სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    გიორგი ფუტკარაძე
    12.08.2010

      "კოლეგების ნაწილი ამბობს, რომ სააკაშვილი პრემიერობისათვის ემზადება, მაგრამ მას აქვს ძალიან მნიშვნელოვანი ბარიერი გადასალახი, მან არჩევნები უნდა მოიგოს. ჩვენ ვამბობთ, რომ სააკაშვილმა მთავარი ბარიერი ვერ უნდა გადალახოს - არჩევნებში გამარჯვება ვერ უნდა მოიპოვოს. რაც უნდა ბარიერი შექმნა, თუ მისმა პარტიამ გაიმარჯვა, სხვა თანამდებობაზე დაჯდება და ისე მართავს ქვეყანას", - აცხადებს პარლამენტის ვიცე-სპიკერი, "ქრისტიან-დემოკრატების" წევრი ლევან ვეფხვაძე, რომლის თქმითაც, საპარლამენტო ოპოზიცია ახალი კონსტიტუციის თაობაზე გასვლით სხდომაზე, ბათუმში იმსჯელებს.

    გიორგი ფუტკარაძე
    12.08.2010

      "თუ კარგად დავაკვირდებით ამ ცვლილებებს, ვნახავთ, რომ პასუხისმგებლობის შემცირება უმრავლეს შემთხვევაში ხდება მხოლოდ ერთი წლით. მაშინ, როდესაც ჩვენთან სასჯელებზე სანქციები ძალიან მაღალია, არ შეიძლება მხოლოდ ერთი წლით, თან ქვედა ზღვრისთვის მოკლება ჩაითვალოს დიდ ლიბერალიზაციად და ამდენ ხმაურად ღირდეს", - ასეთია ახალგაზრდა იურისტთა ასოციაციის ხელმძღვანელის, თამარ ხიდაშელის შეფასება სისხლის სამართლის კოდექსის ლიბერალიზაციის თაობაზე.

    თამთა ქარჩავა
    12.08.2010

      აფხაზეთიდან დევნილი, 18 წლის ნადია ქარდავა გამოცდების შედეგებს ასაჩივრებს. საქმე ისაა, რომ მისთვის 8 აგვისტოს ინტერნეტის საშუალებით გახდა ცნობილი, რომ პირველი თემა შეფასდა დადებითად და მან საკმარისი ქულა აიღო, მაგრამ მეორე თემა შეფასების გარეშეა დატოვებული. როგორც მისი ძმა, ადვოკატი კახა ქარდავა ამბობს, აბიტურიენტთა უმრავლესობა ლიტერატურის მეორე თემის შეუფასებლობას ასაჩივრებს. რატომ დარჩა მეორე თემა შეფასების გარეშე, რატომ არ მიიღეს საჩივარი და რამდენს ითხოვს ადმინისტრაცია საჩივრის მისაღებად? ამ საკითხებთან დაკავშირებით "რეზონანსი" ადვოკატ კახა ქარდავას ესაუბრა, რომელიც მისი დის უფლებებს სასამართლოში თავად დაიცავს.

    თამთა ქარჩავა
    12.08.2010

      გირგვლიანის მკვლელობაზე ინფორმაციის "გამოჟონვას" კოდუამ შეუწყო ხელი, აცხადებს "კონსერვატორი" კახა კუკავა, რომელიც ხელისუფლების შიგნით არსებულ დაპირისპირებაზე საუბრობს. მისივე მტკიცებით, ამაზე ახალაიებმა იმით უპასუხეს, რომ სოდ-ის მაშინდელი უფროსის მიერ სვანების ცემაზე გააჟღერეს ინფორმაცია.

    თამთა ქარჩავა
    12.08.2010

      საქართველოს კანონმდებლობის მიხედვით, ეროვნული გვარდიის დეპარტამენტის უფროსს, უმაღლესი მთავარსარდალი, პრეზიდენტი ნიშნავს. მიხეილ სააკაშვილს საბოლოო გადაწყვეტილების მიღებისთვის ერთთვიანი ვადა ჰქონდა, თუმცა პრეზიდენტის მხრიდან კანონი უკვე დარღვა. ვინაიდან ერთთვიანი ვადა 9 აგვისტოს ამოიწურა, გვარდიის დეპარტამენტს კი უფროსი არა ჰყავს.

