სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    12.04.2014

    დედაქალაქის მასშტაბით, ძნელად მოიძებნება უბანი, სადაც შეიძლება საცხოვრებელი ბინების რეალიზაცია დამაკმაყოფილებელი იყოს. ექსპერტებისა და დეველოპერების განცხადებით, მოთხოვნა შემცირდა როგორც ახალი, ასევე მეორადი საცხოვრებელი ფართების მიმართ. ინტერესი არის უფრო ბინის ქირასა და გირაოს მიმართ, რომლის ფასიც საკმაოდ მაღალია.

    მაკა ხარაზიშვილი
    12.04.2014

    რუსეთი ფინანსურ-ეკონომიკური კრიზისის პირისპირ დადგა. ცოტა ხანში ამერიკისა და ევროპის მუქარის (ეკონომიკური სანქციების დაწესებასთან დაკავშირებით) აღსრულება უნდა დაიწყოს. ექსპერტები რუსეთს სერიოზულ პრობლემებს უწინასწარმეტყველებენ, თუმცა აღნიშნავენ, რომ ეს სანქციები არ არის საკმარისი რუსეთის პრეზიდენტის სიჯიუტის გასანეიტრალებლად.

    მაკა ხარაზიშვილი
    11.04.2014

    ყურძენზე გაზრდილმა ფასმა მუშახელიც გააძვირა. კახელებმა ვენახის გასხვლა უკვე დაასრულეს, ახლა ვენახის აკვრა-შეყელვისთვის გამალებული მუშაობა მიმდინარეობს. გლეხები ამბობენ, რომ მუშის ხარჯმა მოიმატა. ისინი შიშობენ, რომ წელს ყურძნის ფასი 1 ლარს არ ჩამოცდეს და გაზრდილი ხარჯი კისერზე არ დააწვეთ.

    მაკა ხარაზიშვილი
    10.04.2014

    ახალი მთავრობის მოსვლის შემდეგ სოფლის მეურნეობა ქვეყნის მთავარი პრიორიტეტული დარგი გახდა. 2012 წლის ოქტომბრის არჩევნების დასრულებისთანავე დაიწყო სხვადასხვა პროექტის შექმნა, რომელმაც ამ დარგის განვითარებას ხელი უნდა შეუწყოს. შეიქმნა "სოფლისა და სოფლის მეურნეობის განვითარების ფონდი", შემუშავდა "შეღავათიანი აგროკრედიტების პროექტი", უკვე მეორე წელია მცირემიწიანი ფერმერებისთვის ხორციელდება სპციალური დახმარების პროექტი, აქტიურად მიმდინარეობს სარწყავი და სადრენჟე არხებზე სამუშაოები, გაიზარდა სურსათის უვნებლობის კუთხით ინსპექტირების რიცხვი.

    მარიამ აფციაური
    10.04.2014

    სამკურნალო ტურიზმის პოტენციალი მზარდია. წინა წლებთან შედარებით, 2014 წელს დამსვენებელთა რაოდენობამ, საშუალოდ, 23%-ით მოიმატა. ვიზიტორების ზრდასთან ერთად იწყება სასტუმროების მშენებლობაც. ამჟამად გრიგოლეთის ტერიტორიაზე მიმდინარეობს 3 ობიექტზე მუშაობა, რომელიც, სავარაუდოდ, 2015 წელს დასრულდება. ასევე დაწყებულია მშენებლობები წყალტუბოში, ლიკანსა და ბორჯომში.

    მარი ჩიტაია
    09.04.2014

    საქართველოში უკრაინული ინვესტიციების მოცულობამ ბოლო სამი წლის განმავლობაში ყველაზე მაღალ ნიშნულს 2013 წელს მიაღწია. მიუხედავად იმისა, რომ უკრაინა რჩება საქართველოს ერთ-ერთ მსხვილ სავაჭრო პარტნიორად, საინვესტიციო მონაცემები არცთუ სახარბიელოდ გამოიყურება. სავარაუდოდ, 2014 წლისთვის ამ ქვეყნიდან ინვესტიციებიც შემცირდება და სავაჭრო ურთიერთობებიც კლებისკენ წავა.

