სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მოსაზრება
    14.02.2019

    ჩვენი გაერთიანებისათვის 2019 განსაკუთრებული წელია აღმოსავლეთ სამეზობლოსთან, კერძოდ სომხეთთან, აზერბაიჯანთან, ბელარუსთან, საქართველოსთან, მოლდოვასთან და უკრაინასთან ურთიერთობის კუთხით.

    წელს ჩვენ აღმოსავლეთ პარტნიორობის (უფზ) რეალური ფუნქციონირების მე-10 წლისთავს აღვნიშნავთ. ბევრს არ სჯეროდა, რომ ეს პარტნიორობა რეგიონში ცვლილებებს მოახდენდა, მაგრამ გავიხსენოთ აღმოსავლეთ პარტნიორობის მღელვარებით აღსავსე პირველი წლები - რწმენა, რომ ჩვენ შევქმნიდით რაღაც ახალსა და ტრანსფორმაციულს. წლების განმავლობაში აღმოსავლეთ პარტნიორობამ არათუ გადალახა სიძნელეები, არამედ განვითარდა და თავდაპირველ მოლოდინსაც კი გადააჭარბა.

    ევროკავშირის მასშტაბით, უფზ აღმოსავლეთ სამეზობლოს ერთადერთ ყოვლისმომცველ მიდგომად რჩება. მისი მიზნები და პრიორიტეტები ფართოდაა აღიარებული. ეს არის ევროპის სამეზობლო პოლიტიკის (უტზ) უმნიშვნელოვანესი ნაწილი და ერთგვარი ქოლგა, რომელიც პარტნიორი სახელმწიფოების ევროკავშირთან ურთიერთობის გაღრმავებისა და საერთო მნიშვნელობის საკითხების განხილვის საშუალებას იძლევა.

    დღეს ჩვენ დარწმუნებულნი ვართ, რომ ეს უნიკალური პარტნიორობა ევროკავშირის ერთ-ერთი ყველაზე წარმატებული საგარეო პოლიტიკური ინიციატივაა.

    ეს არის ჩვენი საერთო ფასეულობები, ადამიანის უფლებები, კანონის უზენაესობა, დემოკრატია, ეფექტური მმართველობა და თითოეული ქვეყნის უფლება, აირჩიოს საკუთარი მომავალი, რასაც ევროკავშირიცა და მისი წევრი სახელმწიფოები თანმიმდევრულად იცავენ ამ 10 წლის განმავლობაში.

    პოლიტიკური ტრანსფორმაცია ჯერჯერობით არ დასრულებულა და კვლავ ბევრი რამაა გასაკეთებელი. აღმოსავლეთ პარტნიორობის ქვეყნების მოქალაქეთა უმრავლესობა ევროპულ ღირებულებებსა და ევროპულ იდენტობას იზიარებს, რაც მათ წინსვლის დამატებით მოტივაციას ანიჭებს.

    აღმოსავლეთ პარტნიორობის მეშვეობით, ევროკავშირი და მისი აღმოსავლეთ პარტნიორები ინვესტირებას აგრძელებენ აღმოსავლეთ ევროპის განვითარების, უსაფრთხოებისა და სტაბილურობის საქმეში.

    რას მივაღწიეთ?

    საქართველოსთან, მოლდოვასთან და უკრაინასთან ასოცირებისა და თავისუფალი ვაჭრობის შესახებ შეთანხმების ხელშეკრულება რეფორმებს უხსნის გზას და ხელს უწყობს ეკონომიკურ, სოციალურ და რეგიონულ განვითარებას. პარტნიორ ეკონომიკებს ევროკავშირის 500-მილიონიან ბაზარზე და, რაც მთავარია, მის მკაფიოდ განსაზღვრულ წესებსა და ხარისხის სტანდარტებზე უჩნდებათ წვდომა.

    ევროკავშირი უფზ-ის 5 სახელმწიფოსათვის უმთავრესი სავაჭრო პარტნიორია (ბელარუსისთვის - მეორე). მნიშვნელოვანია ის ფაქტიც, რომ სავაჭრო მოცულობა სტაბილურად იზრდება. ჩვენ ველით, რომ გაზრდილ ვაჭრობას გაზრდილი ინვესტიციები მოჰყვება.

    ევროკავშირმა საგარეო საინვესტიციო გეგმა აამუშავა, რომელიც მეწარმეებს ფინანსური მხარდაჭერით, გარანტიებითა და ტექნიკური დახმარებით უზრუნველჰყოფს. ვაჭრობისა და ინვესტიციების ზრდა ჩვენს საერთო ეკონომიკურ ინტერესებშია. მზარდი სავაჭრო ნაკადების მომსახურებისათვის სატრანსპორტო სფეროში ინვესტიციები და ციფრული და ენერგეტიკული ინფრასტრუქტურის განვითარებაა საჭირო.

