სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    თამთა ქარჩავა
    08.09.2010

      ვახტანგ მაისაიასთან დამოუკიდებელ ექსპერტს შესვლის საშუალებას არ აძლევენ. ადვოკატი ნათია კორკოტაძე ამბობს, რომ მაისაიას მდგომარეობა მძიმეა. მას ცემის შედეგად სხეულზე დაზიანებები აღენიშნება, ტვინის შერყევა აქვს და ხშირად გული ერევა, თუმცა სამკურნალო დაწესებულებაში ამ დრომდე არ გადაჰყავთ და არც დამოუკიდებელ ექსპერტს აძლევენ საკანში შესვლის საშუალებას. ცემის ფაქტს პატიმრის მეუღლეც ადასტურებს. სასჯელაღსრულების სამინისტროში ამას უარყოფენ.

    ელზა წიკლაური
    08.09.2010

      პოლონეთიდან უახლოეს მომავალში შესაძლოა, კიდევ 3 ათასამდე ქართველი არალეგალის დეპორტაცია განხორციელდეს, ამასთან, ქართველ არალეგალებს მასობრივად უშვებენ იტალიიდან და საბერძნეთიდან, უსაბუთოებს სამშობლოში აბრუნებენ ისრაელიდანაც. თუმცა, მიუხედავად ამისა, საქართველოდან წასვლის მსურველთა რაოდენობა ისევ არ მცირდება, ის ადამიანებიც, რომლებიც სულ რაღაც ორიოდე კვირის წინათ გამოაძევეს, უცხოეთში გამგზავრებაზე ისევ ფიქრობენ, მიზეზად კი საქართველოში არსებულ მძიმე სოციალურ-ეკონომიკურ სიტუაციას ასახელებენ.

    მაკა ხარაზიშვილი
    08.09.2010

      მთავრობა ანტიმონოპოლიური სამსახურისთვის მისანიჭებელ ფუნქციებს ევროკავშირთან ათანხმებს და ეს პროცესი რატომღაც ვერა და ვერ სრულდება. ამ დროისთვის, ევროკავშირთან ახალი სტრატეგიის დამტკიცებაზე მიმდინარეობს მუშაობა, რის შემდეგაც წლის ბოლომდე ახალი კანონპროექტი პარლამენტს წარედგინება.

    რუსიკო მაჩაიძე
    07.09.2010

      კონდოლიზა რაისი საქართველოში იმყოფებოდა და სააკაშვილს არ შეხვდა. საქართველოს ხელისუფლება ამაში პრობლემას ვერ ხედავს და თავს იმშვიდებს, რომ მათი შეხვედრა შეთანხმებულიც არ ყოფილა. მაგრამ, ექსპერტთა ერთი ნაწილი მიიჩნევს, რომ ამ ფაქტის არაფრად ჩაგდება არ შეიძლება, რადგან "პრობლემა სწორედ ის არის, რომ კონდოლიზა რაისმა სააკაშვილთან შეხვედრის სურვილი არ გამოთქვა."

    თამთა ქარჩავა
    07.09.2010

      რუსეთი საქართველოს ტერიტორიაზე "ბოევიკების" მზადების შესახებ ისევ ალაპარაკდა. შსს-ს ჩრდილოეთ კავკასიის ფერედალური ოლქის მთავარი სამმართველოს ხელმძღვანელი, მილიციის გენერალ-მაიორი ნიკოლაი სიმაკოვი ქართულ მხარეს იმ ბოევიკთა მომზადებაში ადანაშაულებს, რომლებიც ჩრდილოეთ კავკასიის რესპუბლიკებში ვითარებას ძაბავენ.

    ეკა ბასილაია
    07.09.2010

      ავღანეთში დაღუპული ქართველი სამხედრო მუხრან შუკვანი გუშინ მშობლიურ მესტიაში გადაასვენეს. ეს პირველი დანაკლისია ქართულ კონტინგენტში თალიბების წინააღმდეგ 6-წლიანი ოპერაციების მანძილზე. ლეიტენანტი შუკვანი 5 სექტემბერს ნაღმზე აფეთქდა, ალექსანდრე გითოლენდიასთან ერთად, რომელმაც ორივე კიდური დაკარგა.

    რუსიკო მაჩაიძე
    07.09.2010

      "ორგანული კანონის" ცნება, შესაძლოა, კონსტიტუციაში შენარჩუნდეს. ყოველ შემთხვევაში, პარლამენტის თამჯდომარე აცხადებს, რომ საბოლოო გადაწყვეტილება საკონსტიტუციო კომისიის შემაჯამებელ სხდომაზე იქნება მიღებული. თუმცა, როგორც ჩანს, არაფერი ეშველება იმას, რომ ახალი კონსტიტუცია, შესაძლოა, სააკაშვილის ხელისუფლების სათავეში დარჩენაზე იყოს ორიენტირებული.

