სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ყაზახეთის დედაქალაქი ყალიბდება ტრანსკონტინენტალურ ფინანსურ ჰაბად ინგლისური სამართლით
    აკაკი გვიმრაძე
    27.02.2019

     ბოლო პერიოდში ყაზახეთი აქტიურ ნაბიჯებს დგამს ქვეყანაში საინვესტიციო კლიმატის გასაუმჯობესებლად, რათა უზრუნველყოს ფინანსური სტაბილურობა და ეკონომიკის მდგრადი განვითარება. ერთ-ერთი ასეთი ნაბიჯი, რომელიც საერთაშორისო ექსპერტებმა უკვე გარღვევად შეაფასეს, გახდა საერთაშორისო ფინანსური ცენტრი "ასტანას" დაარსება.

    ეს უნიკალურია პროექტია - საკუთარი სასამართლოთი, არბიტრაჟით, ბირჟით და დამოუკიდებელი რეგულატორით, რის შედეგადაც "ასტანა" უნდა გახდეს ინვესტიციების მიზიდვის ცენტრი ყაზახეთის ეკონომიკაში, რომელსაც აქვს გასასვლელი ცენტრალური აზიის, ევრაზიის ეკონომიკური კავშირის, სამხრეთ კავკასიის და ახლო აღმოსავლეთის ქვეყნების ბაზრებზე. ამან უნდა გადააქციოს ქვეყანა ცენტრალური აზიის ფინანსური აქტივობის ჰაბად და ტრანსკონტინენტალური მარშრუტების გლობალური ინიციატივის "ერთი გზა ერთი სარტყელი" მნიშვნელოვან პუნქტად.

    "ცენტრი" დაფუძნებულია ინგლისური სამართლის პრინციპებზე, რომელსაც გააჩნია შეღავათიანი საგადასახადო სისტემა და დამოუკიდებელი საფინანსო სასამართლო. იგი უნიკალურია თავისი არნახული ფინანსური შეღავათებით მთელს რეგიონში, ამას დამატებით - დამოუკიდებელი ფინანსური რეგულაცია, რომელიც საერთაშორისო სტანდარტებს ეფუძნება.

    მნიშვნელოვანი პოსტები აქ უკავიათ ინგლისელებს - ინგლისური სასამართლო სისტემა ხომ ცნობილია მთელს მსოფლიოში, ხოლო ლონდონი მიჩნეულია საერთაშორისო სამართალწარმოების ცენტრად. აქედან გამომდინარე, ეს ასპექტი არის მიუკერძოებელი და სამართლიანი სამართალწარმოების გარანტია.

    "ასტანა" აღჭურვილია განსაკუთრებული სამართლებრივი რეჟიმით, რომელიც არის დამოუკიდებელი ყაზახეთის სასამართლო სისტემისგან და რომელიც მთლიანად ეფუქძნება ინგლისური სამართლის პრინციპებს, ხოლო უცენტრისფ ტერიტორიაზე სამართალწარმოების ოფიციალურ ენად აღიარებულია ინგლისური. აღსანიშნავია მოსამართლეთა სტატუსი, რომლებიც არიან უცხოელი ინვესტორების უფლებებისა და ინტერესების დაცვის გარანტი. ეს ხაზს უსვამს ყაზახეთის მისწრაფებას, რათა ტრანსნაციონალური კომპანიებისათვის მუშაობის მომხიბვლელი პირობები შექმნას.

    აყაზახეთი ცენტრის ინვესტორებს სთავაზობს უპრეცენდენტო შეღავათიან პირობებს - ეს არის საგადასახადო პრეფერენციები 50 წლის ვადით - "ასტანას" ინვესტორები გათავისუფლებულნი არიან ინდივიდუალური და კორპორატიული საშემოსავლო გადასახადებისგან 2066 წლის 1 იანვრამდე. ამას ემატება გამარტივებული სავიზო და სამუშაო რეჟიმი. "ცენტრის" თანამშრომლები და მათი ოჯახის წევრები მიიღებიან 5-წლიან ვიზას. და დამატებით, კიდევ ერთი სასიამოვნო ბონუსი - "ა" კლასის ოფისების უფასო არენდა პირველი 2 წლის განმავლობაში. შედეგი სახეზეა - ჯერ კიდევ გახსნამდე "ასტანაში" უკვე დარეგისტრირდა 55 კომპანია.