    ცოტა ხნის წინ ევროკავშირმა აღმოსავლეთ პარტნიორობის ქვეყნებისათვის ტრანსევროპული სატრანსპორტო ქსელი აამუშავა (ეუტ-ე). მსოფლიო ბანკთან ერთად ხორციელდება თითქმის ა13-მილიარდიანი საინვესტიციო გეგმა, რომლის მეშვეობითაც 4,800 კმ გზის საფარი, სარკინიგზო ხაზი და 6 პორტი აშენდება. ევროკავშირი ენერგო სექტორში ხელს უწყობს დივერსიფიკაციის, ტრანსფორმაციის, ეფექტურობისა და განახლებადი ენერგიის განვითარებას.

    ჩვენ ვმუშაობთ სწ/-ის ემისიების შემცირებასა და ეფექტიანი ეროვნული ემისიების მონიტორინგის შემუშავებაზე. ეს ყველაფერი ძალიან მნიშვნელოვანია კონკურენტუნარიანობის გაზრდის, უფრო მდგრადი ეკონომიკური განვითარებისა და ხალხის კეთილდღეობისათვის.

    როუმინგის ტარიფები

    ციფრული ტექნოლოგიების სფეროში ჩვენ მოვუწოდებთ აღმოსავლეთ პარტნიორობის ქვეყნებს როუმინგის ტარიფების დარეგულირებისაკენ, რაც პირველი ნაბიჯი იქნება ევროკავშირის როუმინგ ზონასთან ჰარმონიზაციის კუთხით.

    2014 წლიდან 30 000-ზე მეტმა ახალგაზრდამ მიიღო მონაწილეობა უკფთქგთ ზდგთ-ის მობილობებსა და მოხალისეობრივ პროექტებში, ხოლო უგ"ნწგერ-ის ფარგლებში, პარტნიორი ქვეყნების 23 000-მდე ახალგაზრდას გაეწია დახმარება მეწარმეობისა და დასაქმების საქმეში.

    მაგრამ ჩვენი პარტნიორობა გაცილებით მეტია, ვიდრე ასოცირების შეთანხმებები, თავისუფალი ვაჭრობის სფეროები, უვიზო მიმოსვლა და ახალგაზრდათა უნარ-ჩვევებზე მუშაობა. ეს არის მდგრადი განვითარება და ინოვაცია. ეს არის მედეგობა. ის აკავშირებს ქვეყნებს, ხალხებს და მოიცავს არაერთ საკითხს, მათ შორის სამოქალაქო საზოგადოების, პლურალიზმის, დამოუკიდებელი მედიისა და გენდერული თანასწორობის ხელშეწყობას.

    არ არსებობს მიდგომა, რომელიც საყოველთაო იქნება. აღმოსავლეთ პარტნიორობა გვევლინება, როგორც ინდივიდუალური მიდგომის მექანიზმი, რომლის ფარგლებშიც, ყველას შეუძლია, დაუახლოვდეს ევროკავშირს საკუთარი ამბიციებისა და შესაძლებლობების მიხედვით.

    სომხეთმა და ევროკავშირმა გაძლიერებულ პარტნიორობასა და თანამშრომლობის შეთანხმებას მოაწერეს ხელი. აზერბაიჯანმა და ბელარუსმა კონკრეტული გზები აირჩიეს. ევროკავშირის ლიდერებმა და პარტნიორმა ქვეყნებმა 2017 წლის ბრიუსელის სამიტზე კიდევ ერთხელ გაუსვეს ხაზი სამიზნე ურთიერთობის დამყარების მნიშვნელობასა და მხარდაჭერას.

    ჩვენი მხარდაჭერა, რა თქმა უნდა, რეფორმების წარმატებაზეა დაფუძნებული. ამიტომაც ძალიან მნიშვნელოვანია პროცესების მართვა. პარტნიორმა ქვეყნებმა უნდა გააგრძელონ რეფორმების სრული პასუხისმგებლობით გატარება.

