სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    12.03.2014

    600-მილიონიანი ინვესტიცია, რომელიც "ხრუშჩოვკების" დემონტაჟისა და ახალი საცხოვრებელი სახლების მშენებლობას ითვალისწინებს, არასაკმარისია. სპეციალისტების გათვლით, ამ თანხით შეიძლება აშენდეს ბინა დაახლოებით 20 000 ოჯახისთვის. ეს მაშინ, როცა თბილისში 350 000 ოჯახი ავარიულ სახლში ცხოვრობს, რაც მთლიანი მოსახლეობის 70%-ს შეადგენს.

    მაკა ხარაზიშვილი
    12.03.2014

    2013 წლის საინვესტიციო მონაგარმა 2012 წლის მაჩვენებელს სულ რაღაც 2 მილიონი დოლარით გადააჭარბა. ეს ნიშნავს, შარშან არათუ ნაპროგნოზევი 2 მილიარდი, არამედ 1 მილიარდი დოლარიც კი არ შემოვიდა. აბსოლუტურად შეიცვალა ინვესტორი ქვეყნების სამეულიც. თუ ადრე კაპიტალდაბანდებაში ყაზახები, არაბები და თურქები ლიდერობდნენ, ამჯერად ყველაზე მეტი ინვესტიცია ნიდერლანდებიდან, ლუქსემბურგიდან და ჩინეთიდან შემოვიდა.

    მაკა ხარაზიშვილი
    11.03.2014

    ბოლო რამდენიმე თვეა ეკონომიკა იზრდება, მოსახლეობის სოციალური მდგომარეობა კი არ უმჯობესდება. სპეციალისტების ნაწილი კვლავ წლის მეორე ნახევრის მოლოდინაშია. დასაქმების ზრდა და სოციალური ფონის გაუმჯობესებას ისევ რამდენიმე თვის ლოდინი სჭირდება.

    მარი ჩიტაია
    11.03.2014

    რესტორნებს და კაფე-ბარებს რეგიონებში პრობლემა აქვთ. იშვიათი გამონაკლისის გარდა, მათ უმეტესობას მომხმარებელი თითქმის არ ჰყავს. მიზეზი, რასაც შეიძლება დეფიციტი გამოეწვია, ბარ-რესტორნების მენეჯერებისთვის უცნობია. მათი ნაწილი ამბობს, რომ მაღალ სეგმენტზე მომუშავე წამყვან რესტორნებს რეგიონებში იმდენად გაუჭირდათ, რომ ბოლო დროს თავი იჩინა მომსახურე პერსონალის შენახვის პრობლემამაც. არ არის გამორიცხული, ზოგიერთი ობიექტი დახურვის პირასაც აღმოჩნდეს.

    მარი ჩიტაია
    11.03.2014

    სადღესასწაულო განწყობა ყვავილებისა და პარფიუმერული ნაწარმის ბიზნესში წელს ნაკლებად იგრძნობა. ორივე მიმართულებით მომხმარებლის დეფიციტია. ყვავილების მაღაზიებში ამბობენ, რომ აქტიური არც წინა გაზაფხული იყო. მოთხოვნა განსაკუთერებით ძვირადღირებულ ყვავილებზე შემცირდა. თითქმის ანალოგიურია პარფიუმერულ მაღაზიებში არსებული ვითარება.

    მაკა ხარაზიშვილი
    08.03.2014

    პარლამენტში ბანკების მიერ არაპროფილური ბიზნესების მართვის აკრძალვას განიხილავენ. სავარაუდოდ, განხილვაგანხილვად დარჩება, ვინაიდან ეს საკითხი არაერთხელ დამდგარა მთავრობისა თუ პარლამენტის წინაშე, თუმცა ბანკები ხელშეუხებლები არიან.

    მაკა ხარაზიშვილი
    08.03.2014

    ეროვნულ ბანკს ფინანსური მონიტორინგის ფუნქციას ჩამოართმევენ. შეიძლება ეს სამსახური ფინანსთა სამინისტროს სისტემაში გადავიდეს. ექსპერტები ამ ცვლილებას ეწინააღმდეგებიან და განმარტავენ, რომ ფინანსური მონიტორინგის სამსახურისა და ეროვნული ბანკის ფუნქციები ერთმანეთზეა გადაჯაჭვული.

    მაკა ხარაზიშვილი
    07.03.2014

    წლეულს ხორბლის მოსავალი, სავარაუდოდ, გაორმაგდება. პირველად, ბოლო რამდენიმე წლის განმავლობაში, ხორბალი 80 ათას ჰექტარზე დაითესა. სოფლის მეურნეობის სამინისტროში ვარაუდობენ, რომ მოსავალი მინიმუმ 160 ათასი ტონა იქნება.

    ელზა წიკლაური
    07.03.2014

    1-ლი აპრილიდან აზერბაიჯანში 2005 წლამდე გამოშვებული ავტომანქანების იმპორტი ვეღარ განხორციელდება. მთავრობის გადაწყვეტილებით, აზერბაიჯანში სატრანსპორტო საშუალებებზე ეკოლოგიური სტანდარტი - "ევრო-4" სწორედ იმ პერიოდიდან ამოქმედდება. ცნობილია ისიც, რომ ახალი სტანდარტი მხოლოდ ახალჩამოყვანილ ავტომანქანებზე გავრცელდება, ძველ მანქანებს კი შეზღუდვა არ დაუწესდება.

    მარი ჩიტაია
    06.03.2014

    საძოვრების პრობლემა წელსაც მწვავე იქნება. გაზაფხულის დადგომამ გლეხებს ძველი თავსატეხი გაახსენა. წინა ხელისუფლების დროს სასოფლო-სამეურნეო სავარგულების გასხვისებამ პრობლემა საქართველოს თითქმის ყველა რეგიონში შექმნა. ბოლო წლების განმავლობაში საძოვრების დაბრუნების მოთხოვნით გლეხების პროტესტი მასშტაბური იყო, თუმცა რეალური შედეგი მას დღემდე არ მოჰყოლია.

    ელზა წიკლაური
    06.03.2014

    რუსეთი უკრაინის წინააღმდეგ მორიგი სადამსჯელო ღონისძიების გატარებას გეგმავს. საქმე ეხება ძველ, მაგრამ რუსეთ-უკრაინის ურთიერთობაში კარგად ნაცნობ "გაზის ომს". მოსკოვმა კიევს ბუნებრივი აირის დავალიანების სასწრაფოდ დაფარვა უკვე მოსთხოვა, აპრილიდან კი გაზის ფასზე მიღწეულ შეთანხმებასაც გააუქმებს. ეს იმას ნიშნავს, რომ უკრაინა რუსეთისგან 1000 კბ/მ ბუნებრივ აირს არა 268, არამედ 400 დოლარად შეიძენს.

    მაკა ხარაზიშვილი
    04.03.2014

    წლის ბოლოს ჩქაროსნული ავტომაგისტრალი აგარამდე უნდა ჩავიდეს. გეგმა ასეთია. ამ მონაკვეთზე გავლისას კი შთაბეჭდილება რჩება, რომ თვეების განმავლობაში ერთი ადგილი იტკეპნება და მშენებლობა რუისს ვერ გასცდა. ფაქტია, რომ მაგისტრალის მშენებლობა ვერც ახალმა ხელისუფლებამ დააჩქარა. რეგიონული ინფრასტრუქტურის სამინისტრომ შარშანდელი დანაპირები ვერ შეასრულა და წლევანდელი ტემპიც სახარბიელო არ არის.


    Copyright © 2006-2019 by Resonance ltd. . All rights reserved
    ×