მარი ჩიტაია
06.02.2015

ბიუროკრატიული მექანიზმები, გადაწყვეტილებების მიღების გაჭიანურება და კომუნიკაციის დეფიციტი - ბიზნესმენებისთვის ხელოვნური ბარიერი ისევ პრობლემად რჩება. ერთადერთი სიკეთე, რომელიც ბიზნესმა "ქართული ოცნების" ხელისუფლებაში მოსვლისთანავე იგრძნო, თავისუფლებაა. მათ ძველებურად არ ატერორებენ, არ ჰყავთ წნეხში, მაგრამ არც განვითარების შესაძლებლობა აქვთ.

ელზა წიკლაური
06.02.2015

 მთავრობა ეკონომიკური ზრდის პროგნოზს ამცირებს, თუმცა ზუსტი ციფრის დასახელებისგან ჯერჯერობით თავს იკავებს. ფინანსთა მინისტრი ირწმუნება, რომ დღეს არსებული ინფორმაცია ზუსტი პროგნოზის გაკეთების საშუალებას არ იძლევა. ეკონომიკის მინისტრი კი აცხადებს, რომ უფრო კონკრეტული პროგნოზის გაკეთებას მას შემდეგ გახდება შესაძლებელი, რაც მშპ-ს პირველი კვარტალის ზუსტი მონაცემები გამოქვეყდება.

მარიამ აფციაური
05.02.2015

ლარის კურსის ვარდნას საკვები პროდუქტის მყისიერი გაძვირება უკვე მოჰყვა. ბოლო პერიოდში ზოგიერთ პროდუქტზე ფასმა 5%-ით, ზოგზე კი - 30%-ით მოიმატა. შესაბამისად, მოიმატა მოსახლეობის დანახარჯმაც. საფასო ცვლილება საზოგადოებას იმდენად მძიმედ დააწვა, რომ მოსახლეობის ნაწილი იძულებულია ძვირადღირებული და ხარისხიანი პროდუქტი იაფი და უხარისხო პროდუქციით ჩაანაცვლოს.

მაკა ხარაზიშვილი
05.02.2015

ქართული პროდუქცია შვეიცარიაში, ნორვეგიაში, ისლანდიასა და ლიხტენშტეინში თავისუფალი საბაჟო ტარიფით შევა. ევროკავშირთან თავისუფალი სავაჭრო ურთიერთობის დამყარების შემდეგ მთავრობა ახალ ბაზარზე მუშაობს. თუმცა ხელისუფლების უმთავრესი გამოწვევა წარმოების განვითარება და ქვეყანაში ექსპორტზე გასატანი პროდუქტის შექმნაა.

მარი ჩიტაია
05.02.2015

 დაზარალებულმა იპოთეკარებმა მოთხოვნა შეცვალეს. ვალის ჩამოწერის ნაცვლად, ისინი ხელისუფლებისგან პრობლემის დროულად მოგვარებას და გრძელვადიანი სესხის გაცემას ითხოვენ. სპეციალისტები ფიქრობენ, რომ პრობლემა ვერც ამით მოგვარდება, რადგან დაზარალებულების უმეტესობა გადახდისუუნაროა და აღებული ვალის გასტუმრებას ვერც ამ შემთხვევაში შეძლებენ.

მარი ჩიტაია
04.02.2015

 აქციზის გაზრდის შემთხვევაში, ლუდი 20-30%-ით გაძვირდება. ლუდის მწარმოებელ კომპანიებში აცხადებენ, რომ შეეცდებიან, პროდუქცია მინიმალურად გააძვირონ. თითქმის ყველა კომპანიის წარმომადგენელი აღიარებს, რომ პროდუქტის გაძვირება რეალიზაციაზე ცუდ გავლენას მოახდენს.

მაკა ხარაზიშვილი
04.02.2015

ეროვნული ვალუტის გაუფასურების გამო თბოსადგურების მფლობელები სემეკს ტარიფის გაზრდის მოთხოვნით მიმართავენ. სემეკში კი ირწმუნებიან, რომ თბოსადგურების მიერ გამომუშავებული ელექტროენერგიის ტარიფის შესაძლო გაზრდა სამომხმარებლო ტარიფზე გავლენას არ მოახდენს.

მაკა ხარაზიშვილი
04.02.2015

იანვარში ინფლაცია მხოლოდ 0,2%-ია, სურსათი და ალკოჰოლური სასმელები კი მხოლოდ 1,2%-ით გაძვირდა. სტატისტიკის ეროვნული სამსახურის მიერ გამოქვეყნებული მაჩვენებელი საზოგადოების გაოცებას იწვევს, ვინაიდან სავაჭრო ქსელებსა და აფთიაქებში შესულ მომხმარებელს აბსოლუტურად განსხვავებული რეალობა ხვდება.

ელზა წიკლაური
04.02.2015

 2015 წელს ოჯახის შემოსავლის გაუარესებას ლამის ყოველი მეორე ადამიანი ელის - სწორედ ასეთი შედეგი აჩვენა "რეზონანსის" ვებ-გვერდზე ჩატარებულმა გამოკითხვამ. კითხვაზე - ელოდებით თუ არა თქვენი ოჯახის შემოსავლის გაუმჯობესებას, 41,6%-მა უარყოფითი პასუხი გასცა, 35,4% კი უფრო ოპტიმისტურადაა განწყობილი და იმედი აქვს, რომ წელს მათი ოჯახის შემოსავალი გაიზრდება.

მაკა ხარაზიშვილი
03.02.2015

 პენსია, რომელიც სექტემბრიდან 6,6%-ით გაიზრდება უკვე 13%-ით გაუფასურდა. ასეთივე რაოდენობით შემცირდა სახელფასო ერთეულის მსყიდველუნარიანობა. ეროვნული ვალუტის გაუფასურების შედეგებს სოციალურად დაუცველი მოსახლეობა, რომელთა მრავალრიცხოვან ჯგუფს პენსიონერებიც უერთდებიან, თანდათან უკვე იმკის.

მაკა ხარაზიშვილი
03.02.2015

 მეწარმეებმა "ყაზტრანსგაზ-თბილისისგან" გაზის გაძვირებაზე შეტყობინება უკვე მიიღეს. გაზი გაუძვირდებათ პურის საცხობებსაც, რომლებიც მთავრობის ჩარევით აქამდე გარკვეული სატარიფო შეღავათებით სარგებლობენ. შესაბამისად, მეპურეები პურის გაძვირებას, ხოლო პატარა საცხობების დახურვას ვარაუდობენ. ავტოგაზის გაძვირება სურთ იმპორტიორებსაც, თუმცა მათ ხელს ბენზინის დაბალი ფასი უშლით.

მარიამ ვარადაშვილი
03.02.2015

ლარის გაუფასურება, ინფლაცია, ექსპორტის შემცირება, სიღარიბის მაღალი მაჩვენებელი და დასაქმების დაბალი დონე - ქვეყნის სუსტი ეკონომიკა მთავრობის უმთავრეს გამოწვევად რჩება. მთავრობასთან ერთად ეკონომიკური პოლიტიკის შემუშავების მთავარი ფუნქცია ეკონომიკის სამინისტროს გააჩნია. სპეციალისტები აღნიშნავენ, რომ სამინისტრო მის წინაშე არსებულ პრობლემებს თავს ისევ ვერ ართმევს. ამიტომ უნდა შეიქმნას ფინანსური კომიტეტი, რომელიც არსებულ გამოწვევასთან ბრძოლის ეფექტურ გეგმას შეიმუშავებს.


Copyright © 2006-2020 by Resonance ltd. . All rights reserved
×