სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    07.12.2013

    მთის კურორტებზე სასტუმროების უმრავლესობა დაჯავშნულია. მათი მფლობელების ინფორმაციით, შემკვეთები ძირითადად უცხოელები არიან. უიშვიათეს შემთხვევაში - ქართველები.

    მაკა ხარაზიშვილი
    07.12.2013

    დაიტბორება - 1100 ჰექტარი ტყე, 400 ჰექტარი სასოფლო-სამეურნეო მიწა, გაასახლებენ 2000 კაცს 25 სოფლიდან - ასეთია არასამთავრობო ორგანიზაციების დასკვნები ხუდონჰესის მშენებლობასთან დაკავშირებით.

    მაკა ხარაზიშვილი
    06.12.2013

     დიდი სჯა-ბაასის შემდეგ თბილისის შემოვლითი რკინიგზის ასაშენებლად ჩინეთის რკინიგზის 23-ე ბიუროს ხელშეკრულება 3 წლით გაუგრძელდება. გადაწყვეტილება პრემიერ-მინისტრთან არსებულმა ეკონომიკურმა საბჭომ მიიღო.

    მარი ჩიტაია
    06.12.2013

    ყოველდღიური მოთხოვნის პროდუქტი გაძვირდა. საფასო ცვლილება იმპორტულთან ერთად, ადგილობრივ ნაწარმსაც შეეხო. არ არის გამორიცხული, ტენდენცია წლის ბოლომდე გაგრძელდეს, რაც ლარის კურსის ვარდნას უკავშირდება.

    მაკა ხარაზიშვილი
    05.12.2013

    წლების განმავლობაში სახელმწიფო ტენდერებს, ხელისუფლებაში მყოფი მაღალი თანამდებობის პირების, დეპუტატების ან მათი ოჯახის წევრების კომპანიები იგებდნენ. შესაბამისად, კანონდარღვევით, სოლიდური საბიუჯეტო სახსრები ჩინოვნიკების ჯიბეებში ილექებოდა. მაღალი თანამდებობის პირები, ამავდროულად კერძო კომპანიების მეწილეებიც იყვნენ, რაც ინტერესთა კონფლიქტს ქმნიდა. "საერთაშორისო გამჭვირვალობა საქართველოში" აცხადებენ, რომ ეს ტენდენცია დღესაც შეინიშნება.

    მაკა ხარაზიშვილი
    04.12.2013

    საქართველოს ბაზარი თურქმენული საწვავის მისაღებად მზადაა. "რეზონანსის" ინფორმაციით, რამდენიმე კომპანია თურქმენეთთან მოლაპარაკებას უკვე მართავს. საცალო ქსელში თურქმენული ბენზინის ღირებულება 1,75-1,78 ლარის ფარგლებში იქნება.

    მაკა ხარაზიშვილი
    03.12.2013

    პარლამენტში წარდგენილი სახელმწიფო ბიუჯეტის პროექტის ახალი ვარიანტით ჯანდაცვისა და სოფლის მეურნეობების დაფინანსება მცირდება. სახელმწიფო კი გაისად მილიარდამდე ლარის სახაზინო ვალდებულებებისა და ობლიგაციების ემისიას განახორციელებს. აქედან, შიდა ვალი 600 მილიონი ლარით გაიზრდება. მთლიანობაში, სახელმწიფო ბიუჯეტი 9,08 მილიარდი ლარი იქნება.

    ელზა წიკლაური
    03.12.2013

    საქართველოში დაქირავებით დასაქმებულთა რაოდენობა 662 ათას ადამიანს შეადგენს, აქედან 2/5-ზე მეტი სახელმწიფო და საჯარო სექტორში მუშაობს. მათი ანაზღაურება ქვეყანაში არსებულ ოფიციალურ საშუალო ხელფასს რამდენჯერმე აღემატება. მაგალითად, თუ პედაგოგის საშუალო ხელფასი დაახლოებით 400-500 ლარია, სსიპ მუნიციპალური განვითარების ფონდის საზოგადოებასთან ურთიერთობის სამსახურის უფროსის ყოველთვიური სარგო 4-დან 5 ათას ლარამდეა.

    მარი ჩიტაია
    03.12.2013

     "საქართველოს რკინიგზა" ახალი გამოწვევების წინაშეა. არსებულ პრობლემებს კომპანიის ახალი ხელმძღვანელობა წინამორბედის დროს დაშვებული შეცდომების შედეგს უწოდებს, ნაწილსაც - ეკონომიკური ზრდის შემცირებას მიაწერს. სამეთვალყურეო საბჭოს თავმჯდომარე კოკა გუნცაძე დებს პირობას, რომ რკინიგზის საქმიანობაში 2014 წლიდან ყველაფერი უკეთესობისკენ შეიცვლება.

    მაკა ხარაზიშვილი
    03.12.2013

    "გენმოდიფიცირებული ცოცხალი ორგანიზმების შესახებ" კანონის ამოქმედება ისევ გადაიდო, არადა ქვეყანაში იმპორტირებული პროდუქტის 90%-ზე მეტი გენმოდიფიცირებულია. ქართველ მომხმარებელს კი არ აქვს შესაძლებლობა არჩევანი კარგსა და ცუდს შორის გააკეთოს. ნებისმიერ განვითარებულ ქვეყანაში, მწარმოებელი ვალდებულია პროდუქტში, რომელშიც თუნდაც 0,1% გმო ორგანიზმია, ეტიკეტზე მიუთითოს.

    ელზა წიკლაური
    03.12.2013

    2014 წლიდან სახელმწიფო ჯანდაცვის პროგრამიდან კერძო სადაზღვევო კომპონენტი მთლიანად ამოვარდება და ის ბენეფიციარები, რომლებიც დღეს კერძო სადაზღვევო კომპანიების მომსახურებით სარგებლობენ, საყოველთაო ჯანდაცვის პროგრამაში ჩაერთვებიან. გადაწყვეტილება უკვე მიღებულია, თუმცა ამ დრომდე კონკრეტული თარიღი, თუ როდის დაიწყება სახელმწიფო პროგრამებიდან სადაზღვევოების გამოთიშვა, უცნობია. ჯანდაცვის სამინისტროში მხოლოდ იმას ამბობენ, რომ ეს ეტაპობრივად მოხდება.

    ნატა გიორგაძე
    03.12.2013

    უკვე ყველასათვის ცნობილია, რომ საქართველოში ბიზნესის დაწყება ადვილია, თუმცა მისი განვითარება და პროფილის შენარჩუნება რთული. ხშირად, ახლადშექმნილი საწარმო მალევე უქმდება, უკეთეს შემთხვევაში კი პროფილს იცვლის და სულ სხვა მიმართულებით იწყებს მუშაობას. იმისათვის, რომ ბიზნესის განვითარებას ხელი შეეწყოს, ეკონომიკის სამინიტრო ე.წ. სტარტაპების დასახმარებლად ახალი პროგრამის დაწყებას გეგმავს და სპეციალურ სააგენტოს ქმნის.


    Copyright © 2006-2018 by Resonance ltd. . All rights reserved