პარლამენტში „უცხოური გავლენის გამჭვირვალობის შესახებ" კანონპროექტის განხილვა მწვავე ფიზიკური დაპირისპირებით დაიწყო - მაშინ, როცა იურიდიულ საკითხთა კომიტეტის სხდომაზე უმრავლესობის წევრი მამუკა მდინარაძე დეპუტატებს პროექტის დეტალებს აცნობდა, „მოქალაქეების" დეპუტატმა ალეკო ელისაშვილმა მოულოდნელად თავში ჩაარტა, რამაც შემდეგ ვითარება უფრო გაამწვავა. ანალიტიკოსები მიიჩნევენ, რომ რაც უფრო მოახლოვდება კანონპროექტის დამკიცების დრო, ვითარება მით უფრო დაიძაბება და გამწვავდება.

ისრაელის ომის კაბინეტი ვერ შეთანხმდა თუ როდის და როგორ უნდა უპასუხოს ქვეყანამ ირანის მიერ განხორციელებულ თავდასხმას. ქვეყნის პრეზიდენტის ისააკ ჰერცოგის თქმით, ისრაელს ომი არ სურს. დასავლელი ლიდერები კი აცხადებენ, რომ ყველაფერი გაკეთდება ახლო აღმოსავლეთში ესკალაციის თავიდან ასარიდებლად.

შუა დერეფნის როლი მუდმივად იზრდება, რუსეთ-უკრაინის ომის დაწყებიდან დღემდე, ტენდენცია არ შეცვლილა. ახლა მთავარი გამოწვევაა, როგორ აუვა საქართველო ტვირთებზე გაზრდილ მოთხოვნას. განსაკუთრებით საყურადღებოა შუა აზიის ქვეყნები, საიდანაც მოთხოვნა არნახულად გაიზარდა და ქვეყანას მათი მომსახურება უფრო და უფრო უჭირს.

იტალიაში დააკავეს საქართველოს მოქალაქე, რომელიც იარაღით გამვლელებს ემუქრებოდა. იტალიური მედია წერს, რომ 34 წლის ქართველი კაცი, ქურდობისა და ყაჩაღობის ისტორიით, სესტო სან ჯოვანიში იარაღის უკანონო შენახვის, მოპარული ნივთების მიღებისა და საჯარო მოხელისთვის წინააღმდეგობის გაწევის ბრალდებით დააკავეს.

„ქართული ოცნების“ მიერ „უცხოური გავლენის გამჭვირვალობის შესახებ“ახლახანს ინიცირებული კანონისაზოგადოებაში მწვავე დაპირისპირების მიზეზი გახდა, საერთაშორისო აქტორები კი ხელისუფლების ამ ინიციატივას მკვეთრად უპირისპირდებიან.

რა გამოსავალი არსებობს და როგორ უნდა მიიღწეს კონსენსუსი?

ექსპრეზიდენტმა მიხეილ სააკაშვილმა „მთავარი არხის" დაკვეთით „სოციალური კვლევისა და ანალიზის ინსტიტუტის" მიერ ჩატარებულ კვლევას „საუკუნის ანეგდოტი" უწოდა. კვლევაში ოთხი პარტია ლახავს 5%-იან ბარიერს და „ახალს" დაფუძნებიდან მალევე, ქართული პოლიტიკური რეალობისთვის საკმაოდ მაღალი - 13%-იანი მხარდაჭერა აქვს. რამდენად რეალისტურია ასეთი შედეგი და რა მოჰყვება სააკაშვილის პირველ დაპირისპირებას ნიკა მელიასა და ნიკა გვარამიას გუნდთან?