    "ასტანას" საერთაშორისო ფინანსური ცენტრის მმართველის კაირატ კალიმბეტოვის განცხადებით, 2020 წლამდე კომპანიების რაოდენობა 500-ს გადააჭარბებს. "ჩვენთვის ეფექტურობის მთავარი მაჩვენებელი იქნება მოზიდული საერთაშორისო ინვესტიციების რაოდენობა. ათეულობით მილიარდი დოლარის ინვესტიცია - ეს არის ახალი სამუშაო ადგილები და მსყიდველთუნარიანობის ზრდა, რაც დიდი პლიუსი იქნება ჩვენი ქვეყნისთვის" - თქვა კ. კალიმბეტოვმა.

    უნდა აღინიშნოს, რომ "ცენტრის" შექმნის ინიციატორი და ორგანიზატორი ყაზახეთის პრეზიდენტი ნურსულტან ნაზარბაევია. თავისი ერთ-ერთი საჯარო გამოსვლისას "ერის გეგმა - 100 ნაბიჯი 5 ინსტიტუციონალური რეფორმისათვის" მან გაახმოვანა არაორდინალური იდეა - "ასტანა ექსპო 2017"-ის ბაზაზე შექმნილიყო საერთაშორისო ფინანსური ცენტრი. ორიენტირი გახდა ანალოგიური ცენტრი დუბაიში.

    ფინანსური ცენტრის განსაკუთრებული სტატუსის კონსტიტუციაში ჩაწერა, მისი ფინანსურ ჰაბად გადაქცევა დსთ-ს ქვეყნებისათვის, აგრეთვე დასავლეთ და ცენტრალური აზიის მთელი რეგიონისთვის - ეს პრიორიტეტები დასახა პრეზიდენტმა და "ცენტრის" შექმნა შესაბამისი ბრძანებულებით გაამყარა. პერსპექტივაში ყაზახეთის ფინანსური ჰაბი მსოფლიოს 20 საუკეთესო ფინანსური ცენტრების სიაში უნდა მოხვდეს.

    ბრიტანეთში ოფიციალური ვიზიტისას ნურსულტან ნაზარბაევი ცნობილ ჯეიკობ როთშილდს შეხვდა - ორიოდე დღის შემდეგ კი ყაზახეთის პარლამენტმა საკანონმდებლო დონეზე გაამყარა "ასტანას" სტატუსი. თითქმის 1 წლის უკან კი, 2018 წლის იანვარში საერთაშორისო ფონანსურმა ცენტრმა ოფიციალური სტარტი აიღო.

    პრემიერ-მინისტრის ბაკიტჟან საგინტაევის განცხადებით, "ცენტრი" მნიშვნელოვნად გაზრდის ყაზახეთის საერთაშორისო შესაძლებლობებს და დაეხმარება მოძებნოს და დაიკავოს თავისი ადგილი საერთო სქემაში.

    "ყაზახეთი ფინანსური ცენტრს მსოფლიო ფინანსური სისტემის ნაწილად განიხილავს. გლობალური ფინანსური ცენტრების ხაზი, რომელიც მსოფლიოს ფულად ნაკადებს მართავს, კვეთავს მთელს დედამიწას და თითოეულ მათგანს თავისი ფუნქცია აქვს. ასტანა გლობალური ინიციატივის "ერთი გზა ერთი სარტყელის" ახალი ტრანსკონტინენტალური მარშრუტების უმნიშვნელოვანესი მონაკვეთია, ამიტომაც "ცენტრი" ბუნებრივი ფინანსურ-ეკონომიკური ხიდი გახდება დასავლეთ ჩინეთს, მონღოლეთსა და ევროპას შორის. ეს ყოველივე ხსნის 1-მილიარდიან გიგანტურ ბაზარზე შესვლის შესაძლებლობას" - ამბობს ბ. საგინტაევი.

    იმის გათვალისწინებით, რომ ნარჩუნდება არასასიამოვნო საერთაშორისო ეკონომიკური კონიუნქტურა, რაც ხასიათდება სანქციური დაპირისპირებით დასავლეთსა და რუსეთს, "სავაჭრო ომებით" აშშ-სა და ჩინეთს შორის, ყაზახეთში ახალი საერთაშორისო ფინანსური ხიდის "ევროპა-აზია" წარმოქმნა ზუსტად პასუხობს ამ გამოწვევებს.

    უნდა აღინიშნოს, რომ აღნიშნული პროექტი მხარდაჭერით სარგებლობს როგორც დასავლეთში, ისე ევრაზიის რეგიონის წამყვანი სახელმწიფოების მხრიდან. ეს ხსნის "შესაძლებლობების ფანჯარას" არამარტო ყაზახეთისთვის, არამედ მისი მრავალრიცხოვანი სახელმწიფო-პარტნიორებისთვისაც, მათ შორის სამხრეთ კავკასიის ქვეყნებისთვის.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved
    ×