სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    გვანცა წულაია
    09.11.2018

     ზაზა სარალიძემ და მალხაზ მაჩალიკაშვილმა, თბილისის მერიიდან გაფრთხილება მიიღეს, რომ საახალწლო სამზადისი იწყება და რუსთაველის გამზირი 7 დეკემბრიდან უნდა გაათავისუფლონ.

    ზაზა სარალიძის და მალხაზ მაჩალიკაშვილის განცხადებით, ისინი პროტესტის შეწყვეტას და მერიის მოთხოვნის შესრულებას არ აპირებენ.

    „ამ წერილით ხელისუფლება გვეუბნება, რომ ხელს ვუშლით ვიღაცეებს. ეს თხოვნაა არის თუ რაც არის ვერ გავითვალისწინებთ. ჩვენ აქ ვდგავართ სამართლიანობის აღდგენის მიზნით. ჩემი შვილი მიწაში წევს და პირდაპირ მეუბნება სახელმწიფო და ხელისუფლება, რომ არაფერს არ გავაკეთებთ თქვენს დასაკმაყოფილებლად. ეს გამოდის ასე ამ წერილით და არა მარტო, რომ ნაძვის ხე უნდა აღვმართოთ და ჩვენ ხელს ვუშლით. პირდაპირ გვითხრა დღეს ხელისუფლებამ, რომ სადაც გინდათ იქ იყავით ჩვენ არანაირი ნაბიჯს არ გადავდგამთ თქვენ მოთხოვნაზე. არ მისცემენ პასუხისგებაში ჩვენი შვილების მკვლელებს და საერთოდ არაფრის გამოძიებას არ აპირებენ ეს წერია პირდაპირ ამ წერილში. ეს არის პირდაპირ კალაძის ხელმოწერით", - განაცხადა ზაზა სარალიძემ.

    პარლამენტის მიმდებარე ტერიტორიის დატოვებას არც მალხაზ მაჩალიკაშვილი აპირებს. მაჩალიკაშვილი ამბობს, რომ იმ ბავშვებს, რომლებიც ახალ წელს საახალწლო ნაძვის ხესთან უნდა მივიდნენ, სწორედ ის და ზაზა სარალიძე იცავენ.

    „ეს იმას ნიშნავს, რომ უსასრულოდ თქვენ რომ იდგეთ პარლამენტის წინ თუ სხვაგან ჩვენ სახელმწიფოს მიერ ჩადენილ დანაშაულს არ ვაღიარებ იდექით რამდენიც გინდა. აი ეს არის მათი სიტყვები დღეს ჩემსა და ზაზას მიმართ გამოგზავნილი. აქ ის ბავშვები რომლებიც უნდა იყვნენ და უნ და იზეიმონ, სახელმწიფოსგან განსხვავებით მე და ზაზა ვიცავთ იმ ბავშვებს. მაგაში ჩვენ დარწმუნებულები ვართ. ეს არის ის ხელისუფლება რომლებიც ბავშვებს ხოცავენ. აქედან ფეხს არ გავადგამთ არსად," - განაცხადა მალხაზ მაჩალიკაშვილმა.

    ზაზა სარალიძე და მალხაზ მაჩალიკაშვილი პარლამენტის წინ აქციებს 2 თვეზე მეტია მართავენ.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2018 by Resonance ltd. . All rights reserved