    მარი ჩიტაია
    09.04.2014

    წლის ბოლომდე საპარტნიორო ფონდის რეორგანიზაციის შედეგად "სახელმწიფო ბანკი" ჩამოყალიბდება. პროექტი მთავრობის მიერაა ინიცირებული. ახალი ფინანსური უწყების მისია იქნება ისეთივე, რაც საპარტნიორო ფონდს აქვს.

    მაკა ხარაზიშვილი
    09.04.2014

    ხუდონჰესის მშენებლობა კიდევ ერთხელ გადაიდო. როგორც ჩანს, მთავრობა წინასაარჩევნოდ სვანების გაღიზიანებასა და აზომვითი სამუშაოების იძულებით ჩატარებას მოერიდა. ამიტომ ენერგეტიკის სამინისტრომ გადაწყვიტა, ხუდონის პროექტის განმხორციელებელი კომპანია "ტრანს ელექტრიკისთვის" მშენებლობის ნებართვის მიღების ვადები გადაეწია.

    ელზა წიკლაური
    08.04.2014

    თბილისის შემოვლითი რკინიგზა, მუსიკისა და დრამის თეატრი რიყეზე, "ძთელი თბილისის ახალი სიცოცხლე", იაფი ბაზრობები ყველა უბანში - ეს იმ პროექტების მცირე ჩამონათვალია, რომლებიც წინა ხელისუფლებამ დედაქალაქში დაიწყო, თუმცა ნაწილი თავად შეაჩერა, ნაწილი კი ახალმა ხელისუფლებამ დროებით "დააკონსერვა". არადა, ამ ყველაფერში საკმაოდ დიდი თანხა, დაახლოებით, 550 მლნ ლარზე მეტი დაიხარჯა.

    მაკა ხარაზიშვილი
    08.04.2014

    რამდენიმე დღეში პრემიერ-მინისტრი კონკურენციის სააგენტოს ხელმძღვანელს დანიშნავს. მონოპოლია თითქმის ყველა სფეროშია, განსაკუთრებით, - ხორბლის ბაზარზე, ნავთობპროდუქტების, ფარმაცევტულ და კვების სფეროებში. სპეციალისტების აზრით, სააგენტოს პროფესიონალებით დაკომპლექტებისა და გამართული მუშაობისთვის კარგი დაფინანსებაა საჭირო. სახელმწიფო ბიუჯეტში კი სააგენტოსთვის თითქმის იმდენივეა გაწერილი, რამდენიც საპარტნიორო ფონდის ხელმძღვანელის 2 წლის ანაზღაურებაა.

    ელზა წიკლაური
    08.04.2014

    საქართველოში საშემოსავლო გადასახადი ევროპის ქვეყნებთან შედარებით მცირეა, მაგრამ პოსტსაბჭოთა ქვეყნებს შორის ერთ-ერთი ყველაზე მაღალია. მაგალითად, თუ ჩვენთან საშემოსავლო გადასახადი 20%-ია, რუსეთში ეს მაჩვენებელი 13%-ს შეადგენს, უკრაინაში - 15%-ს და ა.შ. თანაც, თითქმის ყველგან აღნიშნული გადასახადი დიფერენცირებულია და პროცენტული მაჩვენებელი იმის მიხედვით დგინდება, თვეში ხელფასის სახით ვინ რა შემოსავალს იღებს.

    მაკა ხარაზიშვილი
    08.04.2014

    იმპორტიორებს, არაკეთილსაიმედო ქვეყნებში, ინსპექტორების გამგზავრების დაფინანსება უძვირდებათ. სურსათის ეროვნულ სააგენტოში აცხადებენ, რომ აქამდე არსებული დაბალი ტარიფები, ინსპექტორების მივლინების ხარჯებს ვერ ფარავდა, ამიტომ მათი გაზრდა გახდა საჭირო.


    Copyright © 2006-2019 by Resonance ltd. . All rights reserved
    ×