    თიკო ოსმანოვა
    07.09.2010

      "მთავარია, გამოვაფხიზლოთ საზოგადოება, რომელიც ხელისუფლებას დაშინებული ჰყავს; მათ უნდა ესმოდეთ, რომ მხოლოდ ხალხს შეუძლია აიძულოს ხელისუფლება, გადადგას ქმედითი ნაბიჯები მათი ცხოვრების საკეთილდღეოდ ან მოგვცენ საშუალება, სამართლიანი, რიგგარეშე არჩევნების ჩატარების", - ამბობს "რეზონანსთან" საუბრისას წარმომადგენლობითი სახალხო კრების წევრი ნონა გაფრინდაშვილი, რომელიც დევნილთა პრობლემების გადაჭრის ერთადერთ გზას საზოგადოების გამოფხიზლებაში და კონსოლიდირებაში ხედავს.

    ელზა წიკლაური
    07.09.2010

    სპეციალურად "ბიზნეს რეზონანსისთვის" მცხეთა-თიანეთის რეგიონიდან
       
      საქართველოს კონსტიტუციის მე-15 თავი - "სიცოცხლე ადამიანის ხელშეუვალი უფლებაა და მას იცავს კანონი"; ადამიანის უფლებათა საყოველთაო დეკლარაციის მე-3 მუხლი - "ყოველ ადამიანს აქვს სიცოცხლის უფლებისა და პირადი ხელშეუხებლობის უფლება"; ევროპის ადამიანის უფლებათა და ძირითად თავისუფლებთა დაცვის კონვენცია (საქართველო მას 1999 წელს შეუერთდა) - "კონვენცია ითვალისწინებს ყველა მოქალაქის ადამიანის განუყოფელ უფლებებსა და თავისუფლებებს და ავალდებულებს ყველა სახელმწიფოს შექმნას ამ უფლებების განხორციელების გარანტიები, რომლებიც გავრცელდება მათი იურისდიქციის ქვეშ მყოფ ნებისმიერ ადამიანზე. კონვენციით გათვალისწინებულ უფლებათა შორის აღსანიშნავია სიცოცხლის უფლება და ა.შ."

    მარი ჩიტაია
    07.09.2010

      ახალი სასწავლო წელი ოკუპირებული ტერიტორიების სკოლებში ტრადიციულად 1-ელ სექტემბერს დაიწყო, მათ შორის გალის რაიონის ქართულ სკოლებშიც. ადგილობრივი პედაგოგების თქმით, წიგნებისა და სასწავლო ინვენტარების შეძენა მშობლების ნაწილმა ზუგდიდში მოახერხა. ზოგმა "საზღვრის გადაკვეთასთან" არსებული სიძნელეების გამო გალშივე, ე.წ. გადამყიდველებთან არჩია სასკოლო ნივთების ყიდვა.

    ნათია ახალაია
    06.09.2010

      "ბატონმა ალექსანდრე კვიტაშვილმა ალბათ იცის, რომ თუნდაც ერთხმად აირჩიონ და ათასგვარი დითირამბებიც მიუძღვნან, ის უნივერსიტეტისთვისაც და ჩვენი საზოგადოების უდიდესი ნაწილისთვის დარჩება გარედან დანიშნულ, დაბალი სამეცნიერო ხარისხის მქონე პირად. და ეს გაგრძელდება მანამ, სანამ ის არ დაადასტურებს, რომ შემთხვევით არ მოხვედრილა ამ დაწესებულებაში, და რომ მისი დანიშვნა მდგრადი ეკონომიკური განვითარების მინისტრის დანიშვნის რიგისა არ არის", - აცხადებს "მთელ კვირასთან" საუბრისას ფილოსოფოსი ზაზა ფირალიშვილი.

    ელისო ჩაფიძე
    06.09.2010

      15 სექტემბერს ხელისუფლება კონსტიტუციის ახალი პროექტის ფართო განხილვის მოწყობას გეგმავს, რის შემდეგაც, გამორიცხული არ არის, კონსტიტუცია სექტემბერშივე დაამტკიცონ, რადგან სასესიო პერიოდი უკვე 7 სექტემბრიდან იწყება. ხელისუფლებას დრო ზაფხულში უქმად არ დაუკარგავს და ის პათოსი, რომ ყოველდღიურად რომელიმე ქალაქში კონსტიტუციის ახალი პროექტის განხილვა ეწყობოდა, უდავოდ მიანიშნებს მისი მიღების დაჩქარებულ ტემპზე.


    Copyright © 2006-2018 by Resonance ltd. . All rights reserved