სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ელზა წიკლაური
    06.09.2014

    ირანული ტვირთი რუსეთში საქართველოს, კონკრეტულად კი ლარსის საბაჟოს გავლით შევა. როგორც რუსული მედია წერს, ამ საკითხზე რუსეთში ირანის ელჩსა და რუსეთის საბაჟოს ხელმძღვანელობას შორის მოლაპარაკება უკვე შედგა. ირანის ელჩი ჩრდილოეთ ოსეთის რესპუბლიკის ხელმძღვანელ თეიმურაზ მამსუროვსაც ესაუბრა. ამ ეტაპზე უკვე სავარაუდო მარშრუტზე მიდის მუშაობა, რომლის დასრულების შემდეგ ირანი-საქართველოს (ლარსის საბაჟო) - ვლადიკავკაზი-მოსკოვის მიმართულება სრული დატვირთვით ამუშავდება.

    ელზა წიკლაური
    05.09.2014

    2014 წლის 2 კვარტალის მონაცემებით, იმპორტი 15 პროცენტით, ხოლო ექსპორტი კი 14 პროცენტით გაიზარდა. ბოლო 7 თვის განმავლობაში უარყოფითმა სავაჭრო სალდომ, წინა წლის ანალოგიურ პერიოდთან შედარებით, ერთი პროცენტით მოიმატა და 49 პროცენტი შეადგინა. სპეციალისტები ექსპორტ-იმპორტს შორის არსებულ დისბალანსს ქვეყანაში რეალური სექტორის განუვითარებლობას უკავშირებენ.

    მაკა ხარაზიშვილი
    04.09.2014

    დარიალის ხეობაში სტიქიისგან დაზიანებული "ლარსი ჰესი" 1 თვის შემდეგ შეძლებს მუშაობის განახლებას. ჰესის ოპერატორ კომპანიებს 1 მილიონი ლარის ზარალი მიადგათ, თუმცა გარემოს დამცველების ვარაუდი ჰესის დასამარებასთან დაკავშირებით არ გამართლდა.

    ელზა წიკლაური
    04.09.2014

    დედაქალაქის მერიამ, შესაძლოა, კომერციული ბანკიდან ფული აღარ ისესხოს. 30-მილიონიანი სესხის აღება მერიას მხოლოდ იმ შემთხვევაში მოუწევს, თუ წლის ბოლოს ბიუჯეტში დეფიციტი იქნება. იმ ფაქტს, რომ საბიუჯეტო დეფიციტი კომერციული ბანკებიდან აღებული სესხით უნდა დაიფაროს, ზოგიერთი ექსპერტი უარყოფითად აფასებს, ზოგი კი ამაში პრობლემას ვერ ხედავს და მაგალითისთვის ძველი პრაქტიკა მოჰყავს.

    ელზა წიკლაური
    03.09.2014

    მედიკამენტების რეცეტპით გაცემის სისტემის ამოქმედებამ, შესაძლოა, არაქსელურ აფთიაქებს სერიოზული ფინანსური პრობლემა შეუქმნას. სპეციალისტთა ნაწილი ამბობს, რომ აღნიშნულ რეგულაციას მსხვილი კომპანიები გაუძლებენ, პატარა აფთიაქები კი ჩაიძირებიან. ექსპერტთა ნაწილი კი თვლის, რომ რეცეპტის ინსტიტუტის შემოღება ფარმაცევტულ ბიზნესს არ აზარალებს, უბრალოდ, ერთი სახის მედიკამენტის გაყიდვა შემცირდება, მეორისა კი (ურეცეპტოდ გასაცემის) გაიზრდება.

    მაკა ხარაზიშვილი
    03.09.2014

    წელს კახური ზეთი ძნელად საშოვარი გახდება. კახეთში მზესუმზირის პლანტაციების დაახლოებით 50% გადაიწვა. ფერმერთა ნაწილმა ნათესებში კომბაინიც კი აღარ შეიყვანა. რაც გადარჩა, იქაც მცირე მოსავალი მოვიდა. გლეხები და ფერმერები უმძიმეს მდგომარეობაში არიან. ისინი ხელისუფლებას სთხოვენ ადგილზე ჩავიდნენ და გადამწვარი ქიზიყი საკუთარი თვალით ნახონ, ხოლო გლეხებს გამოსავლის მოძებნაში დაეხმარონ.

