მარი ოთარაშვილი
27.12.2013

სპეციალურად "რეზონანსისთვის" ახალგორიდან

იანვრიდან ახალგორის (როგორც იქ უწოდებენ - ლენინგორის) რაიონში დე ფაქტო ხელისუფლება პენსიებისა და ხელფასების გაზრდას 20-30%-ით აპირებს. ადგილობრივები შიშობენ, რომ ამ სიკეთესთან ერთად შესაძლებელია, საგზაო წესები, კერძოდ დე ფაქტო საზღვრის გადაკავეთა გართულდეს. თუმცა ეს ამ ეტაპზე ცხინვალიდან არ დასტურდება.

ეკა ბასილაია
26.12.2013

"მერიამ თავიანთი ზონდერების დასაქმების სამსახური შექმნა. ყველაზე არ ვლაპარაკობ, მაგრამ უმრავლესობა ზონდერი იყო. ეს ის ხალხია, რომლებიც თავის დროზე სხვადასხვა ადგილზე იყვნენ გაფორმებულები, არბევდნენ ოპოზიციურ მიტინგებს და თბილისის მერიაში ასეთი ხალხისთვის დაცვის სამსახური შექმნეს, რომლის ხელმძღვანელი იყო ეს ლეგაშვილი. პირადად მე კარგად მახსოვს, ბევრ ღონისძიებაზე სხვადასხვა სადამსჯელო ოპერაციას ხელმძღვანელობდა...

თიკო ოსმანოვა
26.12.2013

 პროკურატურა ძველი თბილისის გამგებლის მოადგილის კობა ხარშილაძის ზურაბ ჟვანიას საქმესთან დაკავშირებით დაპატიმრებას უარყოფს. მათი განცხადებით, ხარშილაძეს ბრალად სამეწარმეო საქმიანობა და უკანონო შემოსავლის ლეგალიზება ედება. ადვოკატების მტკიცებით, სააპელაციო სასამართლომ გაამყარა ეჭვები, რომ ხარშილაძე ჟვანიას საქმესთან დაკავშირებით არის დაკავებული.

მაია აბაიაძე
26.12.2013

საზოგადოებრივი კომუნიკაციების მართვის სპეციალისტი არჩილ გამზარდია "რეზონანსთან" საუბრისას აცხადებს, რომ "ოცნება" საკუთარ მიღწევებს "ვერ ყიდის", რადგან სულ მოგერიების რეჟიმშია. მათ ერთიანობა აკლიათ და ხშირად ურთიერთგამომრიცხავ განცხადებებს აკეთებენ, რითაც საზოგადოებაში ნდობა მცირდება, "ნაცმოძრაობას" კი მათი სისუსტეები კარგად აქვს შესწავლილი და ცდილობს, მთავრობის ნეგატიურად წარმოჩენით საკუთარი თავი ერთადერთ ალტერნატივად წარმოადგინოს.

ეკა ბასილაია
26.12.2013

"ბოლო დღეების განმავლობაში სარევიზიო კომისიის თავმჯდომარისგან სხვადასხვა ტიპის ისტორიებს ვისმენთ. მან რაც განაცხადა, იმ ფაქტებში ბევრი უზუსტობაა და ზოგადად მრჩება შთაბეჭდილება, რომ (კომისია) პროკურატურის დაკვეთით ახალ ზღაპარს ქმნიის", - აცხადებს თბილისის საკრებულოს ფრაქცია "ნაციონალური მოძრაობა - რეფორმატორების" თავმჯდომარე თემურ გრიგალაშვილი.

თათია ჩაფიჩაძე
26.12.2013

 ტელეკომპანია "ტვ3" წინა ხელისუფლების წარმომადგენლებს ტელევიზიის მიმართ შანტაჟსა და მუქარაში ადანაშაულებს. განცხადებაში, რომელიც ტელევიზიამ გუშინ გაავრცელა, ნათქვამია, რომ "ნაციონალური მოძრაობის" მხრიდან ბოლო თვეების განმავლობაში არხის "შეგნებული დისკრედიტაცია" მიმდინარეობს.

