საგარეო საქმეთა მინისტრების შეხვედრამ აჩვენა, რომ ევროკავშირში საქართველოსთან დაკავშირებით აზრი ორად იყოფა. როგორაა მათი პოზიციები გადანაწილებული - კონკრეტულად რომელი ქვეყნები ემხრობიან საქართველოს ხელისუფლების წინააღმდეგ მკაცრი ნაბიჯების გადადგმას და რომლები არიან ამის წინააღმდეგი?

პრეზიდენტი სალომე ზურაბიშვილი პოლიტიკურ პარტიებს საკუთარ ხედვას სთავაზობს, თუ როგორ უნდა მივიდეთ 26 ოქტომბრის საპარლამენტო არჩევნებამდე და რა ნაბიჯები უნდა იყოს გადადგმული არჩევნების შემდეგ. ოპოზიციის უმრავლესობისათვის ეს გეგმა - „ქართული ქარტია" - მისაღებია. ხელისუფლება პრეზიდენტს აკრიტიკებს და ახალ ბრალდებებს უყენებს. ანალიტიკოსები კი აცხადებენ, რომ როგორც ქარტიის შინაარსი, ისე პრეზიდენტის მონაწილეობა საარჩევნო პროცესებში, გარკვეულ კითხვებს იწვევს.

„უცხოური გავლენის გამჭვირვალობის შესახებ“ კანონზე თითქმის თვენახევარი მიმდინარე ეპოპეა დასასრულს უახლოვდება. მმართველ პარტიას მტკიცედ აქვს გადაწყვეტილი სამშაბათს პრეზიდენტის ვეტოს დაძლევა. რა აჩვენა ამ პროცესმა და როგორ შეიცვალა ამ დროის განმავლობაში პოლიტიკური რეალობა საქართველოში?

მიუხედავად ქვეყნის შიგნით და გარეთ არსებული წინააღმდეგობისა, „ოცნებამ“ ორმაგ წნეხს მაინც გაუძლო და 28 მაისს „გამჭვირვალობის კანონზე“  პრეზიდენტის ვეტოს დასაძლევად ემზადება. 

ორშაბათს ბრიუსელში ევროკავშირის საგარეო საქმეთა მინისტრების შეხვედრაზე საქართველოსთან დაკავშირებით რაიმე კონკრეტული გადაწყვეტილება მიღებული არ ყოფილა. სამიტზე გამართულმა დისკუსიამ კი აჩვენა, რომ თავად ევროკავშირში საქართველოსთან დაკავშირებით აზრი ორადაა გაყოფილი. ასეთ პირობებში რას უნდა ველოდოთ ევროკავშირის სამიტისაგან, რომელიც ივნისი ბოლოს გაიმართება?

პრემიერ-მინისტრ ირაკლი კობახიძის განცხადებას, რომ 2030 წლისათვის საქართველო ტერიტორიული მთლიანობის აღდგენას გეგმავს, მოსკოვიდან, სოხუმიდან და ცხინვალიდან პირველი გამოხმაურებები მოჰყვა. რამდენად რეალურია ეს გეგმა და რას ნიშნავს, როდესაც პრემიერი ოკუპირებული ტერიტორიების დაბრუნების კონკრეტულ თარიღს ასახელებს?

პარლამენტი „უცხოური გავლენების გამჭვირვალობის შესახებ" კანონპროექტზე პრეზიდენტის ვეტოს დაძლევას 28 მაისს გეგმავს. 27 მაისს კი ეს საკითხი ჯერ პარლამენტის იურიდიულ საკითხთა კომიტეტის სხდომაზე იქნება განხილული. როგორ ჩაივლის ეს პროცესი და გაგრძლედება თუ არა ამის შემდეგ საპროტესტო გამოსვლები?

ქვეყანაში აგორებული საპროტესტო გამოსვლების ფონზე, ოპოზიციაში ახალ საარჩევნო სტრატეგიაზე დაიწყო მსჯელობა. განხილვის მთავარი თემაა 26 ოქტომბრის საპარლამენტო არჩევნების წინ გაერთიანება და ერთიანი საარჩევნო სიის შექმნა, თუმცა ამ საკითხზე პოზიციები განსხვავებულია. პარტიების ნაწილი ფიქრობს, რომ ერთიანი სია იქნება „საჩუქარი“ „ქართული ოცნებისთვის“, რითაც ოპიზიცია სასტიკად დამარცხდება. მეორე ნაწილი კი ფიქრობს, რომ ხელისუფლების არჩევნებით შეცვლა მხოლოდ დიდი ოპოზიციური გაერთიანების პირობებშ იქნება შესაძლებელი. 

