სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მაკა ხარაზიშვილი
    05.06.2014

    "ტანაპის" გაზსადენის მშენებლობა უკვე წლის ბოლოსთვის დაიწყება. აზერბაიჯანში ტენდერების დასრულებას ნოემბრისთვის ვარაუდობენ, რომლის შემდეგაც მშენებლობა სტარტს აიღებს. ამ პროექტის ამოქმედების შემდეგ კი, საქართველოს 1,5 მლრდ კუბ/მ მოცულობის, ანუ მთლიანი მოხმარების დაახლოებით 80% ძალიან იაფი გაზი ექნება.

    მარიამ აფციაური
    05.06.2014

    "რეზონანსის" მიერ ჩატარებული გამოკითხვის მიხედვით დადგინდა, რომ ბილეთებზე ყველაზე დაბალი ტარიფი ქუთაისის აეროპორტშია. ამ ფაქტს ავიაკომპანიების ნაწილი და ტურისტული კომპანიებიც ადასტურებენ. მათი განმარტებით, ფასის სხვაობა თბილისსა და ქუთაისს შორის დაახლოებით 60 ლარია.

    მარი ჩიტაია
    04.06.2014

    სომხეთში ავტომობილების იმპორტისთვის შეღავათის დაწესებაზე მსჯელობენ. სომეხი პოლიტოლოგებისა და ავტოიმპორტიორების უმეტესობა ვარაუდობს, რომ გარკვეული ტიპის საქონელზე შეღავათის რეჟიმის ამოქმედება მოუწევთ. ასეთი, პირველ რიგში, საავტომობილო ბიზნესია, სადაც სომხეთი წინანდელი საბაჟო ტარიფის შენარჩუნებას შეეცდება.

    მაკა ხარაზიშვილი
    04.06.2014

    დღეს საგარეჯოს მოსახლეობა "კანარგო ჯორჯიას" წინააღმდეგ კიდევ ერთი აქციის გამართვას გეგმავს. მოსახლეობა ნავთობის საძიებო სამუშაოებისას სასმელი წყლის დაბინძურების საფრთხეს ხედავს. "რეზონანსის" მიერ მოპოვებული ინფორმაციით კი, "კანარგო ჯორჯია" ნავთობის საძიებო სამუშაოებს დროებით შეაჩერებს.

    მაკა ხარაზიშვილი
    04.06.2014

    წელს ყურძნის დიდ მოსავალს ელიან. კახელი გლეხები ამბობენ, რომ ასეთი მსხმოიარე ვენახი კარგა ხანია არ უნახავთ. ღვინის რეალიზაციის გაზრდის ფონზე, ყურძნის გაყიდვა ყველას ეიმედება. მთავარია, სეტყვა არ მოვიდეს და ვენახი განადგურებას გადაურჩეს.

    მაკა ხარაზიშვილი
    03.06.2014

    სახელმწიფო ბიუჯეტის ჩავარდნასა და სახელმწიფო პროგრამების შეუსრულებლობაში სრული პასუხისმგებლობა მთავრობას ეკისრება. ექსპერტები, ხელისუფლებისგან ითხოვენ პასუხს, რატომ ვერ ხდება საბიუჯეტო სახსრების ათვისება, რომელმაც ქვეყნის ეკონომიკის განვითარება და სოციალური პრობლემების გადაწყვეტა უნდა უზრუნველყოს.

    მაკა ხარაზიშვილი
    03.06.2014

    სპეციალურად "ბიზნეს-რეზონანსისთვის" სურამიდან

    ფიჭვის ყვავილობისას სურამი ისევ ბავშვებით აივსო. დღეს სურამი საქართველოში ყველაზე მოთხოვნადი კურორტია, რომელიც ხელისუფლებამ, გაუგებარი მიზეზების გამო, საერთოდ მიატოვა. არ არსებობს, პარკები, ატრაქციონები, სასტუმროები, ნაგვის ურნებიც კი. ერთი, რაც გაკეთდა გზაა, ისიც რამდენიმეწლიანი პროტესტის შემდეგ. სურამის განვითარება არც ახალი ხელისუფლების გეგმაშია, მიუხედავად იმისა, რომ ტურიზმი ქვეყნის უმთავრეს პრიორიტეტად სახელდება.

    მაკა ხარაზიშვილი
    03.06.2014

    2005 წელს შექმნისთანავე გაუქმებული საგადასახადო არბიტრაჟი შეიძლება ისევ აღდგეს. ეს სურვილი პრემიერ-მინისტრმა ირაკლი ღარიბაშვილმა ბრიუსელში, ჰარვარდის კლუბში ვიზიტისას გამოთქვა. სპეციალისტების განცხადებით, კერძო არბიტრაჟის აღდგენა, ბიზნესსა და სახელმწიფოს შორის ცივილიზებული ურთიერთობის ჩამოყალიბებისთვის მნიშვნელოვანია და ამაზე მთავრობამ ბევრი არ უნდა იფიქროს.

    მარი ჩიტაია
    31.05.2014

    ევრაზიის კავშირის შექმნა ქართული პროდუქტის კონკურენტუნარიანობას შეასუსტებს. რუსეთის, ბელარუსისა და ყაზახეთის ერთიანი ეკონომიკური სივრცე ადგილობრივ ნაწარმს გაზრდილი დაბეგვრის რეჟიმში მოაქცევს, ანუ ჩვვენთვის საბაჟო გადასახადი, სავარაუდოდ, გაიზრდება.

    მაკა ხარაზიშვილი
    31.05.2014

    აპრილში ეკონომიკური ზრდის ტემპი შემცირდა. თუ მარტში, წინა წლის ანალოგიურ პერიოდთან შედარებით, ეკონომიკა 8,3%-ით გაიზარდა, აპრილში მხოლოდ 2,7%-იანი ზრდა აღინიშნა. ექსპერტები, ეკონომიკური ზრდის ტემპის შენელების ერთ-ერთ მიზეზად, ბიუჯეტში გრანტებისა და საერთაშორისო ვალდებულებების შემცირებას მიიჩნევენ. საერთაშორისო დაფინანსების შეყოვნების მიზეზი კი გაჩერებული სახელმწიფო პროექტებია.

    ელზა წიკლაური
    30.05.2014

    "საზოგადოებაში არსებული ვნებათაღელვის" გამო, პარლამენტმა ხელფასების გაზრდასა და ავტოპარკის განახლებაზე უარი თქვა. შესაბამისად, 2015 წელს საკანონმდებლო ორგანოს ბიუჯეტი ისევ 52,091 მლნ ლარი იქნება. სახელფასო ფონდი კი, რომლის გაზრდასაც პარლამენტი ითხოვდა, ბოლო 3 წელიწადში ისედაც სამჯერ გაიზარდა და თანაც 7,5 მლნ ლარით.

    მაკა ხარაზიშვილი
    29.05.2014

    ორ დღეში მსხვილი იმპორტიორები წლების წინათ მინიჭებულ პრივილეგიას დაკარგავენ. 1-ლი ივნისიდან მსხვილი და წვრილი იმპორტიორიც ერთიან დაბეგვრის რეჟიმში მოექცევა - დღგ-ს გადასახადს საბაჟოზე საქონლის განბაჟებისთანავე გადაიხდიან. იმპორტიორები და აუდიტორები ამ გადაწყვეტილებით უკმაყოფილონი არიან და აღნიშნავენ, რომ პარლამენტმა ამ გადაწყვეტილებით მათ საბრუნავი თანხა ხელიდან გამოაცალა.


    Copyright © 2006-2019 by Resonance ltd. . All rights reserved
    ×