"ქართული ოცნება" რუსული კანონის მიღებას აანონსებს - ივანიშვილის გუნდი ხალხისგან და ოპოზიციონერი პოლიტიკოსებისგან ამ დრომდე ითხოვს არგუმენტებს იმასთან დაკავშირებით, თუ რატომ არის კანონპროექტი რუსული.
ირაკლი ქადაგიშვილი "პირველებთან" აცხადებს, რომ ამ წუთებში რუსთაველის გამზირზე გამოსული ადამიანები უმრავლესობას არ წარმოადგენენ, შესაბამისად, მმართველი პარტიის წევრის თქმით, ქართველი ხალხის ინტერესები გათვალისწინებული არ იქნება.
პირველ რიგში, ვიტყვი იმას, რომ, რა თქმა უნდა, კანონპროექტის მიღება ბოლომდე გაგრძელდება. შეთავაზება არის, რომ თუ აქვთ საგნობრივი შენიშვნები კანონპროექტთან დაკავშირებით გვითხრან. ეს პარლამენტი არის ხალხის მიერ არჩეული და ის, რომ გარეთ არიან მომიტინგეები, არ ნიშნავს, რომ ეს მთელი საქართველოა", - ამბობს ქადაგიშვილი.