„უცხოური გავლენის გამჭირვალობის შესახებ" კანონპროექტის საპროტესტო აქცია ორშაბათს არის ჩანიშნული. ანალიტიკოსები ქვეყანაში მიმდინარე მოვლენებიდან გამომდინარე მრავალრიცხოვან აქციას ელოდებიან. ზოგიერთი მათგანი მონაწილეთა გარკვეული ნაწილის პარლამენტში შესვლას და სხდომის ჩაშლასაც ვარაუდობს. ნაწილი ფიქრობს, რომ გარკვეული მიზეზებიდან გამომდინარე, ხელისუფლება კანონის დროში გაწელავს და შესაძლოა ზაფხულამდე საერთოდაც თაროზე შემოდოს.

მმართველი პარტიის მთავარ ოფისთან შაბათს გამართულ საპროტესტო აქციაზე ცნობილი გახდა, რომ პარტია „ქართული იდეის" ლიდერმა ლევან ჩაჩუამ „ალტ-ინფოს" პარტია აჩუქა. თავად „ალტ-ინფოს" ლიდერები აცხადებენ, რომ თუ ამასაც გააუქმებენ, უფრო მასშტაბურ აქციებსა და რადიკალურ მოქმედებებზე გადავლენენ. რამდენად სამართლიანი იყო იუსტიციის სამინისტროს მიერ „ალტ-ინფოს" დაფუძნებული პარტია „კონსერვატიული მოძრაობისათვის" რეგისტრაციის გაუქმება და დაკარგა თუ არა ამით „ოცნება" კონსერვატიულად განწყობილი ამომრჩევლების მხარდაჭერა?

მას შემდეგ, რაც პრეზიდენტმა სალომე ზურაბიშვილმა ლაზარე გრიგოლადისი შეიწყალა, გაიზრდა თუ არა მიხეილ სააკაშვილის შეწყალების ალბათობა? თავად პრეზიდენტი აცხადებს, რომ ერთხელ ნათქვამ „არა და არასდროს“ არ ცვლის: „ეს შედის იმ შეწყალების რიგში, რომელზედაც ნათქვამი მაქვს ყველაფერი, რისი თქმაც მინდოდა და რომელზედაც კომენტარს არ ვაკეთებ“.

პრემიერ ირაკლი კობახიძის და გერმანიის კანცლერ ოლაფ შოლცის შეხვედრა ახალი პოლიტიკური დისკუსიის მიზეზი ხდება - რა თქვა გერმანიის კანცლერმა „გამჭვირვალობის კანონის“ შესახებ და როგორი იყო კობახიძის პოზიცია? მთავარი სასაუბრო თემა პრემიერ ირაკლი კობახიძესა და გერმანიის კანცლერს შორის „გამჭვირვალობის კანონი“ იყო. ირაკლი კობახიძეს მოუწია შოლცის მთავარ კრიტიკულ გზავნილებზე საჯაროდ პასუხის გაცემა. პრემიერი ამბობს, რომ კანონპროექტი, რომელიც მარტის აქციებიდან ერთი წლის შემდეგ ხელისუფლებამ ისევ დააბრუნა, მავნებელი არ არის.

„უცხოური გავლენების" შესახებ კანონპროექტის ინიცირებას სხვადასხვა სფეროებში მოღვაწე ადამიანებიც გამოეხმაურნენ. პოლიტიკოსები ორივე მხრიდან კულტურის სფეროს წარმომადგენლებსა და სპორტსმენებზე აკეთებენ აპელირებას. განსაკუთრებულად მწვავედ პოზიცია თეატრალურმა სამყარომ გამოხატა. ერთი ნაწილი ამას მწვავედ აფასებს და აცხადებენ, რომ ეს რუსული კანონია. მეორე მხარე კი ამბობს, რომ „ენჯეოების" ყოველი ხარჯი უნდა იყოს გამჭვირვალე და ამაში ცუდ ვერაფერს ხედავენ.

