სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ია აბულაშვილი
    10.09.2019

     „ეს არ არის ნატოს ოფიციალური განცხადება. საქართველოს ნატოში მიღება-არმიღების საკითხს კი წყვეტს ნატო. თანაც ასეთი სკითხები ჯერ კულარებში უნდა მოიხარშოს და დაიწრიტოს და შემდეგ გახდეს საჯარო; ამიტომ, ჯერ საკითხი არ დამგარა და ამ ფრაზის გამო ერთმანეთის დახოცვა არ ღირს“, - აცხადებს პოლიტოლოგი რამაზ საყვარელიძე „რეზონანსთან“ ნატოს ყოფილი გენმდივნის, ადრეს ფოგ რასმუსენის განცხადების კომენტირებისას.

    „რეზონანსი“: თბილისში მიმდინარე საერთაშორისო კონფერენციაზე ნატოს ყოფილმა გენერალურმა მდივანმა ანდრეს ფოგ რასმუსენმა საქართველოს ნატოში ინტეგრაციაზე საუბრისას განაცხადა, რომ თუ ქართველები გადაწყვეტენ, რომ მეხუთე მუხლი ოკუპირებულ ტერიტორიაზე არ გავრცელდეს, ნატოს შეუძლია ამის მიღება.

    რამაზ საყვარელიძე: საქართველო ნატოში შეიძლება აღმოჩნდეს ისე, რომ შეჩერებული იქნება მეხუთე მუხლი. ეს იდეა ახალი არ არის და არსებობს მას შემდეგ, რაც ნატოში საქართველოს გაწევრიანების თემა გაჩნდა. 

    რა თქმა უნდა, ეს თემა არის საფიქრელი, მაგრამ ჩემთვის გასაკვირი აღმოჩნდა ის, რომ ასე მოუმზადებლად გახდა საჯარო, რადგან ასეთი საკითხები ჯერ კულუარებში უნდა მოიხარშოს, დაიწრიტოს და მერე გახდეს საჯარო.

    „რ“: ამ განცხადებას უკვე მოჰყვა დაპირისპირება და განსხვავებული შეფასებები როგორც პოლიტიკურ, ისე ანალიტიკოსთა წრეებში. დღეს "პატრიტორთა ალიანსის" ლიდერი ირმა ინაშვილიც შეეხო საერთაშორისო კონფერენციაზე მომხდარი სკანდალური ინციდენტისას...

    რ.ს.: ეს არ იყო ნატოს ოფიციალური განცხადება. საქართველოს ნატოში მიღება-არმიღების საკითხს კი წყვეტს ნატო. რასმუსენი არის ნატოს ყოფილი გენერალური მდივანი, ამიტომ ამ ფრაზის გამო, ისე, რომ საკითხი არც დასმულა, ერთმანეთის დახოცვა არ ღირს.  

    რაც შეეხება ირმა ინაშვილის მიერ გამოთქმულ პროტესტს  კონფერენციაზე დასწრებასთან დაკავშირებით, მე და თქვენ რომ სუფრა გავშალოთ და ვიღაც მოვიდეს და თქვას, რომ დემოკრატიაა და მოვედიო, გვესიამოვნება?

    „რ“: რუსეთის სახელმწიფო სათათბიროში 1920 წელს საქართველოს ხელისუფლების მიერ ოსების ე.წ. გენოციდის შესაძლო აღიარების საკითხის შესასწავლად მუშა ჯგუფი შეიქმნა. ამ ფაქტს როგორ შეაფასებთ?

    რ.ს.: გენოციდის აღიარება მარტო წარსულის გადაფურცვლა არ არის. ჩვენ ვიცით, რამდენი ხანია იბრძვის სომხეთი, რომ თურქეთმა სომხეთის გენოციდი აღიაროს, მაგრამ ასეთი გადაწყვეტილების მიღება ბევრ რამეზეა დამოკიდებული, მათ შორის იმაზე, თუ როგორ წავა პოლიტიკური პროცესები.  

    თუ კონფლიქტი გაძლიერდა, რუსეთი გენოციდს კი არა ბევრ რაიმეს აღიარებს. მაგრამ რიგი მოსაზრეებების გამო შეიძლება თავი აარიდოს დაპირისპირებას, არა საქართველოს ხათრით, არამედ დასავლეთის. 

    ისე, მეეჭვება, რომ პუტინმა იჩქაროს გენოციდის თემის წამოწევა.

    „რ“: არც შიდა პოლიტიკურ საკითხებში არის სიმშვიდე - ოპოზიცია აანონსებს, რომ 20 სექტემებრს ფართომაშტაბიანი აქცია გაიმართება, რომელიც ხელისუფლების არჩევნებში დამარცხების დასაწყისი გახდება.

