მარიამ ბოლქვაძე
17.09.2019

 აშშ-ის ეროვნულ-დემოკრატიული ინსტიტუტის („ენ-დი-აი") ბოლო კვლევის თანახმად, საქართველოში, მოსახლეობის 49% საბჭოთა კავშირის დაშლას პოზიტიურ, 41% კი ნეგატიურ მოვლენად აფასებს. პოლიტოლოგ რამაზ საყვარელიძის აზრით, სსრკ-სადმი ნოსტალგიის ასეთი მაღალი მაჩვენებელი საქართველოში დღეს არსებული მძიმე ეკონომიკური მდგომარეობითაა გამოწვეული.

„საბჭოთა პერიოდში, ეკონომიკური მდგომარეობის გამო უკმაყოფილო ამდენი ადამიანი არ იყო. არა მხოლოდ საქართველოში, არამედ მთელს საბჭოთა სივრცეში, სადაც ეკონომიკამ ადამიანებს ვერ მისცა ის, რაც მათ სურდათ, იგივე შედეგია,"-ამბობს საყვარელიძე.

მისივე თქმით, ერთ-ერთი პირველი ქვეყანა, რომელმაც საბჭოთა კავშირის წევრობა ქუჩებში ხმაურიანი გამოსვლებით გააპროტესტა, საქართველო იყო, რადგანაც ქართველები სსრკ-ს მიმართ დადებითად განწყობილი არასოდეს ყოფილან. მაგრამ ცხოვრების დონის გაუარესებამ ისინი ერთგვარად წარსულში დააბრუნა.

„შედარებით ასაკოვან ადამიანებს, საბჭოთა კავშირის გარდა, თითქმის არაფერი უნახავთ. სხვანაირი ქვეყანა არ უნახავთ და როდესაც ისინი დაფიქრდებიან, ეკონომიკური თვალსაზრისით რომელი დრო ჯობდა - წარსული თუ ახლანდელი, მათ დღევანდელი მდგომარეობა აიძულებთ თქვან, რომ კომუნისტური რეჟიმის ცხოვრების დონე უკეთესი იყო," - აღნიშნა რამაზ საყვარელიძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×