უკრაინის შეიარაღებული ძალების გენერალური შტაბი დაზვერვის მონაცემებზე დაყრდნობით აცხადებს, რომ რუსმა სამხედროებმა, შესაძლოა, ზაპორიჟიეს ატომურ ელექტროსადგურზე პროვოკაცია მოაწყონ. „ეს იქნება კიდევ ერთი მორიგი ოპერაცია ყალბი დროშის ქვეშ", - ნათქვამია შეტყობინებაში. ბოლო კვირების განმავლობაში, რუსეთმა რამდენჯერმე სცადა პასუხისმგებლობის დაეკისრებინა უკრაინისთვის და აცხადებდა, რომ ატომური ელექტროსადგურის ობიექტებს თავს უკრაინული დრონები ესხმოდნენ.

საქართველოში უმუშევრობის დონე მკვეთრად შემცირდა, რაც დიდწილად მაღალი ემიგრაციის ,,დამსახურებაა", თუმცა ამ პროცესზე გარკვეული გავლენა ბიზნესის მხრიდან კადრებზე მაღალი მოთხოვნითაც არის გამოწვეული. გამოწვევა მაინც რჩება და  უმუშევრობის შემცირების დადებით ეფექტს საზოგადოება მაინცდამაინც ვერ გრძნობს. როგორც აღმოჩნდა, 2023 წელს საქართველოში უმუშევრობა 11,7%-ია და ბოლო 20 წლის მინიმუმზეა. მონაცემები შრომის საერთაშორისო ორგანიზაციის მოდელირებულ შეფასებას ეყრდნობა.

მსახიობებისა და ფეხბურთელების შემდეგ „გამჭვირვალობის“ კანონპროექტში ბინზესის ჩათრევის ნიშნები გამოიკვეთა. კერძო სექტორის რამდენიმე წარმომადგენელი მთავრობის მისამართით უკმაყოფილებას გამოხატავს და სხვებსაც მოუწოდებს ხელისუფლებას და საზოგადოებას დაუპირისპირდეს. ასეთი პოლარიზაცია ეკონომიკას საფრთხის ქვეშ აყენებს.

ავტოსაგზაო შემთხვევების რაოდენობა შემცირების ნაცვლად, იზრდება. ამასთან ამ შემთხვევის დროს დაზარალებულ ადამიანთა რაოდენობამაც. სტატისტიკას თუ გადავხედავთ გაზრდილია ლეტალური შედეგიც. პრევენციას არათუ სასურველი შედეგი, არამედ უკეშედეგი მოაქვს.

მსოფლიოში მოსახლეობაში მსყიდველუნარიანობა სულ უფრო მეტად იკლებს და შედეგად ფულის თვითღირებულება ეცემა. თანაც, გლობალურად ბევრი ფული "იბეჭდება", რაც შემდგომში ვალუტების გაუფასურებას იწვევს. ასეთ სიტუაციაში კი, როგორც ექსპერტები ამბობენ, ოქროს დარეზერვება უსაფრთხო ნაბიჯი.

უმძიმესი დანაშაული ბოლნისში - 34 წლის მამაკაცი, რომელსაც ოჯახი და ადგილობრივები რამდენიმე დღე ეძებდნენ, ტყეში მოკლული იპოვეს. ადგილობრივები „რეზონანსთან“ ყვებიან, რომ ცხედარს დაზიანებები აქვს და წამების კვალი ეტყობა. დაღუპული ისაუ ჰუსეინოვია, რომელიც შშმ პირი იყო, ხოლო  დანაშაულის მოტივი გაუგებარია. 

„ნიკორას“ მოლარე მომხმარებლის დაგროვებულ ქულებს ხარჯავდა და ფინანსური სარგებლის მიღების მიზნით, კომპიუტერულ სისტემაში უნებართვოდ შეაღწია. ნასამართლევი და ამჟამად პირობითი მსჯავრის ქვეშ მყოფი ორი პირი - 2004 წელს დაბადებული ა.ე. და 2003 წელს დაბადებული ჯ.უ. პოლიციამ დააკავა.