ელზა წიკლაური
27.02.2015

1-ლი მარტიდან თბილისში 1000 კბ/მ გაზი 750 ლარიდან 900 ლარამდე ძვირდება. კომპანია "ყაზტრანსგაზ-თბილისში" ამბობენ, რომ ტარიფი მხოლოდ იურიდიულ პირებს გაეზრდება, მოსახლეობას კი ცვლილება არ შეეხება. კომპანიაში აღნიშნულ გადაწყვეტილებას ლარის კურსის დაცემას უკავშირებენ.

მარი ჩიტაია
26.02.2015

 ეროვნული ბანკის პრეზიდენტის განცხადებამ ლარზე ოდნავ სასიკეთოდ იმოქმედა. ახალი ოფიციალური გაცვლითი კურსით, ლარი მკვეთრ გაუფასურებას გადაურჩა. არსებობს მოსაზრება, რომ კურსი, შესაძლოა, დოლართან მიმართებაში 1.95-2,05 გახდეს, მაგრამ ამ პოზიციამდე მისასვლელად ლარს დიდი გამოცდა და ხანგრძლივი დრო დასჭირდება.

მარი ჩიტაია
26.02.2015

ლარის დევალვაციამ ძვირფასეულობის ბიზნესს სერიოზული პრობლემა შეუქმნა. მართალია, ოქროს ფასი შენარჩუნდა, მაგრამ ბაზარს მყიდველი შემოეცალა. ბოლო 2 თვის განმავლობაში ოქროზე მოთხოვნა კატასტროფულად შემცირდა.

მარიამ აფციაური
26.02.2015

შიდა ტურიზმი თანდათანობით წამგებიანი ხდება. ტურისტულმა კომპანიებმა "რეზონანსთან" საუბრისას აღნიშნეს, რომ ქვეყნის გარე თუ შიდა მოვლენებმა მათ მუშაობაზე გავლენა მოახდინა, რამაც ვიზიტორების შემცირება გამოიწვია. საქართველოში ტურისტული მარშრუტით არც ქართველები ინტერესდებიან. ისინი დასვენებას საზღვარგარეთ არჩევენ.

მაკა ხარაზიშვილი
26.02.2015

ეროვნული ვალუტის გაუფასურების შესაჩერებლად მთავრობის მთავარი გეგმა სახელმწიფო ობიექტების სწრაფი პრივატიზაციაა. უკვე ცნობილია, რომ გაიყიდება ეროვნული ბანკისა და ეკონომიკის სამინისტროს შენობები. ეროვნული ბანკის პრეზიდენტმა კი კომერციული ბანკის ხელმძღვანელებს დოლარში გაცემული კრედიტების რესტრუქტურიზაციის გეგმის მომზადება სთხოვა.

ელზა წიკლაური
25.02.2015

 ხელისუფლებისა და ეროვნული ბანკის დაგვიანებულმა რეაქციამ ქვეყანა უკვე სავალუტო კოლაფსამდე მიიყვანა. გუშინ ეროვნულმა ვალუტამ აქამდე არნახული კატასტროფა განიცადა და ერთბაშად 7 პუნქტით გაუფასურდა. "შავ სამშაბათს" ერთმა დოლარმა ოფიციალურად 2,26 ლარს გადააჭარბა, რეალურად კი 2,35-ს. თუ დაცემის ასეთი ტემპი გაგრძელდა, გამორიცხული არ არის, კვირის ბოლომდე ეროვნული ვალუტა ისტორიულ ანტირეკორდამდე მივიდეს და ერთი დოლარი 2,45 ლარს გასცდეს.

მარი ჩიტაია
25.02.2015

 ბოლო დრომდე როგორც საწვავის ბიზნესის, ასევე წისქვილკომბინატების წარმომადგენლები ფასების შენარჩუნებას ახერხებდნენ. ეს პროდუქტები საერთაშორისო ბაზარზე სტაბილურად იაფი იყო, მაგრამ ლარის კატასტროფულმა გაუფასურებამ თავისი გაიტანა. საწვავმა და ფქვილმა გაძვირება უკვე დაიწყო.

