მაია აბაიაძე
29.11.2013

 ასოცირების ხელშეკრულებაზე უარის მიუხედავად, უკრაინის დელეგაცია ვილნიუსში აღმოსავლეთ პარტნიორობის სამიტს ესწრება, მათ შორის პრეზიდენტი იანუკოვიჩი და ოპოზიციის წარმომადგენლებიც არიან. იანუკოვიჩი სამიტზე დღეს სიტყვით გამოსვლას გეგმავს და ევროპელი პარტნიორებისთვის იმ მიზეზების ახსნას შეეცდება, რის გამოც ევროკავშირს რუსეთთან ურთიერთობა არჩია.

სალომე აბულაძე
29.11.2013

 გაეროს ბავშვთა ფონდის (იუნისეფი) კვლევის მიხედვით, საქართველოში ნახევარ მილიონ ადამიანს, განსაკუთრებით ბავშვებსა და დედებს, კვების დეფიციტი აქვთ. ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე ითქვა, რომელიც ბავშვთა ზრუნვის პროგრამის მიმდინარეობას მიეძღვნა. როგორც გაეროს ბავშვთა ფონდის წარმომადგენელმა საშა გრაუმანმა კომიტეტის სხდომაზე აღნიშნა, ცუდი კვების გამო ყოველწლიურად 350-მდე ბავში იღუპება.

თაკო მათეშვილი
29.11.2013

გავრცელებულ ხმებს იმის შესახებ, რომ კოალიციაში დაპირისპირებაა და სწორედ ამის გამო დატოვეს დაკავებული თანამდებობა მისმა წევრებმა, "ქართულ ოცნებაში" უარყოფენ. კოალიციაში ამბობენ, რომ სიმართლეს არც ის ინფორმაცია შეესაბამება, რომლის მიხედვითაც უახლოეს მომავალში გაერთიანებას კიდევ რამდენიმე წევრი გამოეთიშება.

ბესო კუნელაური
29.11.2013

"საქართველოს ასოცირების ხელშეკრულების ხელმოწერის შემდგომ შეეძლება ევროკავშირის ბაზარზე გავიდეს. ეს ბევრად დიდი და ყოვლისმომცველი ბაზარია, ვიდრე რუსეთის. თუმცა, ამავდროულად, ჩვენზე ბევრი რამ იქნება დამოკიდებული - თუ ვერ მოვახერხებთ ევროპის დონის პროდუქციის წარმოებას, ჩვენს საქონელს ევროპის ბაზარი არ მიიღებს," - ამბობს "რეზონანსთან" საუბრისას პოლიტოლოგი თორნიკე შარაშენიძე.

ელზა წიკლაური
29.11.2013

მოუწესრიგებელი წყალგაყვანილობა და საკანალიზაციო სისტემა, საბოლოო ჯამში, სუფთა წყალზე ხელმისაწვდომობის შემცირების ერთ-ერთი მთავარი მიზეზი ხდება. ამ მხრივ პრობლემა ძირითადად რეგიონებში, განსაკუთრებით კი სოფლებშია. როგორც კავკასიის გარემოსდაცვითი არასამთავრობო ორგანიზაციების ქსელის (სუტტ) კვლევაშია აღნიშნული, სოფლების დიდ ნაწილში არსებული სკოლამდელი დაწესებულებების და სამედიცინო ცენტრების აბსოლუტური უმრავლესობა მოკლებულია სუფთა და ჯანმრთელობისათვის უსაფრთხო წყალს.

მარიამ აფციაური
29.11.2013

აფხაზეთში ადგილობრივი დე ფაქტო ხელისუფლების ოპოზიციური "ნუჟნაია გაზეტას" მთავარი რედაქტორის, იზიდა ჭანიას მანქანა დაწვეს. "აი, ასეთია ჩვენთან სიტყვის თავისუფლება და ანქვაბის წესრიგი" - წერს ჟურნალისტი თავის "ფეისბუკის" გვერდზე, სადაც დამწვარი მანქანის ფოტოსაც აქვეყნებს.