უკრაინაში თავისი ჯარების შეყვანას ახლა პოლონეთიც არ გამორიცხავს, თუმცა არ აკონკრეტებს რა როლი უნდა შეასრულოს მისმა კონტინგენტმა. მანამდე მსგავსი პოზიცია ჰქონდა ბალტიის ქვეყნებს. თავდაპირველად კი ეს იდეა საფრანგეთის პრეზიდენტმა ემანუელ მაკრონმა წამოაყენა და დღესაც იმავე აზრზეა. როგორც ანალიტიკოსები „რეზონანსთან" აცხადებენ, როგორც ჩანს, დასავლეთი ყველა სცენარისთვის ემზადება, მათ შორის პესიმისტურისთვისაც კი, რაც ფრონტზე რუსების მიერ მნიშვნელოვანი სტრატეგიული უპირატესობის მოპოვებას გულისხმობს. თუმცა არ გამორიცხავენ იმასაც, რომ დასავლური კონტინგენტი მხოლოდ ტექნიკური თუ სამედიცინო დახმარების მიზნით შევიდეს უკრაინაში.

გამჭვირვალობის კანონზე პრეზიდენტის ვეტოს დაძლევის დღეს, ლონდონის საფონდო ბირჟაზე ქართული კომპანიების ფასი ისევ დაეცა, თუმცა სხვაობა ამჯერად ბევრად ნაკლები იყო, ვიდრე კანონპროექტის მიღების პერიოდში. პარალელურად გაუფასურდა ლარიც, მაგრამ სხვაობა ამ შემთხვევაშიც ნაკლები აღმოჩნდა და თან "ბლუმბერგის" სავაჭრო პლატფორმაზე დაცემულმა კურსმა გამყარება გუშინვე დაიწყო.

მსოფლიოში ბაზრებზე ხორბლის მოსავლის პროგნოზი შემცირებულია, რაც სტრატეგიული პროდუქტის ფასზეც აისახება. არასახარბიელო ტენდენციის კვალობაზე ქართული ბაზარი საკმაოდ მყარია და როგორც ხორბლის იმპორტის, ასევე ადგილობრივი მოსავლისა და პურის ფასთან მიმართებითაც, პრობლემა არ იკვეთება. სექტორში აცხადებენ, რომ პურის ფასის სტაბილურობა უზრუნველყოფილია და ამ მხრივ საფრთხე გამორიცხულია.

ქართველი დიდმოხელეების მიმართ სანქციების შესაძლო დაწესება ეროვნული ვალუტისთვის მორიგი დიდი წნეხი აღმოჩნდა. როგორც კი მძიმე ინფორმაცია გახმაურდა, კურსმა მკვეთრი გაუფასურება განიცადა და დღესაც აჟიოტაჟური გავლენის ქვეშაა. როგორც სპეციალისტები აცხადებენ, სავალუტო ბაზარი მთლიანად პოლიტიკის მძევალი გახდა და სანამ ეს აჟიოტაჟი არ ჩაცხრება, ლარის კურსის დასტაბილურება რეალურად გაჭირდება, თუმცა ფინანსური ბაზარი სტაბილურობას მაინც შეინარჩუნებს.

მოსალოდნელმა სანქციებმა და ლარის კურსის რყევამ შესაძლოა, სამომხმარებლო ბაზარზე ფასების მატება გამოიწვიოს. ბიზნესმენთა ნაწილის აზრით, გარდა იმისა, სანქციები საქართველოს იმიჯს აზარალებს, ის უარყოფით გავლენას მოახდენს ადგილობრივ ბიზნესზე. მეორე ნაწილი კი მიიჩნევს, რომ აღნიშნული მოვლენები საგრძნობლივად ვერ დააზარალებს მეწარმეებს და ვერც პროდუქციის გაძვირებაზე მოახდენს დიდ გავლენას.

პოლიცია კვლავ ეძებს პირს, რომელმაც რამდენიმე დღის წინ ქუთაისში, ილია ჭავჭავაძის #37-ში, „საქართველოს ბანკის“ ფილიალის დაყაჩაღება სცადა. შენობაში შეიარაღებული ნიღბიანი პირი შეიჭრა და  ბანკის თანამშრომლებს სიცოცხლის მოსპობით დაემუქრა, თუ  თანხას არ მისცემდნენ. ამ დროს ბანკში რამდენიმე მომხმარებელი იმყოფებოდა, რომლებმაც შენობიდან გაქცევა მოახერხეს.

ბოლო 3 კვირაში საქართველოში 4 ქალი მოკლეს. ბოლო შემთხვევა 23 მაისს სამეგრელოში, სოფელ კორცხელში მოხდა, სადაც ქმარმა ცოლი ჩაქუჩის თავში ჩარტყმით მოკლა. მანამდე 27 წლის კაცმა რუსთავში, ერთ-ერთ სკვერში ყოფილი მეუღლე და ყოფილი სიდედრი სანადირო თობიდან  ჩაცხრილა. 16 მაისს გარდაბანში 23 წლის მამაკაცმა საკუთარი და განსაკუთრებული სისასტიკით მოკლა - ჯერ ავტომობილი დააჯახა, შემდეგ კი უმწეო მდგომაარეობაში მყოფ ქალს დანით სასიკვდილო ჭრილობები მიაყენა.