მაკა ხარაზიშვილი
25.02.2015

იანვარში 4 მთავარი ქართული პროდუქტის ექსპორტი მკვეთრად შემცირდა. ექსპორტის ვარდნა (-51%) განსაკუთრებით დსთ-ს ქვეყნებში აღინიშნება. ევროკავშირში კი ქართული პროდუქტის რეალიზაციის მაჩვენებელი იზრდება. შემცირებულია ავტომობილების, ფეროშენადნობების, ღვინისა და მინერალური წყლების ექსპორტი.

მაკა ხარაზიშვილი
24.02.2015

 ლარის მკვეთრი გაუფასურების შემდეგ ეროვნული ბანკის საბოტაჟზე სულ უფრო ხშირად საუბრობენ. ეკონომისტები აღნიშნავენ, რომ ეროვნული ბანკის პრეზიდენტი პარტიული, "ნაციონალური მოძრაობის" ინტერესებით მოქმედებს და მას წარსულსაც უხსენებენ. კერძოდ, გიორგი ქადაგიძის სინდისზეა ბადრი პატარკაციშვილის პოლიტიკური გააქტიურების შემდეგ მისი "სტანდარტ ბანკის" გაკოტრება და ივანიშვილის პოლიტიკაში მოსვლის შემდეგ "ქართუ ბანკზე" თავდასხმა. ყველაზე მთავარი ის არის, რომ ამ ორომტრიალში საქართველოს მთავრობა აბსოლუტურად უუნაროა.

ელზა წიკლაური
24.02.2015

ნავთობი, დენი და გაზი, ფქვილი, პირველი რიგის სასიცოცხლო მოხმარების იმპორტირებული პროდუქტი - ამ ყველაფერზე ფასი ლარის მორიგი გაუფასურების შემთხვევაში აუცილებლად გაიზრდება, რაც ავტომატურად სხვა პროდუქტის ღირებულებას გაზრდის. ლარი კი დაცემას ისევ აგრძელებს, კურსის სტაბილურობისთვის არც ეროვნული ბანკი და არც მთავრობა, პრაქტიკულად, არაფერს აკეთებს. შესაბამისად, უახლოესი 2-3 კვირის განმავლობაში ინფლაცია გარდაუვალი იქნება.

მაკა ხარაზიშვილი
24.02.2015

მთავრობა ეკონომიკური ზრდის პროგნოზზე ჯერ კიდევ ვერ ჩამოყალიბებულა, მაგრამ უკვე აშკარაა, რომ წელს მშპ-ს ზრდის ტემპი მინიმუმ განახევრდება. ეკონომიკის მინისტრი სწორედ 2,5%-იან ზრდას ვარაუდობს, ფინანსთა მინისტრი კი ამბობს, რომ ჯერ საბოლოო დასკვნა ვერ გამოიტანა.

ელზა წიკლაური
24.02.2015

ეკონომიკურმა კრიზისმა რუსეთში, პოლიტიკურმა დაძაბულობამ უკრაინაში, სომხეთის ევრაზიულ კავშირში გაწევრიანებამ და დოლარის გამყარებამ ყველა მეზობელ ქვეყანაში საქართველოს საგარეო ვაჭრობაზე სერიოზული ნეგატიური გავლენა უკვე მოახდინა. სტატისტიკის ეროვნული სამსახურის მონაცემებით, 2015 წლის იანვარში, წინა წლის ანალოგიურ პერიოდთან შედარებით, ექსპორტმა 30%-ით დაიკლო, უარყოფითმა სავაჭრო ბალანსმა კი 55%-ს მიაღწია. უკრაინაში ექსპორტი 98,8%-ით შემცირდა, აზერბაიჯანში - 23,2%-ით, ბელორუსში - 82,6%-ით, რუსეთში - 61,7%-ით, სომხეთში კი - 52,2%-ით.


Copyright © 2006-2020 by Resonance ltd. . All rights reserved
×