    რ.ს.: ოპოზიციის ამ განცხადებებს უკვე შეეჩვია საზოგადოება, რომელსაც ლაიტმოტივად გასდევს, რომ აპირებენ დიდი და შთამბეჭდავი აქციების გამართვას, მაგრამ ვერცერთხელ ვერ  მოახერხეს ასეთი ფართომასშტაბიან აქციის ორგანიზება. 

    მთელი ამ შვიდი წლის განმავლობაში "ნაციონალების" ხელში იყო გარკვეული ტელევიზიებიც, მაგრამ ვერცერთი არჩევნები ვერ მოიგეს. ეტყობა საქმე სხვა რამეშია... მე მგონი, რომ ფართომასშტაბიანი აქციებით ვითარების შეცვლა უფრო წინასაარჩევნო მუქარაა, ვიდრე რეალობა.

    „რ“: ტელევიზები ახსენეთ, მაუწყელობა უკვე დაიწყო გვარმიას "მთავრმა არხმა". თქვენი აზრით, რა პერსპექტივა აქვს ამ ტელევზიას?

    რ.ს.: საუკეთესო შემთხვევაში "მთავარი არხი" იქნება ისეთივე, როგორიც იყო "რუსთავი 2". ოღონდ ამ არხთან ერთი პრობლემა იყო - ბევრი მაყურებელი კი ჰყავდა, მაგრამ ცოტა ენდობოდა, მაყურებლის ნდობა კი ძალზედ მნიშვნელოვანია.  "მთავარ არხს" ახლაც ეყოლება მაყურებელი, მაგრამ მეეჭვება, რომ პოლიტიკური ფუნქცია შეასრულოს.

    „რ“: პოლიტიკურ ველზე ახალი მოთამაშე შემოდის - მამუკა ხაზარაძის ახალი მოძრაობა, რომლიც მალე პარტია გახდება.  ექსპერტთა წრეებში არ გამოიცხავენ, რომ სწორედ ეს მოძრაობა გახდეს მესამე ძალა, რომელსაც ასე ელოდება საზოგადოება. თქვენ როგორ ხედავთ ხაზარაძის პერსპექტივას პოლიტიკაში?

    რ.ს.: მიუხედავად იმისა, რომ ხაზარაძეც და ჯაფარიძეც შესანიშნავი პიროვნებები არიან, ამ ჯგუფს ერთი სუსტი წერტილი  აქვს - ისინი მაინც ბიზნესმენებად აღიქმებიან, რომლებიც ასე არ უყვარს საზოგადოებას, მითუმეტეს ბანკირები. 

    რა სეგმენტი დაუჭერს მხარს? უკვე გაჟღერდა, რომ "ახალგაზრდა იურისტთა ასოციაცია", ანუ ახალგაზრდები, ასევე ინტელიგენცია, მარტო "საბა" რომ გავიხსენოთ, ესეც კმარა. ალბათ გარკვეული ნაწილი ბიზნესწრეებიდან, მაგრამ რამდენად გახდება მესამე ძალა, არ ვიცი, ამას სჭირდება პოლიტიკური იმიჯი. 

    რა თქმა უნდა შეხვედებათ წინააღმდეგობა, რადგან ხაზარაძის პარტიულ მოძრაობას სხვა პოლიტიკური ძალები კონკურენტად განიხილავენ, მაგრამ ნულოვანი ბარიერის პირობებეში პარლამენტში მაინც შევა, თუმცა არ იმ რაოდენობით, რომ პოლიტიკური პროცესების მართვა შეძლოს.

    ლიცენზია
    დატოვე კომენტარიკომენტარები (2)
    ჩაწერა სახელი
    მედეა   (11.09.2019)
    ყველა ექსპერტთა შორის, ბატონი რამაზი გამოირჩევა მაღალი ნდობით, მის ნააზრევს სრულად ვეთანხმები. გაიხარეთ!

    status quo   (11.09.2019)
    არასოდეს არ მივცემ მეც და სხვებიც,ხალხის უნამუსოდ მყვლეფავ ხაზარაძეს და მის ცოლისძმას, რომლებიც უნამუსოდ ართმევდნენ ხალხს უკანასკნელ ლუკმას და საცხოვრებელს.ეხლა ურიგონ ფულები ახალგაზრდა იურისტთა ასოციაციას და სხვებს.მოწველიან და საქმეს არ გაუკეთებენ.


    Copyright © 2006-2019 by Resonance ltd. . All rights reserved
    ×