იაგო ნაცვლიშვილი
26.12.2013

ვაკის პარკის მიმდებარედ და მის შიგნითაც მშენებლობა მიმდინარეობს, რასაც ადგილობრივები აპროტესტებენ. მათი თქმით, პარკი ნადგურდება. მერიაში კი აცხადებენ, რომ ტერიტორია კერძო მესკუთრისაა და ისინი ამაში ვერ ჩაერევიან.

სალომე სარიშვილი
26.12.2013

 ინდოეთის დასავლეთ სანაპიროზე, შტატ გოაში, კათოლიკური ეკლესიის ნანგრევებში რამდენიმე წლის წინ აღმოჩენილი მარჯვენა მკლავის ძვალი შეიძლება კახეთის დედოფალს, ქეთევან წამებულს ეკუთვნოდეს. დე-ენ-ემის კვლევის შედეგად დადასტურდა, რომ ძვალი არ ეკუთვნის ადგილობრივ მცხოვრებს და კავკასიის მცხოვრებლების დე-ენ-ემს ჰგავს. ამის შესახებ ინფორმაცია ამერიკის არქეოლოგიის ინსტიტუტის ვებ გვერდმა (ფკსრფუწდწპნ.წკპ) გუშინწინ გაავრცელა, თუმცა კულტურის სამინისტროში ამბობენ, რომ ეს ინფორმაცია მათთვის ცნობილი იყო.

თაკო მათეშვილი
25.12.2013

 იურისტთა ნაწილი მთავარი პროკურორის, ოთარ ფარცხალაძის თანამდებობაზე დარჩენას დაუშვებლად მიიჩნევს. მათი თქმით, იმის მიუხედავად, რომ კანონი არ კრძალავს წარსულში ნასამართლევი პირის მაღალ თანამდებობაზე მუშაობას, "დაუწერელი კანონებისა" და "მორალის" თანახმად, იგი ვალდებულია, პოსტი დატოვოს, რათა საზოგადოებას პროკურატურისადმი ნდობა არ დაუკარგოს.

რუსიკო მაჩაიძე
25.12.2013

 "ნაციონალები" კვირაზე მეტია ითხოვენ, რომ მერაბიშვილის ნათქვამი შესწავლილი იქნეს და სასჯელაღსრულების სამინისტრო შიდა მოკვლევაზე მომხდარიდან მეათე დღეს დათანხმდა. მერაბიშვილის მხარდამჭერები კი შიშობენ, რომ შესასწავლი მასალა უკვე განადგურებული იქნება, რადგან თავად სასჯელაღსრულების მინისტრმა ერთ-ერთ ინტერვიუში თქვა, რომ ციხეში გაკეთებული ვიდოთვალის ჩანაწერები ათი დღე ინახება და შემდეგ ავტომატურად იშლება.

იაგო ნაცვლიშვილი
25.12.2013

 საპარლამენტო უმრავლესობის წევრებს დავით ლორთქიფანიძეს და კარლო კოპალიანს ფინანსური სანქციები ემუქრებათ. მიზეზი ისაა, რომ მათ ნაცვლად რეგისტრაცია სხვა პარლამენტარებმა გაიარეს. პარლამენტის თავმჯდომარე დავით უსუფაშვილმა საკითხის განხილვა საფინანსო განყოფილებას უმცირესობის წევრ ხათუნა გოგორიშვილის მოთხოვნის საფუძველზე გადაუგზავნა.

მარი ოთარაშვილი
25.12.2013

"ლენინგორის რაიონში პრაქტიკულად ახალმა ერგნეთის ბაზარმა დაიწყო მუშაობა, სადაც კონტრაბანდული პროდუქცია იყიდება. აქ ქართული ნომრებით მანქანები მშვიდად გადაადგილდებიან. საჭირო გადაწყვეტილება საზღვრის გადაკვეთის წესების გართულებასთან დაკავშირებით გადაიდო. არსებობს საფუძვლიანი ეჭვები, რომ აქ პროქართული წრეების გარეშე არაფერი ხდება. ლენინგორის მაღაზიებში გასაყიდ პროდუქციაში შეხვდებით ქართულ დროშას და, საერთოდ, ქართული სიმბოლიკით სხვა ნივთებს..." - ყოველივე ამის შესახებ ცხინვალში მოქმედი "სახალხო პარტია" ("ადემონ პარტი") იუწყება.


Copyright © 2006-2020 by Resonance ltd. . All rights reserved
×