    ელზა წიკლაური
    02.09.2014

    თბილისში 1 კილოგრამი პური საცალო ქსელში დაახლოებით 1,5-1,7 ლარი ღირს, ერევანში კი - 1-1,2 ლარი, ბაქოში 1 კგ-ის ფასი, საშუალოდ, 1,7 ლარია, მინსკში - 1,25-1,5 ლარი, კიევში კი 1 კგ პური 1 ლარს არ აღემატება, ასტანაში - 1,2-1,3 ლარი ღირს, კიშინოვში - 1,1 ლარი. პური ყველაზე ძვირი მოსკოვშია, იქ მისი ღირებულება 55 რუბლს, დაახლოებით 2,6 ლარს შეადგენს. თუმცა მოსკოვში პურზე მოქმედებს ე.წ. სოციალური ტარიფი, რომელიც ფიქსირებულია და საბაზრო ფასზე ბევრად ნაკლებია.

    ელზა წიკლაური
    02.09.2014

    მოვალეთა რეესტრში რეგისტრირებულთა რაოდენობა ისევ დიდი სისწრაფით იზრდება. ბოლო ერთი წლის განმავლობაში ეს მაჩვენებელი დაახლოებით 33 ათასით გაიზარდა. თითქმის ყოველკვარტალურად მატულობს საბანკო სექტორის მიერ დასაკუთრებული უძრავ-მოძრავი ქონების მოცულობაც. 2014 წლის 2 კვარტლის მონაცემებით, 10 კომერციული ბანკის მიერ დასაკუთრებულმა ქონების მთლიანმა რაოდენობამ 86,3 მლნ ლარი შეადგინა.

    მაკა ხარაზიშვილი
    02.09.2014

    სიღნაღსა და დედოფლისწყაროში ყურძნის მოსავალი მინიმუმამდე შემცირდა. წელს სიღნაღში 14 ათას ტონამდე ყურძენს ელოდებიან მაშინ, როდესაც შარშან 25 ათას ტონაზე მეტი მოსავალი მიიღეს. არადა, წლევანდელი რთველი კახელებისთვის ყველაზე წარმატებული უნდა იყოს. 1 კგ საფერავის ფასი 1,5 ლარიდან 2,3 ლარამდე მერყეობს. რქაწითელის ღირებულება კი 1,2-1,3 ლარია. 2 წლის წინ კახეთში 1 კგ ყურძენი, საშუალოდ, 40 თეთრი ღირდა.

    მაკა ხარაზიშვილი
    30.08.2014

    ეკონომიკა სტატისტიკურ ზრდას განაგრძობს. ივლისში, მთლიანი შიდა პროდუქტის ზრდის ტემპმა 7%-ს გადააჭარბა. შეგახსენებთ, რომ მთავრობის პროგნოზით, წელს ქვეყანას 5%-იანი ეკონომიკური ზრდა ექნება. სპეციალისტების განცხადებით, შარშან ეკონომიკის განვითარების შემცირების ფონზე 5%-იანი ზრდა საკმაოდ მცირეა და ეს პროცესი მოსახლეობის სოციალურ მდგომარეობაზე გავლენას ვერ მოახდენს.

    ელზა წიკლაური
    30.08.2014

    რუბლის კურსი ისტორიულ მაქსიმუმამდე დაეცა, შემცირდა "გაზპრომის" მიერ გაზის მოპოვება და ექსპორტი, რუსეთის ეკონომიკა კი, როგორც ქვეყნის ეკონომიკის მინისტრი აცხადებს, "სტაგნაციასა და რეცესიას შორის ბალანსირებს". უკვე ცნობილია, რომ უკრაინაში მიმდინარე მოვლენების გამო, დასავლეთი რუსეთს მორიგ სანქციებს უმზადებს, ბრიუსელი კი გეგმავს, რომ მოსკოვს დაწესებული ემბარგოს გამო მსო-ში უჩივლოს. ოზ ქწკპფტ-მა კი ინვესტორებს პორტფელებში რუსული აქციების წილის შემცირების რეკომენდაცია მისცა.

    მაკა ხარაზიშვილი
    30.08.2014

    უკრაინასთან ექსპორტი იზრდება, იმპორტი კი მცირდება. იანვარ-ივლისის მონაცემებით, უკრაინაში მიმდინარე საომარმა პროცესებმა საქართველოსა და უკრაინის სავაჭრო ურთიერთობებზე ჯერჯერობით, სერიოზული გავლენა ვერ მოახდინა. სპეციალისტების ვარაუდით, იმპორტის შემცირება თვალშისაცემი აგვისტოში იქნება, ვინაიდან უკრაინის ერთ-ერთი ყველაზე დიდი სამრეწველო რეგიონი - დონეცკი, ფაქტობრივად, პარალიზებულია.


    Copyright © 2006-2020 by Resonance ltd. . All rights reserved
    ×