    გიორგი ფუტკარაძე
    12.08.2010

      მესტიაში მცხოვრები ლეიბორისტული პარტიის წევრი ადგილობრივ გამგებელს ზეწოლაში ადანაშაულებს. ალექსანდრე ხერგიანმა, რომელიც ამჟამად ოჯახთან ერთად თბილისში იმყოფება, ახალგაზრდა იურისტთა ასოციაციას (საია) სამართლებრივი დახმარების აღმოჩენის და მის მიმართ განხორციელებულ მუქარაზე რეაგირების თხოვნით 6 აგვისტოს მიმართა. ამბობს, რომ მის მიმართ ზეწოლა პოლიტიკურ საქმიანობას უკავშირდება.

    გიორგი ფუტკარაძე
    12.08.2010

      "არაფრისგან დაზღვეული არ ვართ, მაგრამ 90 პროცენტის ალბათობით ეს დიდ ხანძარში არ გადაიზრდება და მალე მის ლიკვიდაციას მოვახდენთ," - აცხადებს გარემოს დაცვის სამინისტროს სატყეო სააგენტოს თავმდჯომარე პაპუნა ხაჩიძე, რომელიც ამ ეტაპზე ვერ აკონკრეტებს თუ რამდენ ხანში შეიძლება სამცხე-ჯავახეთში არსებული ხანძრის კერების ლოკალიზება. მას ეჭვი აქვს, რომ ხანძარი შემთხვევით არ გაჩენილა.

    ლანა ბერიძე
    10.08.2010

      გუშინ სასტუმრო "ვერე პალასში" წარმომადგენლობითი სახალხო კრების ინიციატივით კონფერენცია გაიმართა თემაზე - 2008 წლის ომის შედეგები და კონფლიქტის მოგვარების გზები. ღონისძიებაზე მიწვეულმა ექსპერტებმა ერთმნიშვნელოვნად აღნიშნეს, რომ ამ ომმა ქვეყანას მძიმე შედეგები მოუტანა, ამიტომ მათი აზრით დაუყონებლივ უნდა დაიწყოს კონფლიქტის მოგვარება, რაც, პოლიტოლოგების აზრით, მხოლოდ აფხაზ და ოს ხალხთან ნდობის აღდგენითაა შესაძლებელი.

    თიკო ოსმანოვა
    10.08.2010

      სხვადასხვა კომპაქტურად ჩასახლებულ ადგილებში მცხოვრები დევნილები დედაქალაქში ფართების დაკანონებას ითხოვენ. ამ მოთხოვნით გუშინ ქალაქის მერიასთან 100-მდე დევნილი შეიკრიბა და მთავრობის გადაწყვეტილება, დევნილების გასახლების შესახებ, კიდევ ერთხელ გააპროტესტა.

    გიორგი ფუტკარაძე
    10.08.2010

      თბილისის საქალაქო სასამართლომ, პროკურატურის შუამდგომლობის საფუძველზე, კორეელი ინვესტორისათვის თაღლითური გზით ფულის და ავტომობილის გამოძალვის ბრალდებით დაკავებულ ყოფილ პარლამენტარს, ნიკოლოზ კვეზერელს აღკვეთის ღონისძიების სახით წინასწარი ორთვიანი პატიმრობა შეუფარდა.

    ირმა ჩაფიძე
    09.08.2010

      შემოდგომაზე შინაგან საქმეთა სამინისტრო და უშიშროება ისევ ორ უწყებად ჩამოყალიბდება. გამორიცხული არ არის, შსს-ს ასევე მუნიციპალური და კრიმინალური პოლიციაც გამოეყოს. საქართველოს ხელისუფლებასთან დაახლოებული წყაროს ინფორმაციით, ვანო მერაბიშვილის მიერ ხელისუფლების პოლიციის შიგნით კონცენტრაციით უკვე ჩვენი დასავლელი პარტნიორებიც შეშფოთებულნი არიან და პრეზიდენტიც, თუმცა ეს დაპირისპირება ჯერჯერობით ღიად არ ჩანს. ექსპერტთა ნაწილი თვლის, რომ მოახლოებული საპარლამენტო და საპრეზიდენტო არჩევნების წინ სააკაშვილი ხელისუფლების დაბალანსებას ეცდება.

    ნათია ახალაია
    09.08.2010

      "ჩვენ უსაფრთხოების ორმხრივი პრობლემა გვაქვს: ხელისუფლება იბრძვის იმისათვის, რათა გარედან უზარმაზარ შემოტევას გაუძლოს, ამ დროს კი, მას შიგნიდან აცლიან საყრდენს - საზოგადოების მის წინააღმდეგ ამხედრების საშუალებით; დეზინფორმაციის გავრცელების, პანიკის დათესვის საშუალებით.


    Copyright © 2006-2018 by Resonance ltd. . All rights reserved