    მაღალი ამბიციები

    ჩვენ პარტნიორი ქვეყნებისგან გაზრდილ ამბიციებს მოველით (განურჩევლად მათი სახელშეკრულებო ურთიერთობისა ევროკავშირთან). მეტი ძალისხმევის სანაცვლოდ, მეტს მიიღებენ, ხოლო საწინააღმდეგო შემთხვევაში - შესაბამისს - ნაკლებს. ჩვენ გვსურს, მე-10 წლის საიუბილეო ღონისძიებაზე მიღწევებს გავუსვათ ხაზი (და არა მხოლოდ). ასევე უნდა განვსაზღვროთ ისიც, თუ საითკენ უნდა ვიმოძრაოთ და როგორ.

    რაში გვჭირდება აღმოსავლეთ პარტნიორობა - რატომ არის უკეთესი თანამშრომლობა და პრობლემების ერთობლივად მოგვარება? როგორ უნდა შევუწყოთ ხელი ჩვენს პარტნიორებს, რომ ევროპეიზაციის გზაზე მკაცრი რეფორმების გატარება გააგრძელონ?

    ჩვენ უნდა გავაგრძელოთ ღრმა და ყოვლისმომცველი დაკვირვება ჩვენს ურთიერთობაზე და განვსაზღვროთ სამომავლო შეთავაზებები. ურთიერთობა აღმოსავლეთ მეზობლებთან განსხვავდება ერთმანეთისაგან. და მაინც, აღმოსავლეთი მნიშვნელოვანია ევროპისათვის, ხოლო ევროკავშირი - ჩვენი აღმოსავლეთ პარტნიორებისათვის.

    აღმოსავლეთ პარტნიორობა ორივე კუთხით მუშაობს: ვსწავლობთ, ვადაპტირდებით და ურთიერთზეგავლენას ვახდენთ. აღმოსავლეთ პარტნიორობა არის ტრანსფორმაციული პოლიტიკა, რომელიც აღმოსავლეთ პარტნიორებს ჩვენთან აახლოებს, ხოლო ჩვენ - მათთან.

    ის, რაც უნიკალურს ხდის ევროპას, არის არა მხოლოდ პოლიტიკა და ეკონომიკა, არამედ მისი კულტურაც. აღმოსავლეთ პარტნიორობის ყველა ქვეყანა ევროპის კულტურის ნაწილია. ევროპის ენერგეტიკისა და ადაპტაციის უნარი ასევე დამოკიდებულია მზადყოფნასა და უნარზე, საერთო მემკვიდრეობის მდიდარი და მრავალფეროვანი ტრადიციებით ვისარგებლოთ.

    ჩვენ უნდა ვაღიაროთ, რომ ვიმყოფებით ინფორმაციულ-კომუნიკაციური ომის რეჟიმში. არ არის სადავო, რომ დღეს, აღმოსავლეთ პარტნიორობის ფორმატში გაწეული ძალისხმევის წყალობით, ვართ ბევრად უკეთეს მდგომარეობაში. ევროკავშირის მიერ მხარდაჭერილი რეფორმები ხელს უწყობს ჩვენი აღმოსავლეთ მეზობლების მოდერნიზაციას, საზოგადოებების გარდაქმნას, რაც მათი ცხოვრების გაუმჯობესებას უწყობს ხელს.

    აღმოსავლეთ პარტნიორობის დაარსებიდან მე-10 წელს ახალი მიზნები მკაფიოა: ახალი ენერგიითა და დინამიკით უნდა გავაგრძელოთ ჩვენს აღმოსავლეთ პარტნიორებთან მუშაობა. მომავალზე საუბრისას ჩვენ გვჭრდება როგორც მკაცრი, ისე შემოქმედებითი მიდგომა, რათა ვიპოვოთ პოლიტიკური მონაწილეობისა და ამბიციის შესაბამისი ფორმულა.

    საჭიროა, ვიპოვოთ შესაბამისი მექანიზმები, რომელიც ჩვენს პარტნიორობის მიმზიდველობის შენარჩუნებას შეუწყობს ხელს, რაც ერთგვარი მეგზური იქნება განვითარებისა და მოდერნიზაციის გზაზე. ამისათვის უნდა ვისაუბროთ ჩვენს მიზნებზე, პრიორიტეტებსა და საშუალებებზე, რადგან ჩვენ - ევროპელები, ევროკავშირის შიგნით თუ გარეთ მყოფნი, ერთად ვართ ძლიერნი. ის, რასაც ვაკეთებთ დღეს, განსაზღვრავს ჩვენს მომავალს.

    მარგოტ უოლსტრომი - შვედეთის საგარეო საქმეთა მინისტრი, იაცეკ ჩაპუტოვიჩი - პოლონეთის საგარეო საქმეთა მინისტრი, ტომას პეტრჟიჩეკი - ჩეხეთის საგარეო საქმეთა მინისტრი

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved