პრეზიდენტი საკონსტიტუციო სასამართლოს მიმართავს და „გამჭვირვალობის“  კანონის გაუქმებას ითხოვს. ამის შესახებ პრეზიდენტის საპარლამენტო მდივანმა ბრიფინგზე განაცხადა. სალომე ზურაბიშვილი საკონსტიტუციო სარჩელით სასამართლოს პირველად მიმართავს და მეათე მოწვევის პარლამენტის მიერ მიღებული რუსული კანონის გაუქმებას ითხოვს. მთავარი არგუმენტი კი კანონის კონსტიტუციასთან წინააღმდეგობაში მოსვლაა. 

არჩევნებამდე 3 თვით ადრე სულ უფრო საინტერესო ხდება კონკრეტულად რას სთავაზობენ პოლიტიკური პარტიები ამომრჩეველს რათა მათი ხმები მოოპოვონ. ანალიტიკოსების გარკვეული ნაწილის აზრით, არც ერთი პარტია მოსახლეობის საჭიროებებზე არ მუშაობს. მათივე თქმით, ოპოზიცია ერთობის იდეით არის დაკავებული, რაც საზოგადოებას არ აინტერესებს, ხოლო „ოცნებას" რაღაც „გლობალური ომის პარტიაზე" აქვს ყურადღება გადატანილი, რაც მეტ-ნაკლებად მუშაობს.

ავტომობილების ხმაური, განსაკუთრებით ღამის საათებში, სტრესს იწვევს და მოსახლეობის ჯანმრთელობაზე ძალიან ცუდად აისახება. მიუხედავად იმისა, რომ ხმაურთან დაკავშირებით კანონი მოქმედებს, წესებს არავინ იცავს და აღსრულების მხრივაც პრობლემაა. ამ საკითხის მოგვარების გზად სპეციალისტები საკანონმდებლო ცვლილებაში ხედავენ და აცხადებენ, რომ კანონი გასამკაცრებელია. ავტომობილი, გარდა იმისა, რომ ეკოლოგიურ საფრთხეს წარმოადგენს და საცობების, დროის დეფიციტის პრობლემასაც იწვევს, ხოლო მისგან გამოწვეული ხმაური კი მოქალაქეებისთვის ასევე სერიოზული საფრთხეა.

არჩევნებზე ოპოზიციის ერთიანი სიით წარდგენის იდეა ჩაიშალა. როგორც „ნაცმოძრაობის" დეპუტატი ლევან ბეჟაშვილი ამბობს, „ლელომ" და „ახალმა" ამაზე უარი განაცხადეს. ასევე „ლელოსა" და გახარიას პარტიის გაერთიანებას მხარეები უარყოფენ, თუმცა „ლელოში" ამბობენ, რომ მოლაპარაკებები სხვა პარტიებთან მიმდინარეობს. რა კონფიგურაციით წარსდგება ოპოზიცია არჩევნებზე? ანალიტიკოსებს დიდი კონფიგურაციის მოლოდინი არა აქვთ და 2-3 პოლიტიკური ცენტრის შექმნას ვარაუდობენ.

„ქართულ ოცნებაზე“ დასავლეთიდან წამოსული ზეწოლა ყოველდღიურ სახეს იღებს. მას შემდეგ, რაც ევროკავშირის ელჩმა პაველ ჰერჩინსკიმ განაცხადა, რომ საქარვეელოს თავდაცვისთვის გამოყოფილი 30 მილიონი ევრო გაიყინა და ის მესამე სექტორის განვითარებას მოხმარდება, დახმარების შეჩერებაზე განცხადებები გერთმანიისა და  საფრანგეთის ელჩებმაც  გააკეთეს. 

აშშ-ის სახელმწიფო მდივნის მოადგილის, უზრა ზეიას ვიზიტი საქართველოში დასრულებულია. ბლინკენის მოადგილე პოლიტიკურ სპექტრთან  და მესამე  სექტორთან შეხვედრების შემდეგ ბოლოს პრემიერ ირაკლი კობახიძეს შეხვდა. შეხვედრის შესახებ ინფორმაციას პრემიერის ადმინისტრაცია ავრცელებს. ადმინისტრაციის ცნობით, შეხვედრისას საუბარი შეეხო აშშ-საქართველოს სტრატეგიულ პარტნიორობას და მრავალი წლის განმავლობაში სხვადასხვა სფეროში წარმატებულ თანამშრომლობას, ასევე ბოლო პერიოდში არსებულ გამოწვევებს.

პარლამენტის თავმჯდომარე შალვა პაპუაშვილმა მედიასთან ბრიფინგისას საფრანგეთის ელჩის განცხადებას გამოეხმაურა და თქვა, რომ საფრანგეთიდან ამ ქვეყნიდან არანაირი პირდაპირი საბიუჯეტო დაფინანსება არ არსებობს. ნატოზე საუბრისას აღნიშნა, რომ ალიანსი საქართველოს 16 წელია გაწევრიანებას ჰპირდება, თუმცა გადაწყვეტილებას არ იღებს. მან ასევე ოპოზიციაზეც ისაუბრა და „ნაცმოძრაობის" ქმედებებს დაბნეულობის ტაქტიკა უწოდა.

რისთვის ჩამოვიდა ამერიკის სახელმწიფო მდივნის მოადგილე უზრა ზეია საქართველოში, რომელიც ხელისუფლებასთან და ოპოზიციასთან შეხვედრებს მართავს. რა გზავნილები ჩამოიტანა ზეიამ საქრათველოში, რომელიც პრემიერ მინისტრ ირაკლი კობახიძეს 12 ივლის შეხვდება. ანალიტიკოსები „რეზონანსთან“ თანხმდებიან იმაზე, რომ ზეია „ოცნების“ გასაფრთხილებლად  ჩამოვიდა და დიდი  ალბათობით, ქვეყანაში არსებულ პოლიტიკურ სიტუაციას ადგილზე გაეცნობა.   

ბოლო დღეებში საუბარი მიდის „ლელოსა" და გიორგი გახარიას „საქართველოსთვის" გაერთიანებაზე. ჯერჯერობით თავად მხარეებს განცხადება არ გაუკეთებიათ. ამ საკითხზე ანალიტიკოსების გარკვეული ნაწილი ფიქრობს, რომ გამორიცხული არაა ორივემ შინაგანი ბარიერი გადალახონ და დასავლეთის ზემოქმედებით ერთად დადგნენ. მეორე ნაწილი კი ვარაუდობს, რომ გაერთიანების შემთხვევაში ეს პოლიტიკური ჯგუფი ოპოზიციაში პირველობისთვის იბრძოლებს.

პრეზიდენტი სალომე ზურაბიშვილი არასამთავრობო ორგანიზაციებს უერთდება და „უცხოური გავლენების" კანონის გასაუქმებლად ემზადება, რომლის შესახებაც სარჩელს ორშაბათს შეიტანს. მედიაში გავრცელებული ინფორმაციით, ამ საკითხზე არასამთავრობოებთან ერთად მუშაობას იწყებს და პირველი შეხვედრა პრეზიდენტის ადმინისტრაციაში უკვე გაიმართა, რომელსაც პარტია „სამართლიანობისთვის" ლიდერი, ეკა ბესელიაც დაესწრო.

FBI დონალდ ტრამპის წინასაარჩევნო შეხვედრაზე მომხდარ სროლას მკვლელობის მცდელობის მუხლით იძიებს, თუმცა, მას პოტენციურ შიდა ტერორისტულ თავდასხმადაც განიხილავს. როგორ აისახება აღნიშნული ინციდენტი გლობალურ სტაბილურობაზე - ამ საკითხზე ანალიტიკოსები ფიქრობენ, რომ გლობალურად ეს გავლენას ვერ მოახდნს, თუმცა, შესაძლოა ამერიკაში პოლიტიკური რადიკალიზმის სახე მიიღოს.

წყლის მიწოდების პრობლემამ დედაქალაქის მაცხოვრებლების ზაფხული კოშმარად უქცია. პრობლემამ, ფაქტობრივად, ყველა უბანში იჩინა თავი, რაც ,,ჯორჯიიან პოუთერ ენდ ფაუერის" უპასუხისმგებლო საქმიანობის შედეგია. ხშირია ავარიული გათიშვები. გვიანდება აღდგენითი სამუშაოები, რამაც მოსახლეობაში დიდი უკმაყოფილება გამოიწვია. 

სიღარიბის განმსაზღვრელი კრიტერიუმი გადასახედია. არსებული მეთოდოლოგიით, რითაც ქვეყანა ამ სტანდარტის დადგენისას ხელმძღვანელობს, ღარიბ-ღატაკთა რაოდენობა გაცილებით მეტია, ვიდრე სინამდვილეშია. კერძოდ, შემწეობის მიმღები პირების რაოდენობას თუ გავითვალისწინებთ, ქვეყანაში ყოველი მეხუთე ადამიანი ღარიბი და ღატაკია, რაც არ შეიძლება სიმართლე იყოს. ამიტომ სიტუაცია არის გამოსასწორებელი, მაგრამ კონკრეტული რეცეპტი ჯერჯერობით არ არსებობს, თუმცა მუშაობა დასაწყებია, რაზეც სპეციალისტები პირდაპირ საუბრობენ.

ლარის კურსი თითქმის დაუბრუნდა თავის ძველ ნიშნულს. პოლიტიკური ვნებათაღელვის ჩაცხრობისა და ზაფხულის სეზონის დადგომასთან ერთად, ეროვნული ვალუტა დღითი დღე მყარდება. საკითხს უკვე პრემიერიც გამოეხმაურა და პირველად აღნიშნა, რომ ის, რაც ეროვნულ ვალუტასთან მიმართებაში ხდებოდა, სპეკულაციისა და აჟიოტაჟის შედეგი იყო.

ეკონომიკურმა განვითარებამ ბიუჯეტის ზრდის შესაძლებლობაა გააჩინა. სწორედ ამიტომ, მთავრობის გადაწყვეტილებით, მიმდინარე წლის ბიუჯეტი 519 მილიონი ლარით გაიზრდება. თანხა გადანაწილდება და სხვადასხვა სტუქტურაში მოხმარდება. აღსანიშნავია, რომ ხარჯვითი ნაწილი იმაზე მეტად მოიმატებს, ვიდრე რამდენიმე დღის წინ ფინანსთა მინისტრმა ივარაუდა.

უმძიმესი დანაშაული ბათუმში - 27 წლის მამაკაცი  ხმამაღალი მუსიკის გამო მოკლეს. როგორც ადგილობრივების მონაყოლიდან ირკვევა, ახალგაზრდა კაცმა ღამის საათებში მათ კორპუსთან მდგარ ავტომობილში მჯდომ ახალგაზრდას ხმამაღალი მუსიკის გამო შენიშვნა მისცა. 

ლილოში მომხდარი მკვლელობის საქმეზე ახალი გარემოებები ხდება ცნობილი. პროკურორ ლევან ვეფხვაძის განცხადებით, გარდაცვლილი 21 წლის ქეთევან ჯავახიშვილის არასრულწლოვანმა დამ სასაამრთლო სხდომაზე დაადასტურა, რომ მის დაზე ბრალდებულმა ოთარ ცინდელიანმა ფიზიკურად იძალადა.