ეკა ბასილაია
28.11.2013

დღეს ევროკავშირის აღმოსავლეთ პარტნიორობის ვინლიუსის სამიტი იწყება და საქართველო ევროპული ინტეგრაციის გზაზე მნიშვნელოვან ნაბიჯს დგამს. საგარეო საქმეთა მინისტრის, მაია ფანჯიკიძის განცხადებით, "ევროკავშირთან ასოცირების ხელშეკრულება ამ ორგანიზაციაში გაწევრიანებას არ ნიშნავს, მაგრამ "ის მასთან ძალიან დაახლოების მექანიზმია".

ანი ფაცია
28.11.2013

 "ახალი მემარჯვენეების" ერთ-ერთი ლიდერი ფიქრია ჩიხრაძე საქართველოში არსებულ პოლიტიკურ მდგომარეობასა და მომავალი თვითმმართველობის არჩევნების შესახებ "რეზონანსს" ესაუბრა. ამბობს, რომ "ჩვენთვის, როგორც პოლიტიკური ძალისთვის, თვითმმართველობის არჩევნები ძალიან მნიშვნელოვანია. ჩვენ ვალდებულება გვაქვს, რომ საქართველოში არა ბუტაფორიული, არამედ რეალური თვითმმართველობა ჩამოყალიბდეს."

იაგო ნაცვლიშვილი
28.11.2013

გორის რაიონ სოფელ ხელთუბნის მოსახლეობა იეჰოვას მოწმეებს დაუპირისპირდა. საქმე ფიზიკურ დაპირისპირებამდე არ მისულა, თუმცა მრავლად იყო სიტყვიერი შეურაცხყოფა. საბოლოოდ ვითარება სამართალდამცველებმა განმუხტეს.

თაკო მათეშვილი
28.11.2013

ვაკეში დაწყებული და სადახლოში, საქართველო-სომხეთის საზღვარზე გაგრძელებული გარჩევა, რომელიც 2 ადამიანის დაღუპვით, ერთის დაჭრითა და 6-ის დაკავებით დასრულდა, კვლავაც ბურუსითაა მოცული. შინაგან საქმეთა სამინისტრო ამ დრომდე არ ასაჯაროებს მკვლელობის დეტალებსა და მოტივს. უცნობია დაკავებულების ვინაობაც. ოფიციალური ინფორმაციის არქონამ მრავალი მოსაზრების წარმოშობა გამოიწვია. ყველგან, ინტერნეტ-საიტებზე, ფორუმებსა თუ თავშეყრის ადგილებში ამ თემაზე მსჯელობა და ინფორმაციის გაცვლა-გამოცვლა აქტიურად მიმდინარეობს. დაპირისპირების ორი ძირითადი ვერსია ვრცელდება.

მარი ოთარაშვილი
28.11.2013

სოხუმიდან გალში დაახლოებით 250-300 ადამიანის სია არის გაგზავნილი. სიაში აღნიშნული პირები უნდა გადამოწმდნენ, ნამდვილად ცხოვრობენ თუ არა პასპორტში მითითებულ მისამართზე. ამის შესახებ "რეზონანსს" გალელებმა აცნობეს.

ია აბულაშვილი
28.11.2013

 ყოფილი პარლამენტარი პეტრე მამრაძე, რომელიც ამჟამად აქტიურად მოღვაწეობს სამოქალაქო სექტორში, აცხადებს, რომ ექსპრეზიდენტ სააკაშვილის გასამართლებას დასავლეთი იმიტომ ეწინააღმდეგება, რომ ფიქრობს, ეს ძალიან უარყოფითი გზავნილი იქნება პოსტსაბჭოთა სივრცეში სხვა ავტორიტარული ლიდერებისათვის - "თუ დასავლეთს დავუჯერებთ და ძალაუფლებას დავთმობთ, მერე ჩვენც დაგვაპატიმრებენო".


Copyright © 2006-2020 by Resonance ltd. . All rights reserved
×