საქართველომ შეძლო არაჩვეულებრივი წინსვლა გასული 5 წლის განმავლობაში და ეს მნიშვნელოვანი პროგრესი გაამყარებს ნატოს წევრობის განაცხადს; საქართველოს მომავალი დასავლეთთან არის დაკავშირებული; მხარს გიჭერთ თქვენს მისწრაფებაში, გახდეთ ჩრდილოატლანტიკური ალიანსის წევრი; ტრამპის ადმინისტრაცია ყოველთვის მკაცრ პასუხს გასცემს იმ ქვეყნებს, რომელთაც პრეტენზია ექნებათ, საქართველოს სუვერენიტეტი და ტერიტორიული მთლიანობა ხელყონ... - აშშ-ის ახალი ადმინისტრაციის ეს გზავნილები დატოვა თბილისში ვიცე-პრეზიდენტმა მაიკ პენსმა.

"ყოვლისმომცველი კრიზისის ზღვარზე მიტოვებული ქვეყნის ერთ-ერთი მახასიათებელია ნებისმიერი დონის არჩევნების მწვავე, ფეთქებადი ანატომია და სავარაუდო შედეგებთან დაკავშირებული პოლიტიკური რისკი. დაახლოებით ასეთ მდგომარეობაშია დღევანდელი საქართველოც; ერთი მხრივ, ტრივიალურ გაკოტრებამდე მისულ, უნივერსალური რესურსის გარეშე დარჩენილ, დამოუკიდებელ ცხოვრებას მიუჩვეველ "ოცნებას" მისთვის უჩვეულო მძიმე ბრძოლა ელის; მეორე მხრივ, "მეორეხარისხოვან" არჩევნებში საეჭვო გამარჯვება ფატალური შეიძლება აღმოჩნდეს მისთვის," - აცხადებს პოლიტოლოგი სოსო ცინცაძე, რომელსაც "რეზონანსი" კარს მომდგარი თვითმმართველობის არჩევნებზე ესაუბრა.

"მეჩვენება და მაქვს იმის გამოცდილებაც, რომ გითხრათ, საქართველოს პოლიტიკურ ელიტას ახასიათებს ზედმეტი აღტაცება. არ მინდა, ვთქვა, მაგრამ ეს არის ე.წ. ხბოს აღტაცება. ეს კი არ შეიძლება. რა თქმა უნდა, დიდ პატივს ვცემთ ამერიკას, ვაძლიერებთ მასთან კავშირს, მაგრამ ჩვენ უნდა გვქონდეს პარტნიორული ურთიერთობა და არა მფარველობითი. ამერიკა ჩვენი მფარველი კი არა, მოკავშირე უნდა იყოს," - ამბობს პოლიტოლოგი იგორ კვესელავა "რეზონანსთან" ინტერვიუში აშშ-ის ვიცე- პრეზიდენტ მაიკ პენსის საქართველოში ვიზიტთან დაკავშირებით.

აშშ-ის ვიცე-პრეზიდენტი მაიკ პენსი, ახალი ადმინისტრაციის მეორე პირი, თბილისშია. იმ ფონზე, როდესაც რუსული საფრთხე ძალიან მაღალია და მცოცავი ანექსია ყოველდღიურად გრძელდება, აშშ-ის მეორე პირის ვიზიტს ორმაგად დიდი პოლიტიკური მნიშვნელობა ენიჭება.

"მაიკ პენსის ვიზიტი და პარალელურად ნატოს სამხედრო წვრთნები არის მესიჯი რუსეთისადმი, რომ აშშ-სთვის საქართველო კვლავ სტრატეგიული ინტერესის ობიექტია და აშშ საქართველოს არ მიატოვებს. ეს კი რუსებს ძალიან აღიზიანებთ," - აცხადებს "საქართველოს პოლიტიკის ინსტუტუტის" დამფუძნებელი კორნელი კაკაჩია.

საქართველოს ევროინტეგრაციისთვის ვიზალიბერალიზაციის მიღების შემდგომი ნაბიჯი საქართველო-ევროკავშირის ასოცირების ხელშეკრულებაა.

პროფკავშირების ინფორმაციით, მიმდინარე წელს მშენებლობაზე დაღუპულია 9 მუშა, ხოლო 2006 წლიდან დღემდე - 271. მშენებლობაზე ტრავმირებულთა რიცხვმა კი უკვე 472-ს მიაღწია.

ინტენსიურ მშენებლობებს, რომელთა გამოც თბილისს მალე ბეტონის კანიონებად გადაქცევას უწინასწარმეტყველებენ, მერობის ყველა კანდიდატი საკუთარ საარჩევნო პროგრამაში ერთ-ერთ ძირითად პრობლემად ასახელებს.

"დაახლოებით ერთი თვის წინ ცხინვალში დე ფაქტო განათლების მინისტრის მოადგილე შეხვდა ქართული სკოლის ხელმძღვანელებს. "მინისტრის მოადგილემ" ისინი გააფრთხილა, რომ სექტემბრიდან დაწყებით კლასებში მთლიანად რუსულ ენაზე იქნება სწავლა, მე-5 კლასის ზემოთ კი ეს ცვლილება არ შეეხებათ," - აცხადებს სამხრეთ ოსეთის ადმინისტრაციის განათლების სამსახურის უფროსი სოსო ცოტნიაშვილი.

ოკუპირებული გალის შემდეგ ახლა უკვე ახალგორშიც უქმდება ქართული სკოლები. გადაწყვეტილია, რომ სექტემბრიდან ოკუპირებულ სამხრეთ ოსეთში არსებულ 8 ქართულ სკოლაში ქართულად სწავლება აიკრძალება. მოსწავლეები რუსული სახელმძღვანელოებით ისწავლიან, ის ქართველი პედაგოგები კი, ვინც ე.წ. ატესტაციას თავის საგანში რუსულად ვერ ჩააბარებენ, სამსახურის გარეშე დარჩებიან და მათ ცხინვალიდან ოსი პედაგოგები შეცვლიან.

"საქართველოს ერთ-ერთი ამოცანა არის ტერიტორიული მთლიანობის აღდგენა, რაც რეალურად არის ნდობის აღდგენა აფხაზებსა და ცხინვალის რეგიონში მცხოვრებ ოსებთან. ამიტომ რა ნაბიჯებსაც უნდა ვდგამდეთ, ყოველთვის ყურადღებას ვაქცევთ, როგორ შეხედავს ამას ევროპა, მაგრამ გვავიწყდება იმის გათვალისწინება, როგორ შეგვხედავენ ამ რეგიონის მცხოვრებლები. იმიტომ რომ მათ, პრინციპში, ის აქვთ გადასაწყვეტი, რომელ ქვეყანაში ურჩევნიათ ცხოვრება და რამდენადაც არასტაბილური, არაწყნარი და არაგონივრული ქვეყნის შთაბეჭდილებას დავტოვებთ, მით უფრო მიუღებელი გახდება მათთვის საქართველოსკენ შემოტრიალება და ალბათ ამაზეც უნდა ვიფიქროთ," - ამბობს პოლიტოლოგი რამაზ საყვარელიზე "მთელ კვირასთან" ხელისუფლებისა და პრეზიდენტის ადმინისტრაციის მორიგ დაპირისპირებასთან დაკავშირებით.

"კახი კალაძეს პიროვნული გამოცდილება და თუნდაც ის ფიზიკური გამოცდილება, რომელიც სპორტში აქვს გადატანილი, ხასიათის წრთობა ძალიან კარგ სიმაღლეზე აქვს. იმედია, გამარჯვების შემთხვევაში იგი არ მიემატება დაპირებების მიმცემ და მატყუარა მერთა სიას" - აცხადებს რუსთაველის პრემიის ლაურეატი რევაზ მიშველაძე, რომელსაც "მთელი კვირა" თვითმმართველობის არჩევნებთან დაკავშირებით და მიმდინარე საკითხებზე ესაუბრა.